ԾՆՈՒՆԴՔ 9:1 - Գրաբար Աստվածաշունչ (1895)

¹ Եւ օրհնեաց Աստուած զՆոյ եւ զորդիս նորա, եւ ասէ ցնոսա. Աճեցէք եւ բազմացարուք եւ լցէք զերկիր եւ տիրեցէք դմա՝՝։

ԾՆՈՒՆԴՔ 9:1 ပူးပေါင်းရင်းမြစ်များ

ԾՆՈՒՆԴՔ 1:22

Եւ օրհնեաց զնոսա Աստուած եւ ասէ. Աճեցէք եւ բազմացարուք, եւ լցէք զջուրսդ որ ի ծովս. եւ թռչունքդ բազմասցին ի վերայ երկրի։

ԾՆՈՒՆԴՔ 1:28

Եւ օրհնեաց զնոսա Աստուած եւ ասէ. Աճեցէք եւ բազմացարուք եւ լցէք զերկիր, եւ տիրեցէք դմա, եւ իշխեցէք ձկանց ծովու եւ թռչնոց երկնից եւ ամենայն անասնոց եւ ամենայն երկրի եւ ամենայն սողնոց՝՝ որ սողին ի վերայ երկրի։

ԾՆՈՒՆԴՔ 10:32

Այս են ազգք որդւոց Նոյի ըստ ծնունդս իւրեանց, ըստ տոհմս իւրեանց. եւ ի սոցանէ սփռեցան կղզիք ազգաց՝՝ ի վերայ երկրի յետ ջրհեղեղին։

ԾՆՈՒՆԴՔ 2:3

Եւ օրհնեաց Աստուած զօրն եւթներորդ եւ սրբեաց զնա, զի ի նմա հանգեաւ յամենայն գործոց իւրոց զոր սկսաւ առնել Աստուած։

ԾՆՈՒՆԴՔ 24:60

Եւ օրհնեցին զՌեբեկա եւ ասեն ցնա. Քոյր մեր ես. իցես ի հազարս եւ ի բեւրս, եւ ժառանգեսցէ զաւակ քո զքաղաքս թշնամեաց քոց։

ԾՆՈՒՆԴՔ 35:11

Եւ ասէ ցնա Աստուած. Ես եմ Աստուած քո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։

ԾՆՈՒՆԴՔ 8:17

Եւ ամենայն գազանք որ են ընդ քեզ, եւ ամենայն մարմին ի թռչնոց մինչեւ ցանասունս. եւ զամենայն սողուն զեռուն երկրի հան ընդ քեզ, եւ զեռասցեն ի վերայ երկրի. եւ աճեցէք եւ բազմացարուք՝՝ ի վերայ երկրի։

ԾՆՈՒՆԴՔ 9:19

Երեք սոքա էին որդիք Նոյի, եւ ի սոցանէ սփռեցան ընդ ամենայն երկիր։

ԾՆՈՒՆԴՔ 9:2

Եւ ահ եւ երկեւղ ձեր եղիցի ի վերայ ամենայն գազանաց երկրի, եւ ի վերայ ամենայն թռչնոց երկնից, եւ ի վերայ ամենայն զեռնոց երկրի, եւ ի վերայ ամենայն ձկանց ծովու, զորս ընդ ձեռամբ ձերով ետու։

ԾՆՈՒՆԴՔ 9:7

Այլ դուք աճեցէք եւ բազմացարուք եւ լցէք զերկիր, եւ բազմացարուք ի վերայ դորա։

ԳԻՐՔ ՍԱՂՄՈՍԱՑ 112:1

Օրհնեցէք, մանկունք, զՏէր, եւ՝՝ օրհնեցէք զանուն Տեառն։

ՄԱՐԳԱՐԷՈՒԹԻՒՆ ԵՍԱՅԵԱՅ 51:2

Նայեցարուք յԱբրահամ հայրն ձեր, եւ ի Սառա որ երկնեացն զձեզ. զի մի էր՝ եւ կոչեցի զնա, եւ օրհնեցի զնա, եւ բազմացուցի զնա։