ԾՆՈՒՆԴՔ 46:5 - Գրաբար Աստվածաշունչ (1895)

⁵ Յարեաւ Յակոբ ի Ջրհորոյ անտի երդման, եւ առին որդիքն Իսրայելի զՅակոբ հայրն իւրեանց եւ զկազմած եւ զկանայս իւրեանց ի սայլսն զոր առաքեաց Յովսէփ առնուլ զնա։

ԾՆՈՒՆԴՔ 46:5 ပူးပေါင်းရင်းမြစ်များ

ԾՆՈՒՆԴՔ 45:21

Եւ արարին այնպէս որդիքն Իսրայելի. եւ ետ նոցա Յովսէփ սայլս ըստ բանիցն փարաւոնի արքայի, եւ ետ նոցա պաշար ի ճանապարհ։

ԾՆՈՒՆԴՔ 45:19

Եւ դու զայս հրաման տացես՝՝. առնուլ յերկրէս Եգիպտացւոց սայլս մանկանց եւ կանանց ձերոց, եւ առեալ զհայրն ձեր ածիցէք։

ԾՆՈՒՆԴՔ 45:27

Եւ խօսեցան ընդ նմա զամենայն ինչ զոր ասաց Յովսէփ. իբրեւ ետես զսայլսն զոր առաքեաց Յովսէփ առնուլ զնա, արծարծեցաւ ոգին Յակոբայ հօր նոցա։

ԵԼՔ 10:26

Այլ մեր անասուն իսկ երթիցէ ընդ մեզ, եւ ոչ թողուցումք եւ ոչ կճղակ մի. քանզի ի նոցանէ առնուցումք պաշտել զՏէր Աստուած մեր. եւ մեք ոչ գիտեմք զինչ մատուցանիցեմք Տեառն Աստուծոյ մերում՝՝ մինչեւ անդր հասանիցեմք։

ԵԼՔ 10:24

Եւ կոչեաց փարաւոն զՄովսէս եւ զԱհարոն՝՝ եւ ասէ ցնոսա. Երթայք պաշտեցէք զՏէր Աստուած ձեր՝՝, բայց զարջառ եւ զոչխար ձեր աստէն թողէք, եւ այլ աղխդ ձեր երթիցեն ընդ ձեզ։

ԳՈՐԾՔ ԱՌԱՔԵԼՈՑ 7:15

Եւ էջ Յակովբ յԵգիպտոս, եւ վախճանեցաւ ինքն եւ հարքն մեր։

ԾՆՈՒՆԴՔ 21:14

Յարեաւ Աբրահամ ընդ առաւօտն, եւ առ հաց եւ տիկ ջրոյ եւ ետ ցԱգար, եւ եդ յուս նորա զմանուկն՝՝, եւ արձակեաց զնա. եւ երթեալ մոլորեալ շրջէր յանապատի անդ առ Ջրհորովն երդման։

ԹԱԳԱՒՈՐՈՒԹԵԱՆՑ ԱՌԱՋԻՆ 12:8

Յորժամ եմուտ Յակոբ եւ որդիք նորա յԵգիպտոս, եւ լլկեաց զնոսա Եգիպտոս,՝՝ եւ աղաղակեցին հարքն մեր առ Տէր, եւ առաքեաց Տէր զՄովսէս եւ զԱհարոն, եւ եհան զհարսն մեր յԵգիպտոսէ եւ բնակեցոյց՝՝ ի տեղւոջս յայսմիկ։