ԾՆՈՒՆԴՔ 44:2 - Գրաբար Աստվածաշունչ (1895)

² Եւ զսկիհն իմ արծաթի դիջիք յամանի կրտսերոյն, եւ զգինս ցորենոյ նորա։ Եւ եղեւ ըստ բանին Յովսեփայ որպէս եւ ասաց։

ԾՆՈՒՆԴՔ 44:2 ပူးပေါင်းရင်းမြစ်များ

ԾՆՈՒՆԴՔ 42:20

Եւ զեղբայրն ձեր կրտսեր ածէք առ իս, եւ հաւատարիմ լինիցին բանք ձեր. ապա թէ ոչ, մեռանիք։ Արարին՝՝ այնպէս։

ԾՆՈՒՆԴՔ 42:25

Եւ ետ հրաման Յովսէփ լնուլ զամանս նոցա ցորենով, եւ դնել զարծաթն իւրաքանչիւր ի քրձի իւրում, եւ տալ նոցա պաշար ի ճանապարհ։ Եւ եղեւ նոցա այնպէս։

ԾՆՈՒՆԴՔ 43:32

Եւ արկին նմա միայնոյ, եւ նոցա իւրաքանչիւր ումեք, եւ Եգիպտացւոցն որ ճաշէին ընդ նմա՝ իւրաքանչիւր առանձինն. զի ոչ կարէին Եգիպտացիքն ուտել հաց ընդ Եբրայեցիսն, քանզի գարշելի էին Եգիպտացւոցն։

ԾՆՈՒՆԴՔ 44:1

Եւ հրաման ետ Յովսէփ հազարապետին իւրում եւ ասէ. Լցէք զամանս արանցն կերակրով որչափ եւ կարիցեն բառնալ, եւ դիք զարծաթն իւրաքանչիւր ի բերան ամանոյ իւրոյ։

ԾՆՈՒՆԴՔ 44:12

Եւ յուզեաց՝ սկսեալ յերիցուէն մինչեւ եկն կատարեաց ի կրտսերն, եւ եգիտ զսկիհն յամանի Բենիամինի։

ԾՆՈՒՆԴՔ 44:3

Եւ իբրեւ առաւօտ եղեւ, արձակեցան արքն, ինքեանք եւ էշք իւրեանց։

Մատթեոսի Աւետարան 10:16

Ահաւասիկ ես առաքեմ զձեզ իբրեւ զոչխարս ի մէջ գայլոց. եղերուք այսուհետեւ խորագէտք իբրեւ զօձս, եւ միամիտք իբրեւ զաղաւնիս։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 8:8

Ոչ որպէս հրաման տալով ասեմ, այլ վասն այլոց փութոյ, եւ վասն ձերոյ սիրոյ զմտերմութիւնդ փորձեմ։

ԵՐԿՐՈՐԴՈՒՄՆ ՕՐԻՆԱՑ 13:3

մի՛ լսիցէք բանից մարգարէին այնորիկ, կամ երազահանին երազոց. զի փորձէ զձեզ Տէր Աստուած ճանաչել՝՝, թէ սիրիցէ՞ք զՏէր Աստուած մեր յամենայն սրտէ ձերմէ եւ յամենայն անձնէ ձերմէ։

ԵՐԿՐՈՐԴՈՒՄՆ ՕՐԻՆԱՑ 8:16

որ կերակրեաց զքեզ մանանայիւն յանապատին, զոր ոչ գիտէին հարքն քո, զի չարչարեսցէ զքեզ եւ փորձեսցէ զքեզ, եւ բարի արասցէ քեզ ի վախճանի քում.

ԵՐԿՐՈՐԴՈՒՄՆ ՕՐԻՆԱՑ 8:2

Եւ յիշեսցես զամենայն ճանապարհն զոր ած զքեզ Տէր ընդ անապատն, զի լլկիցէ զքեզ եւ փորձիցէ զքեզ, եւ ճանաչիցէ թէ զի՛նչ կայցէ ի սրտի քում, եթէ պահեսցես զպատուիրանս նորա եւ թէ ոչ։