ԾՆՈՒՆԴՔ 43:28 - Գրաբար Աստվածաշունչ (1895)

²⁸ Եւ նոքա ասեն. Ողջ է ծառայ քո հայր մեր, տակաւին կենդանի է։ Եւ ասէ. օրհնեալ է այրն այն յԱստուծոյ։՝՝ Եւ խոնարհեցան երկիր պագին նմա։

ԾՆՈՒՆԴՔ 43:28 ပူးပေါင်းရင်းမြစ်များ

ԾՆՈՒՆԴՔ 37:7

Թուէր եթէ որայ կապէաք ի դաշտի միում, եւ կանգնեցաւ որայն իմ եկաց ուղղորդ. եւ դարձան որայքն ձեր եւ պագին երկիր իմում որայոյն։

ԾՆՈՒՆԴՔ 43:26

Եմուտ Յովսէփ ի տուն, եւ մատուցին նմա զընծայսն զոր ունէին ի ձեռս իւրեանց՝ ի տան անդ, եւ երկիր պագին նմա ի վերայ երեսաց իւրեանց յերկիր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:2

Եւ եղեւ յետ աւուրն երկրորդի՝՝, եւ ահա այր եհաս ի բանակէ զօրուն Սաւուղայ, եւ հանդերձք իւր պատառեալք, եւ հող զգլխով իւրով. եւ եղեւ ի մտանել նորա առ Դաւիթ, անկաւ յերկիր եւ երկիր եպագ նմա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:4

Եմուտ կինն Թեկուացի առ արքայ, եւ անկաւ ի վերայ երեսաց իւրոց ի գետին, եւ ասէ. Ապրեցո զիս արքայ, ապրեցո։

ԹԱԳԱՒՈՐՈՒԹԵԱՆՑ ԵՐՐՈՐԴ 1:16

Խոնարհեցաւ Բերսաբէէ եւ երկիր եպագ արքայի։ Եւ ասէ արքայ. Զի՞ է քեզ։

ՄՆԱՑՈՐԴԱՑ ԵՐԿՐՈՐԴ 24:17

Եւ եղեւ յետ վախճանելոյն Յովիդայեայ, մտին իշխանքն Յուդայ եւ երկիր պագին արքայի, եւ շրջեցին զմիտսն Յովասու՝՝. յայնժամ լուաւ նոցա արքայ։

ԵԼՔ 18:7

Ել Մովսէս ընդ առաջ աներոյն իւրոյ, եւ երկիր եպագ նմա եւ համբուրեաց զնա. եւ ողջոյն ետուն միմեանց ի խաղաղութիւն, եւ տարաւ զնոսա ի խորանն։