ԱՌ ԵԲՐԱՅԵՑԻՍ ԹՈՒՂԹ 10:10 - Գրաբար Աստվածաշունչ (1895)

¹⁰ որով կամօք եւ մեք սրբեցաք ի ձեռն պատարագի մարմնոյն Յիսուսի Քրիստոսի մի անգամ։

ԱՌ ԵԲՐԱՅԵՑԻՍ ԹՈՒՂԹ 10:10 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԶԱՔԱՐԵԱՅ 13:1

Յաւուր յայնմիկ եղիցի ամենայն տեղի՝՝ բացեալ տանն Դաւթի՝ ի փոփոխումն եւ ի սրսկումն՝՝։

ԱՒԵՏԱՐԱՆ ԸՍՏ ՅՈՎՀԱՆՆՈՒ 17:19

Եւ ի վերայ նոցա ես սուրբ առնեմ զանձն իմ, զի եղիցին եւ նոքա սրբեալք ճշմարտութեամբ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:34

այլ մի ոմն ի զինուորացն տիգաւ խոցեաց զկողս նորա, եւ վաղվաղակի ել արիւն եւ ջուր։

ԱՒԵՏԱՐԱՆ ԸՍՏ ՅՈՎՀԱՆՆՈՒ 6:51

Ես եմ հացն կենդանի, որ յերկնից իջեալ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:30

Զի ի նմանէ դուք էք ի Քրիստոս Յիսուս, որ եղեւ մեզ իմաստութիւն յԱստուծոյ, արդարութիւն եւ սրբութիւն եւ փրկութիւն.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 6:11

Եւ դուք այնպիսիք ոմանք էիք. այլ լուացարուք, այլ սրբեցարուք, այլ արդարացարուք յանուն Տեառն մերոյ Յիսուսի Քրիստոսի եւ ի Հոգին Աստուծոյ մերոյ։

ԱՌ ԵՓԵՍԱՑԻՍ ԹՈՒՂԹ 5:2

եւ գնացէք սիրով, որպէս եւ Քրիստոս սիրեաց զմեզ, եւ մատնեաց զանձն իւր վասն մեր պատարագ եւ զենումն Աստուծոյ ի հոտ անուշից։

ԱՌ ԵՓԵՍԱՑԻՍ ԹՈՒՂԹ 5:26

զի զնա սրբեսցէ սրբութեամբ աւազանին՝ բանիւ.

ԱՌ ԵԲՐԱՅԵՑԻՍ ԹՈՒՂԹ 10:12

իսկ սա զմին վասն մեղաց մատոյց պատարագ, եւ մշտնջենաւոր նստաւ ընդ աջմէ Աստուծոյ.

ԱՌ ԵԲՐԱՅԵՑԻՍ ԹՈՒՂԹ 10:14

Քանզի միով պատարագաւ կատարեաց զսրբեալսն ի մշտնջենաւորս։

ԱՌ ԵԲՐԱՅԵՑԻՍ ԹՈՒՂԹ 10:20

զոր նորոգեաց մեզ ճանապարհ նորոգ եւ կենդանի ի ձեռն վարագուրին, այսինքն է՝ մարմնոյն իւրոյ,

ԱՌ ԵԲՐԱՅԵՑԻՍ ԹՈՒՂԹ 10:29

իսկ ո՛րչափ սաստիկ պատժոց արժանի համարիցիք զայն, որ զՈրդին Աստուծոյ առ ոտն եհար. եւ զարիւն նորոյ ուխտին խառնակ համարեցաւ որով սրբեցաւն, եւ զՀոգին շնորհաց թշնամանեաց։

ԱՌ ԵԲՐԱՅԵՑԻՍ ԹՈՒՂԹ 10:5

Վասն որոյ ի մտանել իւրում յաշխարհ՝ ասէ. Զզոհս եւ զպատարագս ոչ կամեցար, բայց մարմին հաստատեցեր ինձ.

ԱՌ ԵԲՐԱՅԵՑԻՍ ԹՈՒՂԹ 13:12

Վասն որոյ եւ Յիսուս, զի սրբեսցէ իւրով արեամբն զժողովուրդն, արտաքոյ դրանն չարչարեցաւ։

ԱՌ ԵԲՐԱՅԵՑԻՍ ԹՈՒՂԹ 2:11

Զի որ սրբէն եւ որ սրբին՝ ի միոջէ էին ամենեքեան, վասն որոյ ոչ ամօթ համարի եղբարս անուանել զնոսա եւ ասել.

