ՄԱՐԳԱՐԷՈՒԹԻՒՆ ԵՍԱՅԵԱՅ 14:24 - Գրաբար Աստվածաշունչ (1895)

²⁴ Այսպէս ասէ Տէր զօրութեանց. Զոր օրինակ ասացի՝՝ այնպէս եղիցի, եւ որպէս խորհեալ եմ՝ այն կացցէ.

ՄԱՐԳԱՐԷՈՒԹԻՒՆ ԵՍԱՅԵԱՅ 14:24 ပူးပေါင်းရင်းမြစ်များ

ԾՆՈՒՆԴՔ 41:32

Այլ վասն կրկնելոյ երազոյն փարաւոնի երկիցս անգամ, զի ճշմարիտ իցէ բանն առ ի յԱստուծոյ, եւ փութասցի Աստուած առնել զնա։

ԳԻՐՔ ՅՈԲԱՅ 23:13

Ապա թէ նա այնպէս դատեցաւ, ո՞ իցէ որ ընդդէմ դառնայցէ նմա. զի զոր ինքն կամեցաւ՝ եւ արար։

ԳԻՐՔ ՍԱՂՄՈՍԱՑ 110:4

Յիշատակ արար սքանչելեաց իւրոց ուղղոց. ողորմած գթած է Տէր։

ԳԻՐՔ ՍԱՂՄՈՍԱՑ 33:10

Երկերուք ի Տեառնէ ամենայն սուրբք նորա, զի ոչ ինչ է պակասութիւն երկիւղածաց նորա։

ԳԻՐՔ ՍԱՂՄՈՍԱՑ 92:5

Վկայութեանց քոց մեք յոյժ հաւատացաք. տան քում վայելէ սրբութիւն, Տէր, ընդ երկայն աւուրս։

ԵԼՔ 17:16

եւ ասէ. Զի ծածուկ ձեռամբ Տեառն պատերազմի Տէր՝՝ ընդ Ամաղեկայ ազգաց յազգս։

ԱՌԱԿՔ ՍՈՂՈՄՈՆԻ 19:21

Բազում խորհուրդք են ի սրտի առն, բայց խորհուրդ Աստուծոյ յաւիտեան մնայ։

ԱՌԱԿՔ ՍՈՂՈՄՈՆԻ 21:30

Ոչ է մարդոյ իմաստութիւն, ոչ արութիւն եւ ոչ խորհուրդ առ Աստուած։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 10:5

Վա՜յ Ասորեստանւոյն, գաւազան բարկութեան եւ սրտմտութեան իմոյ ի ձեռս նոցա.

ՄԱՐԳԱՐԷՈՒԹԻՒՆ ԵՍԱՅԵԱՅ 19:12

Արդ ո՞ւր են իմաստունքն քո. պատմեսցեն քեզ եւ ասասցեն՝ զի՛նչ խորհուրդ խորհեցաւ Տէր զօրութեանց ի վերայ Եգիպտոսի։

ՄԱՐԳԱՐԷՈՒԹԻՒՆ ԵՍԱՅԵԱՅ 19:17

Եւ եղիցի երկիրն Հրէաստանի ի խրտուիլ Եգիպտացւոցն. եւ ամենայն որ անուանեսցէ զանուն երկրին առ նոսա, զարհուրեսցին վասն խորհրդին զոր խորհեցաւ Տէր զօրութեանց ի վերայ նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 55:8

Զի ոչ են խորհուրդք իմ իբրեւ զխորհուրդս ձեր, եւ ոչ ճանապարհք իմ իբրեւ զճանապարհս ձեր՝ ասէ Տէր։

ՄԱՐԳԱՐԷՈՒԹԻՒՆ ԵՍԱՅԵԱՅ 55:9

Այլ որպէս հեռի են երկինք յերկրէ, այնպէս հեռի են ճանապարհք իմ ի ճանապարհաց ձերոց, եւ խորհուրդք իմ ի խորհրդոց ձերոց։

ՄԱՐԳԱՐԷՈՒԹԻՒՆ ԵՐԵՄԵԱՅ 23:20

Եկեսցէ եւ՝՝ մի՛ դարձցի սրտմտութիւն Տեառն, մինչեւ արասցէ եւ հաստատեսցէ զյօժարութիւն սրտի նորա. յետին ժամանակս իմասցին զայն իմանալով։

ՄԱՐԳԱՐԷՈՒԹԻՒՆ ԵՐԵՄԵԱՅ 29:11

Զի ես գիտեմ զխորհուրդս զոր խորհիմ եւ խորհեցայց՝՝ ի վերայ ձեր, ասէ Տէր, խորհուրդ խաղաղութեան եւ ոչ չարութեան, տաց ձեզ յետ այդորիկ՝՝ յոյս.

