ԾՆՈՒՆԴՔ 50:25 - Գրաբար Աստվածաշունչ (1895)

²⁵ Եւ երդմնեցոյց Յովսէփ զորդիսն Իսրայելի եւ ասէ. Յայցելութեանն յորում այց առնիցէ ձեզ Աստուած՝ հանջիք եւ զիմ ոսկերս աստի ընդ ձեզ։

ԾՆՈՒՆԴՔ 50:25 ပူးပေါင်းရင်းမြစ်များ

ԾՆՈՒՆԴՔ 50:5

Հայր իմ երդմնեցոյց զիս եւ ասէ. Ահաւասիկ ես մեռանիմ. ի շիրմի անդ զոր փորեցի ես ինձ յերկրին Քանանացւոց, անդ թաղեսցես զիս. արդ ելեալ թաղեցից զհայրն իմ, եւ եկից։

ԵԼՔ 13:18

Եւ պատեաց ած Աստուած զժողովուրդն ընդ ճանապարհ անապատին՝ առ Կարմիր ծովուն. եւ ի հինգերորդ ազգի՝՝ ելին որդիքն Իսրայելի յերկրէն Եգիպտացւոց։

ԵԼՔ 13:19

Եւ առ Մովսէս զոսկերսն Յովսեփու ընդ իւր. քանզի երդմնեցոյց Յովսէփ զորդիսն Իսրայելի, եւ ասէ. Եթէ այցելութեամբ այց արասցէ ձեզ Տէր, հանջիք աստի զոսկերս իմ ընդ ձեզ։

ԵԼՔ 3:17

Եւ ասեմ. Հանից զձեզ յերկրէ չարչարանաց Եգիպտացւոցն՝ յերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Գերգեսացւոց՝՝ եւ Խեւացւոց եւ Յեբուսացւոց, յերկիր՝ որ բղխէ զկաթն եւ զմեղր։

ԵԼՔ 3:8

եւ իջի փրկել զնոսա ի ձեռաց Եգիպտացւոցն, եւ հանել զնոսա յերկրէն յայնմանէ, եւ տանել զնոսա յերկիր բարի եւ յընդարձակ, յերկիր՝ որ բղխէ զկաթն եւ զմեղր. յերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Խեւացւոց եւ Գերգեսացւոց՝՝ եւ Յեբուսացւոց։

ԳՈՐԾՔ ԱՌԱՔԵԼՈՑ 7:16

Եւ փոխեցան ի Սիւքեմ եւ եդան յայրին զոր ստացաւ Աբրահամ գնոց արծաթոյ յորդւոցն Եմովրայ ի Սիւքեմ։

ԱՌ ԵԲՐԱՅԵՑԻՍ ԹՈՒՂԹ 11:22

Հաւատովք Յովսէփ ի վախճանել իւրում յիշեաց զելս որդւոցն Իսրայելի, եւ վասն ոսկերաց իւրոց պատուիրեաց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:32

Եւ զոսկերսն Յովսեփու հանին որդիքն Իսրայելի յԵգիպտոսէ, եւ թաղեցին զնա ի Սիկիմ, ի բաժնի ագարակին զոր ստացաւ Յակոբ յԱմովրհացւոցն բնակելոցն ի Սիկիմ՝՝ որոջաց հարիւրոց, եւ ետ զայն Յովսեփայ ի բաժնի։

ՀՌՈՒԹ 1:6

Եւ յարեաւ ինքն եւ երկոքին նուանք նորա, եւ դարձան յագարակէն Մովաբայ. զի լուան եթէ այց արար Աստուած՝՝ ժողովրդեան իւրում տալ նոցա հաց։