ԾՆՈՒՆԴՔ 8:20 - Գրաբար Աստվածաշունչ (1895)

²⁰ Եւ շինեաց Նոյ սեղան Աստուծոյ, եւ առ յամենայն անասնոց սրբոց եւ յամենայն թռչնոց սրբոց, եւ եհան ողջակէզ ի վերայ սեղանոյն։

ԾՆՈՒՆԴՔ 8:20 ပူးပေါင်းရင်းမြစ်များ

ԾՆՈՒՆԴՔ 13:18

Եւ չու արարեալ Աբրամու՝ եկն բնակեցաւ առ կաղնւոջն Մամբրէի, որ է ի Քեբրոն. եւ շինեաց անդ սեղան Տեառն Աստուծոյ։

ԾՆՈՒՆԴՔ 13:4

Ընդ Բեթէլ եւ ընդ Անգէէ ի տեղի սեղանոյն, զոր արար անդ զառաջինն. եւ կարդաց անդ Աբրամ զանուն Տեառն Աստուծոյ։

ԾՆՈՒՆԴՔ 22:2

Եւ ասէ ցնա. Առ դու զորդիդ քո սիրելի զոր սիրեցեր՝ զԻսահակ, եւ գնա դու յերկիր բարձր՝՝, եւ հանցես զդա անդ յողջակէզ ի վերայ միոյ լերանց յորոց ասացից քեզ։

ԾՆՈՒՆԴՔ 22:9

Եւ եկին ի տեղին զոր ասաց նմա Աստուած. անդ շինեաց սեղան Աբրահամ, եւ եդ ի վերայ զփայտն. եւ կապեաց զԻսահակ զորդի իւր, եւ եդ զնա ի սեղանն ի վերայ փայտին։

ԾՆՈՒՆԴՔ 26:25

Եւ շինեաց անդ սեղան, եւ կարդաց զանուն Տեառն, եւ եհար անդ զխորան իւր. փորեցին ծառայքն Իսահակայ անդ ջրհոր։

ԾՆՈՒՆԴՔ 33:20

Եւ շինեաց անդ սեղան, եւ կարդաց զԱստուած Իսրայէլի։

ԾՆՈՒՆԴՔ 35:1

Եւ ասէ Աստուած ցՅակոբ. Արի ել ի տեղին ի Բեթէլ, եւ անդ բնակեսցես, եւ արասցես անդ սեղան Աստուծոյ որ երեւեցաւն քեզ ի փախչելն քո յերեսաց Եսաւայ եղբօր քո։

ԾՆՈՒՆԴՔ 35:7

Եւ շինեաց անդ սեղան, եւ կոչեաց զանուն տեղւոյն Բեթէլ. զի անդ երեւեցաւ նմա Աստուած ի փախչել նորա յերեսաց Եսաւայ եղբօր իւրոյ։

ԾՆՈՒՆԴՔ 4:4

Ած եւ Հաբէլ յանդրանկաց խաշանց իւրոց եւ ի պարարտաց նոցա. եւ հայեցաւ Աստուած ի Հաբէլ եւ ի պատարագս նորա։

ԾՆՈՒՆԴՔ 7:2

Եւ յամենայն անասնոց սրբոց մոյծ ընդ քեզ եւթն եւթն արու եւ էգ, եւ յամենայն անասնոց որ ոչ են սուրբ՝ երկուս երկուս արու եւ էգ։

ԾՆՈՒՆԴՔ 7:3

Եւ ի թռչնոց երկնից սրբոց՝ եւթն եւթն արու եւ էգ. եւ ի թռչնոց որ ոչ սուրբ են՝ երկու երկու արու եւ էգ՝՝, բուծանել զաւակ ի վերայ ամենայն երկրի։

ԾՆՈՒՆԴՔ 8:19

Եւ ամենայն գազանք եւ ամենայն սողուն շարժուն եւ ամենայն թռչուն յերկրէ ըստ ազգի իւրեանց ելին ի տապանէ անտի։

ԳԻՐՔ ՅՈԲԱՅ 1:5

Եւ իբրեւ յանգ ելանէին աւուրք խրախութեանն, առաքէր Յոբ եւ սրբէր զնոսա. յարուցեալ ընդ առաւօտս մատուցանէր վասն նոցա զոհս ըստ թուոյ նոցա, եւ զուարակ մի վասն մեղաց՝ ընդ որդւոց նոցա.՝՝ քանզի ասէր Յոբ, թէ՝ Գուցէ որդիքն իմ ի միտս իւրեանց իմացան չարութիւն զԱստուծոյ. այսպէս առնէր Յոբ զամենայն աւուրս նոցա։

ԵԼՔ 10:25

Եւ ասէ Մովսէս. Նա եւ դու եւս տացես մեզ ողջակէզս եւ զոհս զոր առնիցեմք Տեառն Աստուծոյ մերում։

ԵԼՔ 29:18

Եւ հանցես բովանդակ զխոյն ի վերայ սեղանոյն յողջակէզ Տեառն ի հոտ անուշից. զոհ Տեառն է։

ԵԼՔ 29:25

Եւ առցես ի ձեռաց նոցա եւ հանցես ի սեղանն՝՝ ողջակիզաց ի հոտ անուշից առաջի Տեառն. զի պտուղ Տեառն է։

ԹԻՒՔ 7:21

զուարակ մի յանդւոյ, խոյ մի, գառն մի տարեւոր յողջակէզ,

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:1

Աղաչեմ զձեզ, եղբարք, գթութեամբքն Աստուծոյ՝ պատրաստել զմարմինս ձեր պատարագ կենդանի, սուրբ, հաճոյ Աստուծոյ, զխօսուն պաշտօնդ ձեր.

ԱՌ ԵԲՐԱՅԵՑԻՍ ԹՈՒՂԹ 13:10

Ունիմք մեք սեղան, ուստի ոչ ունին իշխանութիւն ճաշակել որք պաշտեն զպաշտօն խորանին.

ՊԵՏՐՈՍԻ ԱՌԱՋԻՆ՝՝ 2:5

եւ դուք իբրեւ զվէմս կենդանիս շինիք տաճար հոգեւոր, յանարատ քահանայութիւն, մատուցանել զհոգեւորն պատարագս հաճոյս Աստուծոյ ի ձեռն Յիսուսի Քրիստոսի։

ՊԵՏՐՈՍԻ ԱՌԱՋԻՆ՝՝ 2:9

Այլ դուք ազգ էք ընտիր, թագաւորութիւն, քահանայութիւն՝՝, ազգ սուրբ, ժողովուրդ սեպհական, որպէս զի զձեր առաքինութիւնսն նուիրիցէք այնմ, որ՝՝ զձեզ ի խաւարէն կոչեաց յիւր սքանչելի լոյսն։