ԾՆՈՒՆԴՔ 42:9 - Գրաբար Աստվածաշունչ (1895)

⁹ Եւ յիշեաց Յովսէփ զերազսն իւր զոր ետես, եւ ասէ ցնոսա. Լրտեսք էք դուք, եւ դիտել զել եւ զմուտ՝՝ աշխարհիս եկեալ էք։

ԾՆՈՒՆԴՔ 42:9 ပူးပေါင်းရင်းမြစ်များ

ԾՆՈՒՆԴՔ 37:11

Եւ նախանձեցան ընդ նմա եղբարքն իւր. բայց հայրն պահէր զբանսն։

ԾՆՈՒՆԴՔ 42:16

Արդ առաքեցէք զմի ոք ի ձէնջ եւ ածցէ զեղբայրն ձեր, եւ դուք կացէք ի դիպահոջ, մինչեւ յայտնի լինիցին բանք ձեր եթէ արդար խօսիցիք եւ թէ ոչ. ապա թէ ոչ, երդուեալ յարեւն փարաւոնի՝ թէ ոչ լրտեսք էք դուք։

ԾՆՈՒՆԴՔ 42:34

եւ զեղբայրն ձեր կրտսեր ածիցէք առ իս, եւ գիտացից եթէ չէք լրտեսք, այլ արք խաղաղութեան էք. եւ զայս եւս եղբայր տաց ցձեզ, եւ յերկրի աստ առնիցէք վաճառ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:3

Եւ ասեն իշխանք որդւոցն Ամոնայ ցԱնոն տէրն իւրեանց. Միթէ փառաւորե՞լ ինչ զհայր քո առաջի քո առաքեաց առ քեզ Դաւիթ մխիթարիչս. ոչ, այլ զի որոնեսցեն զքաղաքս եւ դիտեսցեն զսա, եւ լրտեսել զսա առաքեաց Դաւիթ զծառայս իւր առ քեզ։

ԵԼՔ 32:35

Եւ եհար Տէր զժողովուրդն վասն առնելոյ զորթն զոր արար Ահարոն։

ԹԻՒՔ 13:2

Եւ խօսեցաւ Տէր ընդ Մովսիսի եւ ասէ.

ԱՒԵՏԱՐԱՆ ԸՍՏ ՂՈՒԿԱՍՈՒ 20:20

Եւ ապա սպասեցին, եւ առաքեցին դաւաճանս կեղծաւորեալս զանձինս առ արդարս ունել, զի ըմբռնեսցեն զնա բանիւք, առ ի մատնել զնա պետութեան եւ իշխանութեան դատաւորին։

ԱՌ ԵԲՐԱՅԵՑԻՍ ԹՈՒՂԹ 11:31

Հաւատովք Րախաբ պոռնիկ ոչ կորեաւ ընդ անհաւատսն, որոյ ընկալեալ էր զլրտեսսն խաղաղութեամբ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:1

Եւ առաքեաց Յեսու որդի Նաւեայ ի Սատիմայ երկուս երիտասարդս լրտեսել զերկիրն գաղտ, եւ ասէ. Ելէք լրտեսեցէք զերկիրն եւ զԵրիքով։ Եւ գնացեալ երկուց երիտասարդացն եկին յԵրիքով եւ մտեալ՝՝ ի տուն կնոջ պոռնկի միոջ որում անուն էր Ռախաբ, եւ անդ կալան օթեվանս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:23

Եւ մտին երկու երիտասարդքն որոց լրտեսեալ էր զքաղաքն՝ ի տուն կնոջն,՝՝ եւ հանին զՌախաբ պոռնիկ, եւ զհայր նորա եւ զմայր նորա եւ զեղբարս նորա, եւ զամենայն որ ինչ էր նորա, եւ զամենայն ազգատոհմն նորա, եւ կացուցին զնա արտաքոյ բանակին Իսրայելի։

ԴԱՏԱՒՈՐՔ 1:24

Եւ տեսին պահապանքն զայր մի ելեալ ի քաղաքէ անտի. կալան զնա եւ ասեն՝՝. Ցոյց մեզ զմուտ քաղաքիդ, եւ արասցուք ընդ քեզ ողորմութիւն։

ԹԱԳԱՒՈՐՈՒԹԵԱՆՑ ԱՌԱՋԻՆ 26:4

առաքեաց Դաւիթ լրտեսս, եւ գիտաց եթէ եկեալ է Սաւուղ պատրաստութեամբ ի Կեիլա։