ԾՆՈՒՆԴՔ 46:1 - Գրաբար Աստվածաշունչ (1895)

¹ Չուեաց Իսրայէլ, ինքն եւ ամենայն որ ինչ իւր էր, եւ եկն ի Ջրհորն երդման, եւ մատոյց պատարագ Աստուծոյ հօր իւրոյ Իսահակայ։

ԾՆՈՒՆԴՔ 46:1 ပူးပေါင်းရင်းမြစ်များ

ԾՆՈՒՆԴՔ 12:8

Եւ մեկնեցաւ անտի ի լեառնն ընդ արեւելս ի Բեթէլ. եւ եհար անդ զխորան իւր ի Բեթէլ, յանդիման ծովուն եւ Անգէի ընդ արեւելս՝՝. եւ շինեաց անդ սեղան Տեառն, եւ կոչեաց յանուն Տեառն։

ԾՆՈՒՆԴՔ 21:14

Յարեաւ Աբրահամ ընդ առաւօտն, եւ առ հաց եւ տիկ ջրոյ եւ ետ ցԱգար, եւ եդ յուս նորա զմանուկն՝՝, եւ արձակեաց զնա. եւ երթեալ մոլորեալ շրջէր յանապատի անդ առ Ջրհորովն երդման։

ԾՆՈՒՆԴՔ 21:31

Վասն այնորիկ անուանեաց զանուն տեղւոյն այնորիկ Ջրհոր երդման՝՝. զի անդ երդուան երկոքին միմեանց։

ԾՆՈՒՆԴՔ 21:33

Եւ տնկեաց Աբրահամ տունկ առ Ջրհորովն երդման, եւ կարդաց անդ զանուն Տեառն, Աստուած յաւիտենական։

ԾՆՈՒՆԴՔ 22:13

Համբարձ Աբրահամ զաչս իւր եւ ետես, եւ ահա խոյ մի կախեալ կայր զծառոյն սաբեկայ զեղջերաց՝՝. եւ գնաց Աբրահամ առ զխոյն, եւ եհան զնա յողջակէզ փոխանակ Իսահակայ որդւոյ իւրոյ։

ԾՆՈՒՆԴՔ 28:10

Եւ ել Յակոբ ի Ջրհորոյ անտի երդման, եւ գնաց ի Խառան։

ԾՆՈՒՆԴՔ 28:13

Եւ Տէր հաստատեալ կայր ի նմա, եւ ասէ. Ես եմ Տէր, Աստուած Աբրահամու հօր քո, եւ Աստուած Իսահակայ. մի՛ երկնչիր, զի՝՝ զերկիրդ յորում դուդ ննջեցեր, քեզ տաց զդա եւ զաւակի քում։

ԾՆՈՒՆԴՔ 31:42

Եթէ ոչ Աստուած հօր իմոյ, Աստուած Աբրահամու եւ Երկեւղն Իսահակայ էր ընդ իս, այժմ թերեւս ունայն իսկ արձակէիր զիս. այլ զտառապանս իմ եւ զվաստակս ձեռաց իմոց ետես Աստուած, եւ յանդիմանեաց զքեզ երէկ։

ԾՆՈՒՆԴՔ 31:53

Աստուած Աբրահամու եւ Աստուած Նաքովրայ եղիցի դատաւոր ի միջի մերում, Աստուած հարցն նոցա։ Եւ երդուաւ Յակոբ յԵրկեւղ հօր իւրոյ Իսահակայ։

ԾՆՈՒՆԴՔ 33:20

Եւ շինեաց անդ սեղան, եւ կարդաց զԱստուած Իսրայէլի։

ԾՆՈՒՆԴՔ 35:3

Եւ յարուցեալ ելցուք ի Բեթէլ, եւ արասցուք անդ սեղան Աստուծոյ, որ լուաւ ինձ յաւուր նեղութեան, որ էր ընդ իս եւ ապրեցոյց զիս ի ճանապարհին՝ զոր գնացի։

