ԾՆՈՒՆԴՔ 49:8 - Գրաբար Աստվածաշունչ (1895)

⁸ Յուդա, զքեզ օրհնեսցեն եղբարք քո. ձեռք քո ի վերայ թիկանց թշնամեաց քոց. երկիր պագցեն քեզ որդիք հօր քո։

ԾՆՈՒՆԴՔ 49:8 ပူးပေါင်းရင်းမြစ်များ

ԾՆՈՒՆԴՔ 27:29

Եւ ծառայեսցեն քեզ ազգք, եւ երկիր պագցեն քեզ իշխանք. եւ եղիցես տէր եղբօր քում, եւ երկիր պագցեն քեզ որդիք հօր քո. որ անիծանիցէ զքեզ՝ անիծեալ լիցի, եւ որ օրհնեսցէ զքեզ՝ օրհնեալ։

ԾՆՈՒՆԴՔ 29:35

Եւ յղացաւ դարձեալ, ծնաւ որդի, եւ ասէ. Զայս միւսանգամ գոհացայց զՏեառնէ. եւ կոչեաց զանուն նորա Յուդա. եւ եկաց ի ծննդոց։

ԾՆՈՒՆԴՔ 42:6

Եւ Յովսէփ էր իշխան երկրին, եւ նա վաճառէր ամենայն ժողովրդեան երկրին. եւ եկեալ եղբարքն Յովսեփայ երկիր պագանէին ի վերայ երեսաց խոնարհ յերկիր։

ԾՆՈՒՆԴՔ 46:12

Եւ որդիք Յուդայ՝ Էր եւ Աւնան եւ Սելովմ եւ Փարէս եւ Զարա. եւ մեռան Էր եւ Աւնան յերկրին Քանանացւոց. եւ եղեն որդիք Փարեսի՝ Ասրովմ եւ Յամուէլ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 22:41

Եւ զթշնամիս իմ դարձուցեր յետս յինէն եւ զատելիս իմ կոտորեցեր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:9

Եւ ետ Յովաբ զհամար հանդիսի ժողովրդեանն արքայի. եւ եղեւ Իսրայելի ութ հարեւր հազար արանց զօրու սուսերամերկաց, եւ այր Յուդայ հինգ հարեւր հազար արանց մարտկաց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:3

Եւ եկին ամենայն ծերքն Իսրայելի առ արքայ ի Քեբրոն, եւ ուխտեաց ընդ նոսա ուխտ արքայ Դաւիթ ի Քեբրոն առաջի Տեառն. եւ օծին զԴաւիթ թագաւոր ի վերայ ամենայն Իսրայելի։

ՄՆԱՑՈՐԴԱՑ ԱՌԱՋԻՆ 28:4

Եւ ընտրեաց Տէր Աստուած յամենայն ազգաց զԻսրայէլ, եւ յամենայն Իսրայելէ՝ ընտրեաց զՅուդաս, կանգնել զթագաւորութիւն իւր յաւիտեան՝՝. եւ ի տանէն Յուդայ ընտրեաց զտուն հօր իմոյ, եւ յորդւոց հօր իմոյ կամեցաւ զիս լինել թագաւոր ի վերայ ամենայն Իսրայելի։

ՄՆԱՑՈՐԴԱՑ ԱՌԱՋԻՆ 5:2

վասն զի Յուդա զօրաւոր էր ուժով յեղբարսն իւրում. եւ էր իշխան նոցա. եւ եղեւ օրհնութիւնն՝՝ Յովսեփայ։

ՄՆԱՑՈՐԴԱՑ ԵՐԿՐՈՐԴ 14:8

Եւ եղեւ Ասայի զօր զինակրաց որք բառնային վահանս եւ նիզակս յերկրին Յուդայ՝ երեք հարեւր հազար. եւ յերկրին Բենիամինի ասպարաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմողք զօրութեամբ։

ՄՆԱՑՈՐԴԱՑ ԵՐԿՐՈՐԴ 15:9

եւ եկեղեցացոյց զՅուդա եւ զԲենիամին, եւ զեկսն եւ զպանդուխտսն ընդ նմա, յԵփրեմայ եւ ի Մանասէէ եւ ի Շմաւոնէ. վասն զի յաւելան ի նա բազումք յԻսրայելէ ի տեսանելն նոցա՝ թէ Տէր Աստուած նոցա ընդ նմա է։

ՄՆԱՑՈՐԴԱՑ ԵՐԿՐՈՐԴ 17:2

Եւ ետ զօրս յամենայն քաղաքսն Յուդայ յամուրս, եւ կացոյց իշխանս յամենայն քաղաքսն՝՝ Եփրեմի, զորս ա՛ռ արքայ Ասա հայրն նորա։