ԱՌ ԵԲՐԱՅԵՑԻՍ ԹՈՒՂԹ 2:14

Արդ որովհետեւ մանկունք հաղորդեցին արեան եւ մարմնոյ, եւ ինքն իսկ մերձաւորութեամբ կցորդ եղեւ նոցունց, զի մահուն իւրով խափանեսցէ զայն որ զիշխանութիւն մահուն ունէր, այսինքն է՝ զՍատանայ.

ԱՌ ԵԲՐԱՅԵՑԻՍ ԹՈՒՂԹ 5:7

Որ յաւուրս մարմնոյ իւրոյ աղօթս եւ պաղատանս առ այն որ կարողն էր ապրեցուցանել զնա ի մահուանէ՝ ուժգին գոչմամբ եւ արտասուօք մատուցանէր, եւ լսելի լինէր առ լաւութեանն։

ԱՌ ԵԲՐԱՅԵՑԻՍ ԹՈՒՂԹ 7:27

որում ոչ հանապազ հարկ է, որպէս այլոց քահանայապետիցն, նախ վասն իւրեանց մեղացն պատարագս մատուցանել եւ ապա վասն ժողովրդեանն. իսկ սա զայն միանգամայն կատարեաց, զի զանձն իւր մատոյց պատարագ։

ԱՌ ԵԲՐԱՅԵՑԻՍ ԹՈՒՂԹ 9:12

եւ ոչ արեամբ նոխազաց եւ զուարակաց, այլ իւրով արեամբն եմուտ մի անգամ ի սրբութիւնսն, յաւիտենականս գտեալ զփրկութիւն՝՝։

ԱՌ ԵԲՐԱՅԵՑԻՍ ԹՈՒՂԹ 9:14

ո՛րչափ եւս առաւել արիւնն Քրիստոսի, որ ի ձեռն Հոգւոյն յաւիտենականի մատոյց զանձն անարատ պատարագ Աստուծոյ, սրբեսցէ զխիղճ մտաց ձերոց ի մեռելոտի գործոց անտի՝ պաշտել զԱստուած կենդանի։

ԱՌ ԵԲՐԱՅԵՑԻՍ ԹՈՒՂԹ 9:26

ապա թէ ոչ՝ պարտ էր նմա բազում անգամ չարչարել ի սկզբանէ աշխարհի. բայց արդ աւասիկ մի անգամ ի կատարած յաւիտեանց յանարգութիւն մեղաց իւրով պատարագաւն յայտնեալ է։

ԱՌ ԵԲՐԱՅԵՑԻՍ ԹՈՒՂԹ 9:28

նոյնպէս եւ Քրիստոս մի անգամ մատուցեալ պատարագ առ ի բառնալոյ զմեղս բազմաց. իսկ յերկրորդումն առանց մեղաց յայտնեսցի այնոցիկ, որ ակն ունիցին նմա հաւատովք ի փրկութիւն։

ՊԵՏՐՈՍԻ ԱՌԱՋԻՆ՝՝ 2:24

որ զմեր մեղսն իւրով մարմնովն վերացոյց ի խաչափայտն, զի լիցուք զերծեալք ի մեղաց անտի, եւ իցեմք արդարութեանն կենակիցք. որոյ վիրօքն բժշկեցայք։

ՊԵՏՐՈՍԻ ԱՌԱՋԻՆ՝՝ 3:18

զի եւ Քրիստոս մի անգամ վասն մեղաց ի վերայ մեր մեռաւ, արդարն ի վերայ անարդարոց, զի զմեզ մերձեցուսցէ առ Աստուած. զի թէպէտեւ մեռաւ մարմնով, այլ կենդանի է հոգւով.

ՅՈՎՀԱՆՆՈՒ ԱՌԱՋԻՆ՝՝ 5:6

Սա է որ եկն ջրով եւ հոգւով՝՝ եւ արեամբ, Յիսուս Քրիստոս. ոչ ջրով միայն, այլ եւ արեամբ եւ ջրով.