ՄԱՐԳԱՐԷՈՒԹԻՒՆ ՈՎՍԵԱՅ 10:13 - Գրաբար Աստվածաշունչ (1895)

¹³ Զմէ՞ խլխլեցէք զամպարշտութիւն, եւ զանօրէնութիւնս նորա գրգեցէք՝՝, եւ կերայք պտուղ ստութեան. զի յուսացար ի կառս քո, ի բազմութիւն զօրութեան քո։

ՄԱՐԳԱՐԷՈՒԹԻՒՆ ՈՎՍԵԱՅ 10:13 ပူးပေါင်းရင်းမြစ်များ

ԳԻՐՔ ՅՈԲԱՅ 4:8

Զոր օրինակ տեսի զայնոսիկ որ զանպատեհսն արօրադիր առնեն, որ սերմանեն զնոսա՝ ցաւս հնձեսցեն ի նոցանէ։

ԳԻՐՔ ՍԱՂՄՈՍԱՑ 33:16

Աչք Տեառն ի վերայ արդարոց, եւ ականջք նորա ի վերայ աղօթից նոցա։

ԳԻՐՔ ՍԱՂՄՈՍԱՑ 52:7

Ո՜ տացէ ի Սիոնէ զփրկութիւն Իսրայելի. ի դարձուցանել Տեառն զգերութիւն ժողովրդեան իւրոյ, ցնծասցէ Յակոբ եւ ուրախ եղիցի Իսրայէլ։

ԳԻՐՔ ՍԱՂՄՈՍԱՑ 62:10

Եւ նոքա ի նանիր խնդրեցին զանձն իմ, մտցեն ի ներքոյ անդնդոց երկրի.

ԱՌԱԿՔ ՍՈՂՈՄՈՆԻ 1:31

Այսուհետեւ կերիցեն զպտուղս ճանապարհաց իւրեանց, եւ իւրեանց ամպարշտութեամբն յագեսցին։

ԱՌԱԿՔ ՍՈՂՈՄՈՆԻ 12:19

Շրթունք ճշմարիտք հաստատեն զվկայութիւն, վկայ վաղվաղուկ՝ ունի՝՝ լեզու անիրաւ։

ԱՌԱԿՔ ՍՈՂՈՄՈՆԻ 13:2

Ի պտղոյ արդարութեան կերիցէ առատ, անձինք անօրինաց սատակեսցին տարաժամ։՝՝

ԱՌԱԿՔ ՍՈՂՈՄՈՆԻ 19:5

Վկայ սուտ՝ առանց պատժի ոչ լիցի, եւ որ մեղ դնէ տարապարտուց՝ ոչ ապրեսցի։

ԱՌԱԿՔ ՍՈՂՈՄՈՆԻ 22:8

Որ սերմանէ զանզգամութիւն՝ հնձեսցէ զչարիս, եւ զհարուածս գործոց իւրոց բովանդակեսցէ։

ԺՈՂՈՎՕՂ 9:11

Դարձայ եւ տեսի ի ներքոյ արեգական, զի ոչ թեթեւաց են ընթացք, եւ ոչ զօրաւորաց պատերազմ, եւ ոչ իմաստնոց հաց, եւ ոչ հանճարեղաց մեծութիւն, եւ ոչ գիտնոց շնորհք. զի ժամանակ եւ պատահար պատահէ ամենեցուն նոցա։

ՄԱՐԳԱՐԷՈՒԹԻՒՆ ԵՍԱՅԵԱՅ 17:11

Ընդ առաւօտս եթէ սերմանեսցես, ծաղկեսցէ յամառն. յաւուր յորում ժառանգեցուսցես՝ որպէս հայր զի թողուցու զժառանգութիւն որդւոց իւրոց։՝՝

ՄԱՐԳԱՐԷՈՒԹԻՒՆ ՈՎՍԵԱՅ 11:12

Պաշարեաց զիս ստութեամբ Եփրեմ, եւ ամպարշտութեամբ տունն Իսրայելի եւ Յուդայ, արդ ծանեաւ զնոսա Աստուած, եւ ժողովուրդ սուրբ կոչեսցի Աստուծոյ՝՝։

ՄԱՐԳԱՐԷՈՒԹԻՒՆ ՈՎՍԵԱՅ 4:2

Անէծք եւ ստութիւն եւ սպանութիւն եւ գողութիւն եւ շնութիւն հեղեալ ի վերայ երկրի՝՝, եւ արիւն ընդ արիւնս խառնին։

ՄԱՐԳԱՐԷՈՒԹԻՒՆ ՈՎՍԵԱՅ 4:8

Զմեղս ժողովրդեան իմոյ կերիցեն, եւ անիրաւութեամբք իւրեանց առցեն՝՝ զանձինս իւրեանց։

ՄԱՐԳԱՐԷՈՒԹԻՒՆ ՈՎՍԵԱՅ 7:3

Չարեօք իւրեանց ուրախ արարին զթագաւորն, եւ ստութեամբ իւրեանց զիշխանս։

ՄԱՐԳԱՐԷՈՒԹԻՒՆ ՈՎՍԵԱՅ 8:7

Զի խորշակահար սերմանեցին, եւ կործանումն նոցա ընկալցի զայն՝՝. որայ նոցա ոչ արասցէ զօրութիւն խիւսոյ. թէ եւ առնիցէ՝ զայն օտարք կերիցեն։

ԹԱԳԱՒՈՐՈՒԹԵԱՆՑ ԱՌԱՋԻՆ 24:14

Որպէս ասէ հին առասպելն. Յանօրէն ձեռաց ելցէ վնաս, եւ ձեռն իմ մի՛ եղիցի ի քեզ։