ՄՆԱՑՈՐԴԱՑ ԵՐԿՐՈՐԴ 30:11

Բայց արք յԱսերայ եւ ի Մանասէէ եւ ի Զաբուղոնէ պատկառեցին եւ եկին յԵրուսաղէմ։

ԳԻՐՔ ՍԱՂՄՈՍԱՑ 76:1

Ի կատարած. վասն Իդիթունայ. Սաղմոս Ասափայ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 9:7

Եւ ես ածից զխաղաղութիւն ի վերայ իշխանաց նորա, եւ առողջութիւն նմա. մեծ է իշխանութիւն՝՝ նորա, եւ խաղաղութեան նորա չիք սահման յաթոռն Դաւթի նստցի, եւ զարքայութիւն նորա յաջողեսցէ, եւ զօրացուսցէ՝՝ զնա իրաւամբք եւ արդարութեամբ, յայսմ հետէ եւ յաւիտեանս ժամանակաց։ Նախանձ Տեառն զօրութեանց արասցէ զայս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:29

Զարթիր զի փայլեսցես տեսլեամբ նանրութեան, եւ ի հմայել հմայս ստութեան, մատնել զնա քեզ, ի պարանոցս վիրաւորացն անօրինացն, որոց եկեալ հասեալ է օր վախճանի ի ժամանակի անիրաւութեան։

ԹԻՒՔ 1:27

հանդէս նոցա ի ցեղէն Յուդայ՝ եւթանասուն եւ չորք հազարք եւ վեց հարեւր։

ԹԻՒՔ 10:14

Եւ չուեցին նախ գունդք բանակի որդւոցն Յուդայ յառաջագոյն զօրուն իւրեանց. եւ ի վերայ զօրացն նոցա Նաասոն որդի Ամինադաբայ։

ԹԻՒՔ 26:20

Եւ եղեն որդիք Յուդայի ըստ գնդից իւրեանց. Սեղովմ, եւ գունդ մի Սեղովմայ. Փարէս, եւ գունդ մի Փարեսի. Զարա, եւ գունդ մի Զարայի։

ԹԻՒՔ 26:22

Սոքա են գունդք Յուդայ ըստ հանդիսի իւրեանց, եւթանասուն եւ վեց հազար եւ հինգ հարեւր։

ԵՐԿՐՈՐԴՈՒՄՆ ՕՐԻՆԱՑ 33:7

Եւ զայս ասէ զՅուդայէ. Լուր, Տէր, ձայնի Յուդայի, եւ ի ժողովուրդ նորա եկեսցես, եւ ձեռք նորա ընտրեսցեն նմա, եւ օգնական ի թշնամեաց եղիցես նմա՝՝։

ԱՌ ԵԲՐԱՅԵՑԻՍ ԹՈՒՂԹ 10:13

եւ այսուհետեւ ակն ունի, մինչեւ դիցին թշնամիք իւր ի ներքոյ ոտից իւրոց։

ԱՌ ԵԲՐԱՅԵՑԻՍ ԹՈՒՂԹ 7:14

Արդ յայտ իսկ է թէ յազգէ Յուդայ ծագեաց Տէր մեր, յորմէ ազգէ վասն քահանայից Մովսէս ինչ ոչ ճառեաց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:24

Եւ իբրեւ հանին զնոսա առ Յեսու, եւ կոչեաց Յեսու զամենայն Իսրայէլ եւ զյառաջամարտիկս երթալ ընդ նմա, եւ ասէ ցնոսա. Մատիք յառաջ եւ դիք զոտս ձեր ի վերայ պարանոցաց նոցա. եւ մատուցեալ եդին զոտս իւրեանց ի վերայ պարանոցաց նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:20

Այս է ժառանգութիւն ցեղի որդւոցն Յուդայ՝ ըստ տոհմից իւրեանց։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 11:15

Եւ յորժամ եւթներորդ հրեշտակն հարկանէր զփողն, եղեւ ձայն յերկինս եւ ասէ՝՝. Եղեւ թագաւորութիւն ամենայն տիեզերաց Տեառն մերոյ եւ Քրիստոսի իւրոյ. եւ թագաւորեսցէ ի վերայ ամենայնի՝՝ յաւիտեանս յաւիտենից։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 5:5

Եւ մի յերիցանցն ասէ ցիս. Մի՛ լար. ահաւսիկ յաղթեաց Առեւծն յազգէն Յուդայ յարմատոյն Դաւթի՝ բանալ զգիրսն եւ լուծանել զեւթն կնիքսն նորա։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։