ԱՌ ԵԲՐԱՅԵՑԻՍ ԹՈՒՂԹ 7:5 - Գրաբար Աստվածաշունչ (1895)

⁵ Եւ որք յորդւոցն Ղեւեայ զքահանայութիւնն առնուն՝ պատուէր ունին տասանորդել զժողովուրդն ըստ օրինացն, այսինքն է զեղբարս իւրեանց. թէպէտ եւ ելեալ իցեն յերանացն Աբրահամու.

ԱՌ ԵԲՐԱՅԵՑԻՍ ԹՈՒՂԹ 7:5 ပူးပေါင်းရင်းမြစ်များ

ԾՆՈՒՆԴՔ 35:11

Եւ ասէ ցնա Աստուած. Ես եմ Աստուած քո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։

ԾՆՈՒՆԴՔ 46:26

Եւ ամենայն ոգիք որ մտին ընդ Յակոբայ յԵգիպտոս, որ ելեալ էին յերանաց նորա, առանց կանանց որդւոցն Յակոբայ, ամենայն ոգիք վաթսուն եւ վեց։

ԹԱԳԱՒՈՐՈՒԹԵԱՆՑ ԵՐՐՈՐԴ 8:19

բայց դու ոչ շինեսցես զտունն, այլ որդի քո որ ելանիցէ յերանաց քոց՝ նա շինեսցէ տուն անուան իմոյ։

ԳԻՐՔ ՆԷԵՄԵԱՅ 13:10

Եւ գիտացի եւ հասի ի վերայ՝ եթէ զբաժին Ղեւտացւոցն ոչ էր տուեալ, եւ նոքա էին գնացեալ յագարակս իւրեանց, եւ Ղեւտացիքն եւ երգեցիկքն գործէին զգործ մշակութեան։

ԵԼՔ 1:5

Եւ էին ամենայն ոգիք ելեալք ի Յակոբայ, եւթանասուն եւ հինգ՝՝ ոգի. եւ Յովսէփ էր յԵգիպտոս։

ԵԼՔ 28:1

Եւ դու մատուսցես առ քեզ զԱհարոն զեղբայր քո, եւ զորդիս նորա ընդ նմա՝ յորդւոցն Իսրայելի, քահանայանալ ինձ. զԱհարոն եւ զՆաբադ եւ զԱբիուդ եւ զԵղիազար եւ զԻթամար զորդիս Ահարոնի։

ԹԻՒՔ 18:7

Եւ դու եւ որդիք քո ընդ քեզ պահեսջիք զքահանայութիւն ձեր ըստ ամենայն պայմանի սեղանոյն, եւ զներքին կողմն վարագուրին, եւ պաշտեսջիք զպաշտօն քահանայութեան ձերոյ. եւ այլազգին որ մերձենայցէ՝ մեռցի։

ԵՐԿՐՈՐԴՈՒՄՆ ՕՐԻՆԱՑ 26:12

Եւ եթէ կատարեսցես տասանորդել զամենայն տասանորդս երկրի քո, յամին երկրորդի կրկին տասանորդեսցիս՝՝ Ղեւտացւոյն, եւ եկին եւ որբոյ եւ այրւոյ. եւ կերիցեն ի քաղաքս քո եւ յագեսցին.

ԱՌ ԵԲՐԱՅԵՑԻՍ ԹՈՒՂԹ 5:4

Եւ ոչ եթէ անձամբ ոք առնու պատիւ, այլ կոչեցեալն յԱստուծոյ, որպէս եւ Ահարոն։

ԱՌ ԵԲՐԱՅԵՑԻՍ ԹՈՒՂԹ 7:10

զի դեռ եւս յերանս հօր իւրոյ էր, յորժամ ընդ առաջ եղեւ նմա Մելքիսեդեկ։