ԾՆՈՒՆԴՔ 35:7

Եւ շինեաց անդ սեղան, եւ կոչեաց զանուն տեղւոյն Բեթէլ. զի անդ երեւեցաւ նմա Աստուած ի փախչել նորա յերեսաց Եսաւայ եղբօր իւրոյ։

ԾՆՈՒՆԴՔ 4:4

Ած եւ Հաբէլ յանդրանկաց խաշանց իւրոց եւ ի պարարտաց նոցա. եւ հայեցաւ Աստուած ի Հաբէլ եւ ի պատարագս նորա։

ԾՆՈՒՆԴՔ 45:28

Եւ ասէ Իսրայէլ. Մեծ է ինձ եթէ արդարեւ տակաւին կենդանի իցէ որդի իմ Յովսէփ. երթայց տեսից զնա մինչչեւ մեռեալ իցեմ։

ԾՆՈՒՆԴՔ 8:20

Եւ շինեաց Նոյ սեղան Աստուծոյ, եւ առ յամենայն անասնոց սրբոց եւ յամենայն թռչնոց սրբոց, եւ եհան ողջակէզ ի վերայ սեղանոյն։

ԳԻՐՔ ՅՈԲԱՅ 1:5

Եւ իբրեւ յանգ ելանէին աւուրք խրախութեանն, առաքէր Յոբ եւ սրբէր զնոսա. յարուցեալ ընդ առաւօտս մատուցանէր վասն նոցա զոհս ըստ թուոյ նոցա, եւ զուարակ մի վասն մեղաց՝ ընդ որդւոց նոցա.՝՝ քանզի ասէր Յոբ, թէ՝ Գուցէ որդիքն իմ ի միտս իւրեանց իմացան չարութիւն զԱստուծոյ. այսպէս առնէր Յոբ զամենայն աւուրս նոցա։

ԳԻՐՔ ՅՈԲԱՅ 42:8

Բայց արդ առէք զուարակս եւթն եւ խոյս եւթն, եւ երթայք առ ծառայ իմ Յոբ, եւ արասցէ ողջակէզս վասն ձեր. եւ Յոբ ծառայ իմ արասցէ աղօթս վասն ձեր։ Զի թէ ոչ նմա ակն առեալ էր, եւ եթէ ոչ վասն նորա էր, կորուսեալ էր իմ արդեւք զձեզ. զի ոչ խօսեցարուք ճշմարտութիւն զծառայէ իմմէ զՅոբայ՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 7:9

Եւ ապականեսցին բագինք կատակութեան, եւ մեհեանք՝՝ Իսրայելի աւերեսցին. եւ յարեայց ի վերայ տանն Յերոբովամայ սրով։

ԳՈՐԾՔ ԱՌԱՔԵԼՈՑ 7:15

Եւ էջ Յակովբ յԵգիպտոս, եւ վախճանեցաւ ինքն եւ հարքն մեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:4

եւ ետու Իսահակայ զՅակոբ եւ զԵսաւ. եւ ետու Եսաւայ զլեառնն Սէիր ի ժառանգութիւն. եւ Յակոբ եւ որդիք նորա իջին յԵգիպտոս։

ԹԱԳԱՒՈՐՈՒԹԵԱՆՑ ԱՌԱՋԻՆ 3:20

Եւ գիտաց ամենայն Իսրայէլ ի Դանայ մինչեւ ցԲերսաբէէ թէ հաւատարիմ է Սամուէլ ի մարգարէ Տեառն։

ԹԱԳԱՒՈՐՈՒԹԵԱՆՑ ԱՌԱՋԻՆ 8:2

Եւ այս են անուանք որդւոց նորա. անդրանկանն՝ Յովէլ, եւ անուն երկրորդին Աբիա. դատաւորք ի Բերսաբէէ։