ԾՆՈՒՆԴՔ 42:2 - Գրաբար Աստվածաշունչ (1895)

² Ահա լսեմ եթէ գոյ ցորեան յԵգիպտոս. իջէք անդր եւ գնեցէք մեզ սակաւ մի կերակուր, զի կեցցուք եւ մի՛ մեռցուք։

ԾՆՈՒՆԴՔ 42:2 ပူးပေါင်းရင်းမြစ်များ

ԾՆՈՒՆԴՔ 42:3

Եւ իջին եղբարքն Յովսեփայ տասնեքին՝ գնել ցորեան յԵգիպտոսէ։

ԾՆՈՒՆԴՔ 43:2

Եւ եղեւ իբրեւ սպառեցին ուտել զցորեանն զոր բերին յերկրէն Եգիպտացւոց, ասէ ցնոսա հայրն իւրեանց. Դարձեալ երթայք գնեցէք սակաւ մի կերակուր։

ԾՆՈՒՆԴՔ 43:4

Արդ եթէ արձակես զեղբայրդ մեր ընդ մեզ, իջցուք եւ գնեսցուք կերակուրս։

ԾՆՈՒՆԴՔ 43:8

Ասէ Յուդա ցԻսրայէլ հայրն իւր. Արձակեա ընդ իս զպատանեակդ, եւ յարուցեալ գնասցուք, զի կեցցուք եւ մի՛ մեռցուք, ե՛ւ մեք ե՛ւ դու ե՛ւ ստացուածք մեր։

ԾՆՈՒՆԴՔ 45:9

Արդ փութացեալ ելէք առ հայրն իմ եւ ասացէք ցնա. Այսպէս ասէ որդի քո Յովսէփ. Արար զիս Աստուած տէր ամենայն երկրիս Եգիպտացւոց. արդ եկ էջ առ իս, եւ մի՛ հեղգար։

ԳԻՐՔ ՍԱՂՄՈՍԱՑ 118:17

Հատո ծառայի քում, զի կեցից եւ պահեցից զբանս քո։

ԳԻՐՔ ՍԱՂՄՈՍԱՑ 33:18

Կարդացին արդարք առ Տէր՝ եւ Տէր լուաւ նոցա, յամենայն նեղութենէ նոցա փրկեաց զնոսա։

ԳԻՐՔ ՍԱՂՄՈՍԱՑ 33:19

Մերձ է Տէր առ այնոսիկ որ մաշեալ են սրտիւք, եւ զխոնարհս հոգւով կեցուցանէ։

ՄԱՐԳԱՐԷՈՒԹԻՒՆ ԵՍԱՅԵԱՅ 38:1

Եւ եղեւ ի ժամանակին յայնմիկ հիւանդանալ Եզեկեայ մինչեւ ի մահ. եւ եկն առ նա Եսայի որդի Ամովսայ եւ ասէ ցնա. Այսպէս ասէ Տէր. Հրաման տուր վասն տան քո, զի մեռանիս եւ ոչ կեաս։

Մատթեոսի Աւետարան 4:4

Նա պատասխանի ետ եւ ասէ. Գրեալ է թէ՝ Ոչ հացիւ միայն կեցցէ մարդ, այլ ամենայն բանիւ որ ելանէ ի բերանոյ Աստուծոյ։

ԳՈՐԾՔ ԱՌԱՔԵԼՈՑ 7:12

Եւ լուեալ Յակովբայ թէ գտանի կերակուր յԵգիպտոս, առաքեաց զհարսն մեր յառաջագոյն։