ԱՌ ԵԲՐԱՅԵՑԻՍ ԹՈՒՂԹ 9:21 - Գրաբար Աստվածաշունչ (1895)

²¹ Եւ զխորանաւն եւ զամենայն կահիւ սպասուն նոյնպէս սրսկեաց զարիւնն։

ԱՌ ԵԲՐԱՅԵՑԻՍ ԹՈՒՂԹ 9:21 ပူးပေါင်းရင်းမြစ်များ

ԵԼՔ 24:6

Եւ առեալ Մովսիսի զկէս արեանն արկ ի խառնելիսն, եւ զկէս արեանն եհեղ առաջի սեղանոյն։

ԵԼՔ 29:12

Եւ առցես յարենէ զուարակին, եւ դիցես ի վերայ եղջերաց սեղանոյն մատամբ քով. եւ զայլն ամենայն արիւն ցանեսցես առ յատակաւ սեղանոյն։

ԵԼՔ 29:20

Եւ սպանցես զխոյն, եւ առցես յարենէ նորա, եւ դիցես ի վերայ բլթակի աջոյ ունկանն Ահարոնի, եւ ի վերայ բլթակի աջոյ ունկան որդւոց նորա, եւ ի վերայ ծայրից ձեռին նորա աջոյ, եւ ի վերայ ծայրից աջոյ ոտին նորա, եւ ի վերայ աջուց բլթակաց ականջաց որդւոց նորա, եւ՝՝ ի վերայ ծայրից աջոյ ձեռաց նոցա, եւ ի վերայ ծայրից աջոյ ոտից նոցա. եւ հեղցես զարիւնն շուրջ զսեղանովն։

ԵԼՔ 29:36

Եւ զզուարակն զվասն՝՝ մեղաց՝ արասցես յաւուրն սրբութեան. եւ մաքրեսցես զսեղանն ի սրբել քեզ ի վերայ՝՝ նորա, եւ օծցես զնա առ ի սրբելոյ զնա։

ԵԼՔ 40:9

Եւ առցես զեւղն օծութեան եւ օծցես զխորանն եւ զամենայն որ ինչ ի նմա է, եւ սրբեսցես զնա եւ զամենայն զկահ նորա, եւ եղիցին սրբութիւնք։

ՂԵՒՏԱԿԱՆ 8:15

Եւ սպան զնա, եւ ա՛ռ Մովսէս յարենէ անտի, եւ եդ ի վերայ եղջերաց սեղանոյն շուրջանակի մատամբ իւրով, եւ սրբեաց զսեղանն. եւ զարիւնն եհեղ առ յատակաւ սեղանոյն, եւ սրբեաց զնա առնել քաւութիւն ի վերայ նորա։

ՂԵՒՏԱԿԱՆ 8:19

Եւ սպան Մովսէս զխոյն, եւ եհեղ՝՝ զարիւնն շուրջ զսեղանովն.

ՂԵՒՏԱԿԱՆ 9:18

Եւ սպան զզուարակն եւ զխոյն զոհի փրկութեան ժողովրդեանն, եւ մատուցին որդիքն Ահարոնի զարիւնն առ նա, եւ եհեղ զայն շուրջ զսեղանովն։