ԾՆՈՒՆԴՔ 8:10 - Գրաբար Աստվածաշունչ (1895)

¹⁰ Եւ դադարեաց եւս աւուրս եւթն, եւ դարձաւ արձակեաց զաղաւնին ի տապանէ անտի։

ԾՆՈՒՆԴՔ 8:10 ပူးပေါင်းရင်းမြစ်များ

ԾՆՈՒՆԴՔ 7:10

Եւ եղեւ յետ եւթն աւուր, եւ ջուր ջրհեղեղին եղեւ ի վերայ երկրի։

ԾՆՈՒՆԴՔ 7:4

Եւ այլ եւս եւթն օր, եւ ածից ես անձրեւ ի վերայ երկրի զքառասուն տիւ եւ զքառասուն գիշեր, եւ ջնջեցից զամենայն հասակ զոր արարի յերեսաց երկրէ։

ԾՆՈՒՆԴՔ 8:11

Եւ դարձաւ առ նա աղաւնին ընդ երեկս, եւ ունէր տերեւ ձիթենւոյ շիղ ի բերան իւրում. եւ գիտաց Նոյ, թէ ցածուցեալ են ջուրքն յերկրէ։

ԾՆՈՒՆԴՔ 8:12

Եւ դադարեաց աւուրս եւթն եւս, եւ դարձեալ արձակեաց զաղաւնին, եւ ոչ եւս յաւել դառնալ առ նա։

ԾՆՈՒՆԴՔ 8:9

Եւ չգտեալ աղաւնւոյն հանգիստ ոտից իւրոց՝ դարձաւ անդրէն առ նա ի տապան անդր. զի ջուր դեռ ունէր զամենայն երեսս երկրի. եւ ձգեաց զձեռն եւ ընկալաւ զնա, եւ առ զնա անդրէն առ իւր ի տապան անդր։

ԳԻՐՔ ՍԱՂՄՈՍԱՑ 40:1

Ի կատարած. Սաղմոս Դաւթի։

ՄԱՐԳԱՐԷՈՒԹԻՒՆ ԵՍԱՅԵԱՅ 26:8

Զի ճանապարհք Տեառն իրաւունք են. յուսացաք յանուն քո՝ եւ ի յիշատակս ցանկութեամբ ոգւոց որում ցանկացաւ անձն մեր։

ՄԱՐԳԱՐԷՈՒԹԻՒՆ ԵՍԱՅԵԱՅ 8:17

զի մի՛ ոք ուսանիցի եւ ասիցէ. Կացից մնացից Աստուծոյ՝՝ որ դարձոյց զերեսս իւր ի տանէն Յակոբու, եւ եղէց յուսացեալ ի նա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:25

Ապա եթէ զոր ոչն տեսանեմք՝ յուսամք, համբերութեամբ ակն ունիմք։