ԾՆՈՒՆԴՔ 47:22 - Գրաբար Աստվածաշունչ (1895)

²² Բաց յերկրէ քրմացն, զի ոչ ստացաւ զնոսա Յովսէփ. քանզի տալով տայր պարգեւս քրմացն փարաւոնի, եւ ուտէին զպարգեւսն զոր տայր նոցա փարաւոն. վասն այնորիկ ոչ վաճառեցին զերկիրն իւրեանց։

ԾՆՈՒՆԴՔ 47:22 ပူးပေါင်းရင်းမြစ်များ

ԾՆՈՒՆԴՔ 14:18

Եւ Մելքիսեդեկ արքայ Սաղեմայ եհան հաց եւ գինի. քանզի քահանայ էր Աստուծոյ Բարձրելոյ։

ԾՆՈՒՆԴՔ 41:45

Եւ կոչեաց փարաւոն զանուն Յովսեփայ Փսոմփթոմփանէ, եւ ետ նմա զԱսանէթ դուստր Պետափրեայ քրմի Արեգ քաղաքի կնութեան. եւ ել Յովսէփ յերեսաց փարաւոնի՝՝։

ԾՆՈՒՆԴՔ 41:50

Եւ եղեն Յովսեփու երկու որդիք՝ մինչչեւ եկեալ էր եւթն ամացն սովոյ, զորս ծնաւ նմա Ասանէթ դուստր Պետափրեայ քրմի Արեգ քաղաքի։

ԾՆՈՒՆԴՔ 47:21

Եւ զժողովուրդն ծառայեցոյց իւր ի ստրուկս՝՝, ի ծագաց սահմանաց Եգիպտոսի մինչեւ ի ծագս նորուն։

ԾՆՈՒՆԴՔ 47:23

Ասէ Յովսէփ ցամենայն Եգիպտացիսն՝՝. Ահա ստացայ զձեզ այսօր եւ զերկիր ձեր փարաւոնի. առէք ձեզ սերմանս եւ սերմանեցէք զերկիրդ։

ԾՆՈՒՆԴՔ 47:26

Եւ եդ նոցա օրէնս Յովսէփ մինչեւ ցայսօր յերկրին Եգիպտացւոց՝ հինգերորդել փարաւոնի, բաց յերկրէ քրմացն որ չէր փարաւոնի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:18

եւ Բանեա որդի Յովիդայեայ՝ խորհրդակից, եւ Քերեթին եւ Ոփելեթին՝՝ եւ որդիք Դաւթի խոռապետք էին։

ԵԶՐ 7:24

Եւ ետու ձեզ գիտել՝ թէ ամենայն որ իցեն ի քահանայից եւ յՂեւտացւոց եւ ի սաղմոսերգողաց, ի դռնապանացն եւ ի Նաթանայացւոցն, եւ որք իցեն սպասաւորք տանն Աստուծոյ, մի՛ տացեն հարկս եւ մի՛ ոք իշխեսցէ ծառայեցուցանել զնոսա։

ԳԻՐՔ ՆԷԵՄԵԱՅ 13:10

Եւ գիտացի եւ հասի ի վերայ՝ եթէ զբաժին Ղեւտացւոցն ոչ էր տուեալ, եւ նոքա էին գնացեալ յագարակս իւրեանց, եւ Ղեւտացիքն եւ երգեցիկքն գործէին զգործ մշակութեան։

Մատթեոսի Աւետարան 10:10

մի՛ պարկ ի ճանապարհ, եւ մի՛ երկուս հանդերձս, մի՛ կօշիկս, մի՛ ցուպ, զի արժանի է մշակն կերակրոյ իւրում։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:13

Ո՞չ գիտէք, եթէ որ ի տաճարին գործեն՝ ի տաճարէ անտի ուտեն. եւ որ սեղանոյն պաշտօնեայք են՝ ի սեղանոյ անտի վայելեն։

ԱՌ ԳԱՂԱՏԱՑԻՍ ԹՈՒՂԹ 6:6

Հաղորդութիւն արասցէ աշակերտն վարդապետին յամենայն բարութիւնս։

ԵՐԿՐՈՐԴՈՒՄՆ ՕՐԻՆԱՑ 12:19

Զգոյշ լեր անձին քում, գուցէ թողուցուս զՂեւտացին զամենայն ժամանակս քո որչափ եւ կեցցես ի վերայ երկրին։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 3:10

Քանզի մինչ առ ձեզն իսկ էաք, զայս պատուիրէաք ձեզ, թէ՝ Որ ոչն կամիցի գործել, եւ կերիցէ մի՛։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:17

Որ բարւոք վերակացու լինին երիցունք՝ կրկին պատուոյ արժանի եղիցին, մանաւանդ որ աշխատիցին բանիւ եւ վարդապետութեամբ։