ԱՌ ԵԲՐԱՅԵՑԻՍ ԹՈՒՂԹ 10:34 - Գրաբար Աստվածաշունչ (1895)

³⁴ Քանզի եւ ընդ կապեալս՝՝ չարչարեցարուք, եւ զյափշտակութիւն ընչից ձերոց խնդութեամբ ընկալարուք, քանզի գիտէիք թէ լաւագոյն եւս ստացուածս ունիք անձանց յերկինս, ուր կանն եւ մնան։

ԱՌ ԵԲՐԱՅԵՑԻՍ ԹՈՒՂԹ 10:34 ပူးပေါင်းရင်းမြစ်များ

ԺՈՂՈՎՕՂ 3:6

ժամանակ խնդրելոյ, եւ ժամանակ կորուսանելոյ. ժամանակ պահելոյ, եւ ժամանակ արտաքս հանելոյ.

Մատթեոսի Աւետարան 19:21

Ասէ ցնա Յիսուս. Եթէ կամիս կատարեալ լինել, երթ վաճառեա զինչս քո եւ տուր աղքատաց. եւ ունիցիս գանձս յերկինս, եւ եկ զկնի իմ։

ԱՒԵՏԱՐԱՆ ԸՍՏ ՂՈՒԿԱՍՈՒ 10:42

բայց աստ սակաւ՝՝ ինչ պիտոյ է։ Մարիամ մասն բարի ընտրեաց, որ ոչ բարձցի ի սմանէ։

ԱՒԵՏԱՐԱՆ ԸՍՏ ՂՈՒԿԱՍՈՒ 12:33

Վաճառեցէք զինչս ձեր եւ տուք ողորմութիւն. եւ արարէք ձեզ քսակս առանց հնանալոյ, գանձ անպակաս յերկինս. ուր ոչ գող մերձենայ եւ ոչ ցեց ապականէ։

ԱՒԵՏԱՐԱՆ ԸՍՏ ՂՈՒԿԱՍՈՒ 9:25

Զի՞նչ օգուտ է մարդոյ եթէ զաշխարհ շահեսցի, եւ զանձն իւր կորուսցէ կամ տուժեսցի։

ԳՈՐԾՔ ԱՌԱՔԵԼՈՑ 21:33

Յայնժամ մատուցեալ հազարապետն կալաւ զնա, եւ հրամայեաց կապել կրկին շղթայիւք, եւ հարցանէր թէ ո՞ իցէ, եւ զի՞նչ իցէ արարեալ։

ԳՈՐԾՔ ԱՌԱՔԵԼՈՑ 28:20

Վասն այսր պատճառանաց աղաչեցի զձեզ՝ տեսանել եւ խօսել. քանզի վասն յուսոյն Իսրայելի կամ ի շղթայս յայսոսիկ։

ԳՈՐԾՔ ԱՌԱՔԵԼՈՑ 5:41

Եւ նոքա գնացին խնդալով յերեսաց ատենին, զի վասն անուանն արժանի եղեն անարգելոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:1

Քանզի գիտեմք զի եթէ երկրաւոր տաճար շինուածոյս մերոյ քակտեսցի, շինած յԱստուծոյ ունիմք՝ տաճար առանց ձեռագործի յաւիտենական, յերկինս։

ԱՌ ԵՓԵՍԱՑԻՍ ԹՈՒՂԹ 3:1

Վասն այսորիկ ես Պաւղոս, կապեալ Յիսուսի Քրիստոսի վասն ձեր հեթանոսաց.

