ԾՆՈՒՆԴՔ 43:14 - Գրաբար Աստվածաշունչ (1895)

¹⁴ Եւ Աստուած իմ տացէ ձեզ շնորհս առաջի առնն, եւ արձակեսցէ ընդ ձեզ զեղբայրն ձեր զմեւս եւ զԲենիամին. բայց ես որպէս անզաւակեցայ, անզաւակեցայ։

ԾՆՈՒՆԴՔ 43:14 ပူးပေါင်းရင်းမြစ်များ

ԾՆՈՒՆԴՔ 17:1

Եւ եղեւ Աբրամ ամաց իննսուն եւ ինունց. եւ երեւեցաւ Տէր Աստուած Աբրամու եւ ասէ ցնա. Ես եմ Աստուած քո. հաճոյ լեր՝՝ առաջի իմ, եւ լեր անարատ։

ԾՆՈՒՆԴՔ 22:14

Եւ կոչեաց Աբրահամ զանուն տեղւոյն այնորիկ Տէր ետես. զի ասիցեն ցայսօր. Ի լերինն յայնմիկ Տէր երեւեցաւ։

ԾՆՈՒՆԴՔ 28:3

Եւ Աստուած իմ օրհնեսցէ զքեզ, եւ աճեցուսցէ զքեզ եւ բազմացուսցէ զքեզ, եւ եղիցես ի ժողովս ազգաց։

ԾՆՈՒՆԴՔ 35:11

Եւ ասէ ցնա Աստուած. Ես եմ Աստուած քո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։

ԾՆՈՒՆԴՔ 39:21

Եւ էր Տէր ընդ Յովսեփայ, եւ արկ զնովաւ ողորմութիւն, եւ ետ նմա շնորհս առաջի բանտապետին։

ԾՆՈՒՆԴՔ 42:24

Եւ անցեալ մեկուսի ի նոցանէ՝ ելաց Յովսէփ. եւ եկն միւսանգամ առ նոսա, եւ խօսեցաւ ընդ նոսա. եւ առ ի նոցանէ զՇմաւոն եւ կապեաց առաջի նոցա։

ԾՆՈՒՆԴՔ 42:36

Եւ ասէ ցնոսա Յակոբ հայրն իւրեանց. Զիս անորդի արարէք. Յովսէփ չէ ի միջի, Շմաւոն չէ ի միջի, եւ զԲենիամին եւս առնուցուք. յիմ վերայ եկն այս ամենայն։

ԾՆՈՒՆԴՔ 43:13

Եւ զեղբայրդ ձեր առէք, եւ արիք իջէք առ այրն։

ԾՆՈՒՆԴՔ 44:12

Եւ յուզեաց՝ սկսեալ յերիցուէն մինչեւ եկն կատարեաց ի կրտսերն, եւ եգիտ զսկիհն յամանի Բենիամինի։

ԵԶՐ 7:27

Օրհնեալ է Տէր Աստուած հարցն մերոց, որ արկ զայս ի սիրտ թագաւորին, եւ փառաւորեաց զտունն Տեառն Աստուծոյ մերոյ՝՝ որ է յԵրուսաղէմ,

ԳԻՐՔ ՆԷԵՄԵԱՅ 1:11

Մի՛ թողուր ի ձեռաց. այլ՝՝ եղիցին ականջք քո հայել յաղօթս ծառայից քոց, եւ անսալ խնդրուածոց որոց երկնչին յանուանէ քումմէ. եւ յաջողեա զխնդրուածս ծառայի քո այսօր, եւ տուր ինձ գտանել գթութիւնս առաջի առնս այսորիկ։ Եւ ես էի տակառապետ թագաւորին։

ԳԻՐՔ ՍԱՂՄՈՍԱՑ 100:5

Որ խօսէր գաղտ զընկերէ իւրմէ, զնա բացէ ի բաց հալածէի. որ ամբարտաւան էր աչօք եւ ագահ սրտիւ, ընդ նմա եւ հաց ոչ ուտէի՝՝։

ԳԻՐՔ ՍԱՂՄՈՍԱՑ 85:7

Յաւուր նեղութեան իմոյ կարդացի առ քեզ, եւ լուար ինձ։

ԱՌԱԿՔ ՍՈՂՈՄՈՆԻ 16:7

Զի ամենայն գործք Աստուծոյ արդարութեամբ են. ամպարիշտ պահի աւուր չարի։

ԱՌԱԿՔ ՍՈՂՈՄՈՆԻ 21:1

Որպէս սահանք ջրոց. նոյնպէս սիրտ թագաւորի ի ձեռս Աստուծոյ. ընդ որ կոյս կամի հայեցուցանել՝ դարձուցանէ զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 49:13

Ուրախ լերուք, երկինք, եւ ցնծասցէ երկիր, գոչեսցեն լերինք զցնծութիւն եւ բլուրք զարդարութիւն՝՝. զի ողորմեցաւ Աստուած ժողովրդեան իւրում, եւ զխոնարհս ժողովրդեան իւրոյ մխիթարեաց։

ԱՒԵՏԱՐԱՆ ԸՍՏ ՂՈՒԿԱՍՈՒ 1:50

Եւ ողորմութիւն նորա ազգաց յազգս երկիւղածաց իւրոց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:22

Պատասխանի ետ Պիղատոս. Զոր ինչ գրեցի՝ գրեցի։

ԳՈՐԾՔ ԱՌԱՔԵԼՈՑ 21:14

Եւ ի չանսալն նորա՝ լռեցաք, ասեմք. Տեառն կամք լիցին։

ԳՈՐԾՔ ԱՌԱՔԵԼՈՑ 7:10

եւ փրկեաց զնա յամենայն նեղութեանց նորա, եւ ետ նմա շնորհս եւ իմաստութիւն առաջի փարաւոնի արքային Եգիպտացոց. եւ կացոյց զնա իշխան Եգիպտացւոցն եւ ամենայն տան նորա։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:16

Այլ վասն այնորիկ գտի ողորմութիւն, զի նախ յիս եցոյց Յիսուս Քրիստոս զամենայն երկայնմտութիւն յօրինակ այնոցիկ որ հաւատալոցն իցեն ի նա ի կեանսն յաւիտենից։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:2

Տիմոթեայ, որդւոյ սիրելւոյ հաւատովք, շնորհք, ողորմութիւն, խաղաղութիւն յԱստուծոյ Հօրէ եւ ի Տեառնէ մերմէ Յիսուսէ Քրիստոսէ։

ԱՌ ՏԻՏՈՍ ԹՈՒՂԹ 1:4

Տիտոսի որդւոյ սիրելւոյ ըստ հասարակաց հաւատոց, շնորհք եւ խաղաղութիւն յԱստուծոյ Հօրէ եւ ի Քրիստոսէ Յիսուսէ՝՝ Փրկչէ մերմէ։

ՅՈՎՀԱՆՆՈՒ ԵՐԿՐՈՐԴ՝՝ 1:3

Շնորհք, ողորմութիւն, խաղաղութիւն յԱստուծոյ ի Հօրէ եւ ի Տեառնէ Յիսուսէ Քրիստոսէ Որդւոյն Հօր, ճշմարտութեամբ եւ սիրով եղիցին ընդ ձեզ։