ԾՆՈՒՆԴՔ 45:18 - Գրաբար Աստվածաշունչ (1895)

¹⁸ Եւ առեալ զհայրն ձեր եւ զստացուածս ձեր՝ եկեսջիք առ իս. եւ տաց ձեզ յամենայն բարութեանցս Եգիպտացւոց, եւ կերիջիք զուղիղ երկրիս։

ԾՆՈՒՆԴՔ 45:18 ပူးပေါင်းရင်းမြစ်များ

ԾՆՈՒՆԴՔ 27:28

Եւ տացէ քեզ Աստուած ի ցօղոյ երկնից եւ ի պարարտութենէ երկրի, եւ բազմութիւն ցորենոյ եւ գինւոյ։

ԾՆՈՒՆԴՔ 45:17

Ասէ փարաւոն ցՅովսէփ. Ասա ցեղբարս քո. Այսպէս արարէք. լցէք զբեռինս ձեր եւ երթայք յերկիրն Քանանացւոց։

ԾՆՈՒՆԴՔ 46:34

ասասջիք եթէ, Արք խաշնադարմանք եմք ծառայք քո ի մանկութենէ մինչեւ ցայժմ, ե՛ւ մեք ե՛ւ հարք մեր. զի բնակիցէք յերկրին Գեսեմ. քանզի գարշելի է Եգիպտացւոց ամենայն հովիւ խաշանց։

ԾՆՈՒՆԴՔ 47:6

Ահա երկիրս Եգիպտացւոց առաջի քո է. ի բարւոք երկրի բնակեցո զհայր քո եւ զեղբարս քո. եւ բնակեսցեն յերկրին ի Գեսեմ. ապա թէ գիտես թէ իցեն ի նոսա արք զօրաւորք, կացո զնոսա իշխանս ի վերայ իմոց խաշանց։

ՄԱՐԳԱՐԷՈՒԹԻՒՆ ԵՍԱՅԵԱՅ 28:1

Վա՜յ ի պսակդ հպարտութեան վարձկանացդ Եփրեմի. ծաղիկ թօթափեալ ի փառաց ի վերայ գլխոյ լերինդ թանձրացելոյ, որ արբեալդ էք եւ ոչ՝՝ ի գինւոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 28:4

Եւ եղիցի ծաղիկն յուսոյ թօթափեալ ի փառաց անտի՝ ի վերայ գլխոյ լերինն բարձու՝՝, իբրեւ զվաղահասուկն թզոյ, զոր տեսեալ ուրուք՝ մինչչեւ ի ձեռն առեալ կամիցի կլանել։

ԹԻՒՔ 18:12

Եւ զամենայն պտուղ իւղոյ, եւ զամենայն պտուղ գինւոյ եւ ցորենոյ, զոր տացեն Տեառն զպտուղ իւրեանց՝՝ քեզ ետու զայն։

ԹԻՒՔ 18:29

յամենայն տրոցն ձերոց հանիցէք հաս եւ յամենայն պտղոց՝՝ զնուիրեալն ի նմանէ։

ԵՐԿՐՈՐԴՈՒՄՆ ՕՐԻՆԱՑ 32:14

կոգի կովուց եւ կաթն մաքեաց, հանդերձ ճարպով գառանց եւ խոյոց, որդւոց ցլուց եւ նոխազաց՝ ընդ ճարպոյ երիկամանց ցորենոյ. եւ զարիւն խաղողոյ ըմպէին գինի։