ԾՆՈՒՆԴՔ 47:26 - Գրաբար Աստվածաշունչ (1895)

²⁶ Եւ եդ նոցա օրէնս Յովսէփ մինչեւ ցայսօր յերկրին Եգիպտացւոց՝ հինգերորդել փարաւոնի, բաց յերկրէ քրմացն որ չէր փարաւոնի։

ԾՆՈՒՆԴՔ 47:26 ပူးပေါင်းရင်းမြစ်များ

ԾՆՈՒՆԴՔ 14:20

Օրհնեալ Աստուած Բարձրեալ որ մատնեաց ի ձեռս քո զթշնամիս քո։ Եւ ետ նմա տասանորդս յամենայնէ։

ԾՆՈՒՆԴՔ 28:22

Եւ վէմս զոր կանգնեցի արձան՝ եղիցի ինձ Տուն Աստուծոյ. եւ յամենայնէ զոր տացես ինձ՝ տաց քեզ տասանորդս։

ԾՆՈՒՆԴՔ 41:34

Եւ արասցէ, եւ կացուսցէ գործակալս փարաւոնի ի վերայ երկրիս, եւ հինգերորդեսցեն զարմտիս երկրիս Եգիպտացւոց զեւթն ամացն լիութեան։

ԾՆՈՒՆԴՔ 47:22

Բաց յերկրէ քրմացն, զի ոչ ստացաւ զնոսա Յովսէփ. քանզի տալով տայր պարգեւս քրմացն փարաւոնի, եւ ուտէին զպարգեւսն զոր տայր նոցա փարաւոն. վասն այնորիկ ոչ վաճառեցին զերկիրն իւրեանց։

ԾՆՈՒՆԴՔ 47:25

Եւ ասեն. Կեցուցեր զմեզ, գտաք շնորհս առաջի տեառն մերոյ, եւ եղիցուք ծառայք փարաւոնի։

ԵԶՐ 7:24

Եւ ետու ձեզ գիտել՝ թէ ամենայն որ իցեն ի քահանայից եւ յՂեւտացւոց եւ ի սաղմոսերգողաց, ի դռնապանացն եւ ի Նաթանայացւոցն, եւ որք իցեն սպասաւորք տանն Աստուծոյ, մի՛ տացեն հարկս եւ մի՛ ոք իշխեսցէ ծառայեցուցանել զնոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 7:24

Եւ ածից զչարս ազգաց եւ ժառանգեսցեն զտունս նոցա, եւ կործանեցից զամբարտաւանութիւն բռնութեանց նոցա, եւ պղծեսցին սրբութիւնք նոցա։

ՂԵՒՏԱԿԱՆ 27:30

Ամենայն տասանորդ յերկրէ, ի սերմանեաց երկրին եւ ի պտղոց ծառոց, Տեառն է, ի սրբութիւն Տեառն։

ԹԻՒՔ 18:21

Եւ որդւոցն Ղեւեայ ահա ետու զամենայն տասանորդս Իսրայելի ի ժառանգութիւն, փոխանակ պաշտաման նոցա զոր նոքայն պաշտիցեն ի խորանին վկայութեան։

ԵՐԿՐՈՐԴՈՒՄՆ ՕՐԻՆԱՑ 14:22

Տասանորդս տասանորդեսցես յամենայն արմտեաց սերմանց քոց, զարմտիս անդոց քոց ամ ըստ ամէ,

ԵՐԿՐՈՐԴՈՒՄՆ ՕՐԻՆԱՑ 26:12

Եւ եթէ կատարեսցես տասանորդել զամենայն տասանորդս երկրի քո, յամին երկրորդի կրկին տասանորդեսցիս՝՝ Ղեւտացւոյն, եւ եկին եւ որբոյ եւ այրւոյ. եւ կերիցեն ի քաղաքս քո եւ յագեսցին.