ԾՆՈՒՆԴՔ 5:27 - Գրաբար Աստվածաշունչ (1895)

²⁷ Եւ եղեն ամենայն աւուրք Մաթուսաղայի զորս եկեաց՝ ամք ինն հարեւր վաթսուն եւ ինն, եւ մեռաւ։

ԾՆՈՒՆԴՔ 5:27 ပူးပေါင်းရင်းမြစ်များ

ԾՆՈՒՆԴՔ 47:9

Եւ ասէ Յակոբ ցփարաւոն. Աւուրք ամաց կենաց իմոց զորս պանդխտեցայ՝ հարեւր եւ երեսուն ամ է. սակաւք եւ դժուարինք եղեն աւուրք ամաց կենաց իմոց, եւ ոչ հասին յաւուրս ամաց կենաց հարց իմոց, զոր աւուրս պանդխտեցան։

ԾՆՈՒՆԴՔ 5:26

Եւ եկեաց Մաթուսաղա յետ ծնանելոյ նորա զՂամէք ամս եւթն հարեւր ութսուն եւ երկու, եւ ծնաւ ուստերս եւ դստերս։

ԾՆՈՒՆԴՔ 5:28

Եւ եկեաց Ղամէք ամս հարեւր ութսուն եւ ութ, եւ ծնաւ որդի։

ԾՆՈՒՆԴՔ 9:29

Եւ եղեն ամենայն աւուրք Նոյի ամք ինն հարեւր եւ յիսուն, եւ մեռաւ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:32

Եւ Բերզելի այր ծեր էր յոյժ, որդի ամաց ութսնից. եւ նա կերակրեաց զարքայ մինչ բնակէր ի Բանակս, զի այր մեծ էր յոյժ։

ՄԱՐԳԱՐԷՈՒԹԻՒՆ ԵՍԱՅԵԱՅ 65:22

Եւ մի՛ եւս նոքա շինեսցեն՝ եւ այլք բնակեսցեն, եւ նոքա տնկեսցեն՝ եւ այլք կերիցեն. ըստ աւուրց փայտին կենաց եղիցին աւուրք ժողովրդեան իմոյ, գործք ձեռաց նոցա հնասցին։