ՄԱՐԳԱՐԷՈՒԹԻՒՆ ԵՐԵՄԵԱՅ 44:26

Վասն այդորիկ լուարուք զպատգամ Տեառն ամենայն Յուդա որ բնակեալդ էք յերկրիդ Եգիպտացւոց. Ահաւասիկ երդուայ յանձն իմ մեծ, ասէ Տէր Աստուած, եթէ կոչեսցի եւս անուն իմ ի բերանոյ ամենայն առն Յուդայ, ասել թէ՝ Կենդանի է Տէր, յամենայն երկրիս Եգիպտացւոց։

ՄԱՐԳԱՐԷՈՒԹԻՒՆ ԵՐԵՄԵԱՅ 49:20

Վասն այդորիկ լուարուք զխորհուրդ Տեառն զոր խորհեցաւ ի վերայ Եդովմայեցւոց, եւ զխորհուրդ նորա զոր խորհեցաւ ի վերայ բնակչաց Թեմանայ. եթէ ոչ հարցին յետինք ոչխարացն, բայց եթէ յաւիտեան կայցեն, քակտումն նոցա՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 50:45

Վասն այդորիկ լուարուք զխորհուրդ Տեառն զոր խորհեցաւ ի վերայ Բաբելոնի, եւ զխորհուրդս նորա զոր խորհեցաւ ի վերայ բնակչաց Քաղդէացւոց. Եթէ ո՞չ ապականիցէք զգառինս հօտից նոցա, եթէ ո՞չ ապականեսցին ի նոցանէ արօտք.

ՈՂԲՔ 3:37

Ոչ ասաց թէ՝ Այսպէս ասաց Տէր, եւ եղեւ.՝՝ ոչ պատուիրեաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 12:25

Քանզի ես Տէր խօսեցայ զբանս իմ, խօսեցայ եւ արարից, եւ ոչ եւս յերկարեցից. զի յաւուրս ձեր, տուն դառնացողաց, խօսեցայ զբանն, եւ արարից ասէ Ադոնայի Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:4

ի վերայ լերանցն Իսրայելի, եւ՝՝ անկանիցիս դու եւ ամենեքին որ զքեւ իցեն, եւ ազգքն որ ընդ քեզ իցեն՝ մատնեսցին ի կերակուր հաւուց եւ ամենայն թռչնոց,՝՝ եւ ամենայն գազանաց անապատի ետու զքեզ ի կերակուր.

ՄԱՐԳԱՐԷՈՒԹԻՒՆ ԱՄՈՎՍԱՅ 3:6

Եթէ հարկանիցի՞ փող ի քաղաքի, եւ ազգն ոչ խռովեսցի. եթէ իցե՞ն չարիք ի քաղաքի եւ Տեառն չիցէ արարեալ։

ՄԱՐԳԱՐԷՈՒԹԻՒՆ ԱՄՈՎՍԱՅ 8:7

Երդնու Տէր ի վերայ հպարտութեանն Յակոբու, թէ ոչ մոռասցին ի սպառ ամենայն գործք ձեր՝՝։

Մատթեոսի Աւետարան 11:25

Յայնմ ժամանակի պատասխանի ետ Յիսուս եւ ասէ. Գոհանամ զքէն, Հայր, Տէր երկնի եւ երկրի, զի ծածկեցեր զայս յիմաստնոց եւ ի գիտնոց, եւ յայտնեցեր տղայոց։

ԳՈՐԾՔ ԱՌԱՔԵԼՈՑ 4:28

առնել որչափ ձեռն քո եւ կամք յառաջագոյն սահմանեցին լինել։

ԱՌ ԵՓԵՍԱՑԻՍ ԹՈՒՂԹ 1:9

Եցոյց մեզ զխորհուրդս կամաց իւրոց ըստ հաճութեան իւրում, զոր յառաջագոյն եդ նովաւ,

ԱՌ ԵԲՐԱՅԵՑԻՍ ԹՈՒՂԹ 4:3

Այլ մեք մտանեմք ի հանգիստն որք հաւատացաքս. որպէս եւ ասացն թէ՝ Որպէս երդուայ ի բարկութեան իմում, թէ՝ Մտցեն ի հանգիստ իմ. թէպէտ եւ արդիւնքն ի սկզբանէ աշխարհի լիեալ էին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:20

Զի ի Տեառնէ կարծրանային սիրտք նոցա պատահել պատերազմաւ Իսրայելի զի սատակեսցին, եւ մի՛ տացի նոցա ողորմութիւն, այլ զի սատակեսցին որպէս խօսեցաւ Տէր ընդ Մովսիսի։