ԱՌ ԵՓԵՍԱՑԻՍ ԹՈՒՂԹ 4:1

Արդ աղաչեմ զձեզ ես որ կապեալս եմ ի Տէր, արժանի գնալ կոչմանն յոր կոչեցարուք,

ԱՌ ԵՓԵՍԱՑԻՍ ԹՈՒՂԹ 6:20

վասն որոյ պատգամաւորիմ կապանօքս, զի նովին համարձակեցայց որպէս եւ պարտ իցէ ինձ խօսել։

ԱՌ ՓԻԼԻՊԵՑԻՍ ԹՈՒՂԹ 1:7

որպէս իրաւ իսկ թուի ինձ խորհել զայս վասն ձեր ամենեցուն, վասն ունելոյ ինձ զձեզ՝՝ ի սրտի ի կապանս իմում, եւ ի պատասխանատուութեան իմում եւ ի հաստատութեան աւետարանին, կցորդս ինձ շնորհաց զձեզ ամենեսին լինել։

ԱՌ ԿՈՂՈՍԱՑԻՍ ԹՈՒՂԹ 1:5

վասն յուսոյն որ պահի ձեզ յերկինս, զորմէ յառաջագոյն լուարուք բանիւն ճշմարտութեան աւետարանին,

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:19

գանձել անձանց հիմն բարի ի հանդերձեալսն, զի բուռն հարկանիցեն զճշմարիտ կենացն՝՝։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:16

Տացէ Աստուած ողորմութիւն տանն Ոնեսիփորայ, զի բազում անգամ հանգոյց զիս, եւ զկապանս իմ ոչ ամօթ համարեցաւ.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:9

յորում չարչարիմ կապանօք չափ իբրեւ զչարագործ, այլ բանն Աստուծոյ ոչ եթէ կապեալ իցէ։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:8

Այսուհետեւ կայ մնայ ինձ արդարութեան պսակն, զոր հատուսցէ ինձ Տէր յաւուր յայնմիկ արդարն Դատաւոր, ոչ միայն ինձ, այլ եւ ամենեցուն որ սիրեցին զյայտնութիւն նորա։

ԱՌ ԵԲՐԱՅԵՑԻՍ ԹՈՒՂԹ 11:16

Նա աւանիկ ազնուականի իմն ցանկացեալ են, այսինքն է երկնաւորին. վասն որոյ ոչ ամօթ համարի Աստուած կոչել նոցա Աստուած, քանզի պատրաստեաց նոցա քաղաք։

ԱՌ ԵԲՐԱՅԵՑԻՍ ԹՈՒՂԹ 13:14

Քանզի ոչ եթէ ունիմք քաղաք որ աստէն մնալոց իցէ, այլ զհանդերձեալսն խնդրեմք։

ԱՌ ԵԲՐԱՅԵՑԻՍ ԹՈՒՂԹ 13:3

Յուշ լիցին ձեզ կապեալքն, որպէս թէ դուք ընդ նոսա կապեալք իցէք. եւ չարչարեալքն, որպէս թէ եւ դուք իսկ մարմնաւորք էք՝՝։

ԱՌ ԵԲՐԱՅԵՑԻՍ ԹՈՒՂԹ 9:15

Եւ վասն այնորիկ նորոյ ուխտիս է միջնորդ, զի յորժամ մահ լինիցի ի փրկութիւն վասն առաջին ուխտին յանցանաց, զաւետիս առցեն հրաւիրեալքն ի ժառանգութիւնն յաւիտենից։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:2

Ամենայն ուրախութեան արժանի համարիջիք, եղբարք, յորժամ ի պէսպէս փորձութեանց ի մէջ անկանիցիք.

ՊԵՏՐՈՍԻ ԱՌԱՋԻՆ՝՝ 1:4

յանեղծ եւ յանարատ եւ յանթառամ ժառանգութիւնն որ պահեալ է յերկինս ձեզ,

ՅՈՎՀԱՆՆՈՒ ԱՌԱՋԻՆ՝՝ 3:2

Սիրելիք, այժմ որդիք Աստուծոյ եմք, եւ չեւ եւս է յայտ եթէ զինչ լինելոց իցեմք. գիտեմք, զի յորժամ նա յայտնեսցի, նման նմա լինելոց եմք, զի տեսանելոց եմք զնա որպէս եւ էն։