ԾՆՈՒՆԴՔ 43:15 - Գրաբար Աստվածաշունչ (1895)

¹⁵ Եւ առեալ արանցն զպատարագսն եւ արծաթ կրկին ի ձեռս իւրեանց եւ զԲենիամին, յարուցեալ իջին յԵգիպտոս, եւ կացին յանդիման Յովսեփայ։

ԾՆՈՒՆԴՔ 43:15 ပူးပေါင်းရင်းမြစ်များ

ԾՆՈՒՆԴՔ 42:35

Եւ եղեւ ի թափելն նոցա զքուրձս իւրեանց, եւ կայր իւրաքանչիւր ուրուք ծրար արծաթոյ ի քրձի իւրեանց. եւ իբրեւ տեսին զծրարս արծաթոյ իւրեանց, ինքեանք եւ հայր իւրեանց, երկեան յոյժ։

ԾՆՈՒՆԴՔ 43:11

Ասէ ցնոսա Իսրայէլ հայրն իւրեանց. Այդպէս իցէ, արարէք զայդ. առէք ի պտղոյ երկրիս յամանս ձեր, եւ տարայք առնն պատարագս, ռետին եւ մեղր եւ խունկս եւ ստաշխն եւ բեւեկն եւ ընկոյզ։

ԾՆՈՒՆԴՔ 43:21

Եւ եղեւ իբրեւ հասաք յիջավանս եւ բացաք զամանս մեր, եւ արծաթն իւրաքանչիւր յամանի իւրում էր. արդ զարծաթն այսրէն կշռով դարձուցաք, եւ աւասիկ ի ձեռին մերում է։

ԾՆՈՒՆԴՔ 43:25

Եւ նոքա պատրաստեցին զպատարագսն մինչչեւ եկեալ էր Յովսէփ ի միջօրէին. քանզի լուան թէ անդ ճաշելոց է։

ՄՆԱՑՈՐԴԱՑ ԵՐԿՐՈՐԴ 28:7

Եւ սպան Զեքրի զօրաւորն Եփրեմի զԱմասիաս զորդի արքային, եւ զԵզրիկամ իշխան տան նորա, եւ զԵղկանա զփոխանորդ արքային։

ԱՌԱԿՔ ՍՈՂՈՄՈՆԻ 19:6

Բազումք ողոքեն զերեսս թագաւորաց. եւ ամենայն չարակամ նախատ լինի մարդկան։