ԾՆՈՒՆԴՔ 43:27 - Գրաբար Աստվածաշունչ (1895)

²⁷ Եհարց զնոսա եւ ասէ. Զիա՞րդ կայք։ Եւ ասէ ցնոսա եթէ Ո՞ղջ իցէ հայրն ձեր ծերունի, զորմէ ասացէք թէ տակաւին կենդանի է։

ԾՆՈՒՆԴՔ 43:27 ပူးပေါင်းရင်းမြစ်များ

ԾՆՈՒՆԴՔ 37:14

Ասէ ցնա Իսրայէլ. Երթ տես եթէ ո՞ղջ իցեն եղբարքն քո եւ խաշինք, եւ բեր ինձ զրոյց։ Եւ առաքեաց զնա ի ծործորոյն Քեբրոնի. եկն ի Սիւքեմ։

ԾՆՈՒՆԴՔ 41:16

Պատասխանի ետ Յովսէփ եւ ասէ ցփարաւոն. Առանց Աստուծոյ ոչ լինիցի պատասխանի փրկութեան՝՝ փարաւոնի։

ԾՆՈՒՆԴՔ 42:11

Ամենեքին մեք եմք որդիք առն միոյ. արք խաղաղութեան եմք, եւ չեն ծառայք քո լրտեսք։

ԾՆՈՒՆԴՔ 42:13

Եւ նոքա ասեն. Երկոտասան եղբարք եմք ծառայք քո, որդիք առն միոյ, յերկրին Քանանացւոց. եւ կրտսերն առ հօր իւրում է այսօր, եւ մեւսն չէ ի միջի։

ԾՆՈՒՆԴՔ 43:7

Եւ նոքա ասեն. Հարցանելով եհարց զմէնջ այրն, եւ զազգէ մերմէ, եւ թէ Տակաւին կենդանի՞ իցէ հայրն ձեր, եւ եթէ իցէ՞ ձեր եղբայր. եւ պատմեցաք նմա ըստ հարցանելոյն նորա. միթէ գիտէա՞ք թէ ասելոց է ցմեզ՝ Ածէք զեղբայրն ձեր։

ԾՆՈՒՆԴՔ 45:3

Ասէ Յովսէփ ցեղբարսն իւր. Ես եմ Յովսէփ. արդարեւ տակաւին կենդանի՞ իցէ հայր իմ։ Եւ ոչ կարէին եղբարքն նորա տալ նմա պատասխանի, զի խռովեցան յերեսաց նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 4:26

ընթա ընդ առաջ նորա եւ ասասցես. Ողջո՞յն է քեզ, եւ ողջո՞յն է առն քում, եւ ողջո՞յն է մանկանն։ Եւ նա ասէ. Ողջոյն է։

ՄՆԱՑՈՐԴԱՑ ԱՌԱՋԻՆ 18:10

Եւ առաքեաց զԱդուրամ զորդի իւր առ արքայ Դաւիթ հարցանել զնմանէ ի խաղաղութիւն, եւ օրհնել զնա. վասն զի պատերազմ տայր ընդ նմա Ադրազար, եւ եհար զնա. քանզի այր թշնամի էր Թովու Ադրազարայ. եւ ամենայն անօթք ոսկեղէնք եւ արծաթեղէնք ի ձեռս նորա։

ԵԼՔ 18:7

Ել Մովսէս ընդ առաջ աներոյն իւրոյ, եւ երկիր եպագ նմա եւ համբուրեաց զնա. եւ ողջոյն ետուն միմեանց ի խաղաղութիւն, եւ տարաւ զնոսա ի խորանն։

ԴԱՏԱՒՈՐՔ 18:15

Եւ խոտորեցան անդ, եւ մտին ի տուն պատանեկին Ղեւտացւոյ, որ էր ի տան Միքայ, եւ հարցին զողջունէ նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:22

Եւ եթող Դաւիթ զկարասին յինքենէ ի ձեռն վանապանին, եւ ընթացաւ ի ճակատն, եւ եկն եհարց զողջունէ եղբարցն իւրոց։

ԹԱԳԱՒՈՐՈՒԹԵԱՆՑ ԱՌԱՋԻՆ 25:5

Եւ առաքեաց Դաւիթ մանկունս տասն, եւ ասէ Դաւիթ ցմանկունսն. Ելէք ի Կարմեղոս՝ եւ երթայք առ Նաբաղ, եւ հարցէք յանուն իմ զողջունէ նորա,