ԾՆՈՒՆԴՔ 40:19 - Գրաբար Աստվածաշունչ (1895)

¹⁹ Յետ երից աւուրց բարձցէ փարաւոն զգլուխ քո ի քէն, եւ կախեսցէ զքեզ զփայտէ. եւ կերիցեն թռչունք երկնից զմարմինս քո ի քէն։

ԾՆՈՒՆԴՔ 40:19 ပူးပေါင်းရင်းမြစ်များ

ԾՆՈՒՆԴՔ 40:13

Այլ եւս երեք աւուրք, եւ յիշեսցէ փարաւոն զիշխանութիւնն քո, եւ անդէն ի նմին տակառապետութեան քում կացուսցէ զքեզ՝՝. եւ տացես զբաժակն փարաւոնի ի ձեռս նորա, ըստ առաջնոյ իշխանութեանն քո՝՝ որպէս եւ էիրն տակառապետ։

ԾՆՈՒՆԴՔ 40:17

Եւ ի վերնում խանին յամենայնէ զոր ուտէր արքայ փարաւոն՝ գործ մատակարարաց. եւ թռչունք ուտէին զնա ի խանէ անտի որ էր ի վերայ գլխոյ իմոյ։

ԾՆՈՒՆԴՔ 40:18

Պատասխանի ետ Յովսէփ եւ ասէ ցնա. Այս է մեկնութիւն նորա. երեք խանքն՝ երեք աւուրք են։

ԾՆՈՒՆԴՔ 40:20

Եւ եղեւ յաւուրն երրորդի, օր ծննդոց էր փարաւոնի, եւ առնէր ուրախութիւն ամենայն ծառայից իւրոց. եւ յիշեաց զիշխանութիւն՝՝ տակառապետին եւ զիշխանութիւն մատակարարին ի մէջ ծառայից իւրոց։

ԾՆՈՒՆԴՔ 40:22

Եւ զմատակարարն կախեաց զփայտէ, որպէս մեկնեացն Յովսէփ։

ԾՆՈՒՆԴՔ 41:13

Եւ եղեւ որպէս մեկնեացն մեզ՝ նոյնպէս եւ պատահեաց. ինձ գալ հասանել յիշխանութիւն, եւ նմա կախել զփայտէ՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:10

Եւ ա՛ռ Ռեսփա դուստր Այիայ քուրձ եւ արկ ի վերայ նոցա՝՝ ի վիմին ի սկզբան հնձոց գարեաց, մինչեւ կաթեաց ի վերայ նոցա ջուր յերկնից. եւ ոչ տայր թոյլ թռչնոց երկնից հանգչել ի վերայ նոցա ի տուէ, եւ ոչ գազանաց անապատի ի գիշերի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:6

տացին մեզ եւթն արք յորդւոց նորա, եւ յարագեսցուք զնոսա Տեառն ի Գաբաա Սաւուղայ ընտիրս Տեառն։ Եւ ասէ արքայ. Ես տաց ձեզ։

ԱՌԱԿՔ ՍՈՂՈՄՈՆԻ 30:17

Ակն որ արհամարհէ զհայր եւ անարգէ զծերութիւն մօր, խլեսցեն զնա ագռաւք ձորոց. եւ գէշ գէշ արասցեն զնա ձագք արծուեաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:4

ի վերայ լերանցն Իսրայելի, եւ՝՝ անկանիցիս դու եւ ամենեքին որ զքեւ իցեն, եւ ազգքն որ ընդ քեզ իցեն՝ մատնեսցին ի կերակուր հաւուց եւ ամենայն թռչնոց,՝՝ եւ ամենայն գազանաց անապատի ետու զքեզ ի կերակուր.

ԳՈՐԾՔ ԱՌԱՔԵԼՈՑ 20:27

Քանզի ոչ խորշեցայ ի չպատմելոյ ձեզ զամենայն կամս Աստուծոյ։

ԱՌ ԳԱՂԱՏԱՑԻՍ ԹՈՒՂԹ 3:13

Քրիստոս գնեաց զմեզ յանիծից օրինացն, եղեալ վասն մեր անէծք, (զի գրեալ է թէ՝ Անիծեալ ամենայն որ կախեալ կայցէ զփայտէ,)

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:26

Եւ կոտորեաց զնոսա Յեսու, եւ կախեաց զնոսա հնգեսին զփայտից, եւ կային կախեալ զփայտիցն մինչեւ ցերեկոյ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:29

Եւ զթագաւորն Գայեայ կախեաց զերկճիւղ փայտէ, եւ էր ի վերայ փայտին կախեալ՝՝ մինչեւ ցերեկոյ. եւ ընդ մտանել արեգականն հրամայեաց Յեսու եւ իջուցին զնա ի փայտէ անտի, եւ ընկեցին զնա ի գուբ առ դրան քաղաքին, եւ կուտեցին ի վերայ նորա կարկառ քարանց մինչեւ ցայսօր։

ԹԱԳԱՒՈՐՈՒԹԵԱՆՑ ԱՌԱՋԻՆ 17:44

Եւ ասէ այլազգին ցԴաւիթ. Եկ առ իս եւ տաց զմարմին քո թռչնոց երկնից եւ գազանաց երկրի։

ԹԱԳԱՒՈՐՈՒԹԵԱՆՑ ԱՌԱՋԻՆ 17:46

Եւ փակեսցէ զքեզ Տէր այսօր ի ձեռս իմ, եւ սպանից զքեզ, եւ առից զգլուխ քո ի քէն. եւ տաց զգէշ քո եւ՝՝ զդիակունս բանակի այլազգեացդ յաւուր յայսմիկ թռչնոց երկնից եւ գազանաց երկրի. եւ ծանիցէ ամենայն երկիր եթէ գոյ Աստուած ի մէջ Իսրայելի.