ԾՆՈՒՆԴՔ 45:21 - Գրաբար Աստվածաշունչ (1895)

²¹ Եւ արարին այնպէս որդիքն Իսրայելի. եւ ետ նոցա Յովսէփ սայլս ըստ բանիցն փարաւոնի արքայի, եւ ետ նոցա պաշար ի ճանապարհ։

ԾՆՈՒՆԴՔ 45:21 ပူးပေါင်းရင်းမြစ်များ

ԾՆՈՒՆԴՔ 45:19

Եւ դու զայս հրաման տացես՝՝. առնուլ յերկրէս Եգիպտացւոց սայլս մանկանց եւ կանանց ձերոց, եւ առեալ զհայրն ձեր ածիցէք։

ԾՆՈՒՆԴՔ 45:20

Եւ մի՛ ագահիցեն աչք ձեր ի կահ ձեր, զի բարութիւն ամենայն երկրիս Եգիպտացւոց ձեզ լինիցի։

ԾՆՈՒՆԴՔ 45:27

Եւ խօսեցան ընդ նմա զամենայն ինչ զոր ասաց Յովսէփ. իբրեւ ետես զսայլսն զոր առաքեաց Յովսէփ առնուլ զնա, արծարծեցաւ ոգին Յակոբայ հօր նոցա։

ԾՆՈՒՆԴՔ 46:5

Յարեաւ Յակոբ ի Ջրհորոյ անտի երդման, եւ առին որդիքն Իսրայելի զՅակոբ հայրն իւրեանց եւ զկազմած եւ զկանայս իւրեանց ի սայլսն զոր առաքեաց Յովսէփ առնուլ զնա։

ՄՆԱՑՈՐԴԱՑ ԵՐԿՐՈՐԴ 35:16

Եւ ուղղեցաւ եւ պատրաստեցաւ ամենայն պաշտօնն Տեառն յաւուրն յայնմիկ՝ առնել զպասեքն եւ մատուցանել զողջակէզսն ի վերայ սեղանոյն Տեառն, ըստ պատուիրանին Յովսեայ արքայի։

ՄՆԱՑՈՐԴԱՑ ԵՐԿՐՈՐԴ 8:13

եւ ըստ բանին աւուրց յաւուրս մատուցանել ըստ պատուիրանացն Մովսիսի ի շաբաթսն եւ յամսամուտսն եւ ի տօնսն. երիս ժամանակս ի տարւոջ, ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն։

ԵԼՔ 17:1

Եւ չուեաց ամենայն ժողովուրդ որդւոցն Իսրայելի ի Սինն անապատէ ըստ բանակս իւրեանց բանիւ Տեառն, եւ բանակեցան յՌափիդիմ. եւ ոչ գոյր ջուր ըմպել ժողովրդեանն։

ԺՈՂՈՎՕՂ 8:2

Բերանոյ՝՝ թագաւորի զգոյշ լեր, եւ ի բան երդման Աստուծոյ։

ՈՂԲՔ 1:18

Արդար է Տէր Աստուած, զի ես դառնացուցի զնա. լուարուք զայս, ամենայն ժողովուրդք, եւ տեսէք զցաւս իմ. օրիորդք իմ եւ երիտասարդք իմ վարեցան ի գերութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:24

Ամենեքին եկեսցեն ի վերայ քո ի հիւսիսոյ. կառք եւ անիւք ազգաց բազմութեան, սաղաւարտաւորք եւ վահանաւորք, եւ արկցեն շուրջ զքեւ պահ. եւ տաց առաջի երեսաց նոցա դատաստանս, եւ խնդրեսցեն ի քէն վրէժս՝՝ դատաստանօք իւրեանց։

ԹԻՒՔ 3:16

Եւ արարին նոցա հանդէս Մովսէս եւ Ահարոն՝՝ ըստ բարբառոյ Տեառն՝ որպէս եւ հրամայեաց նոցա Տէր՝՝։