ԾՆՈՒՆԴՔ 4:1 - Գրաբար Աստվածաշունչ (1895)

¹ Եմուտ Ադամ առ Եւայ կին իւր, եւ յղացաւ եւ ծնաւ զԿային. եւ ասէ. Ստացայ մարդ Աստուծով։

ԾՆՈՒՆԴՔ 4:1 ပူးပေါင်းရင်းမြစ်များ

ԾՆՈՒՆԴՔ 3:15

Եւ եդից թշնամութիւն ի մէջ քո եւ ի մէջ կնոջդ, եւ ի մէջ զաւակի քո եւ ի մէջ զաւակի դորա. նա սպասեսցէ քում գլխոյ. եւ դու սպասեսցես նորա գարշապարի՝՝։

ԾՆՈՒՆԴՔ 3:24

Եւ եհան զԱդամ, եւ բնակեցոյց յանդիման դրախտին փափկութեան. եւ հրամայեաց քերոբէից եւ բոցեղէն սրոյ՝՝ շուրջանակաւ պահել զճանապարհս ծառոյն կենաց։

ԾՆՈՒՆԴՔ 4:2

Եւ յաւել ծնանել զեղբայր նորա զՀաբէլ. եւ եղեւ Հաբէլ հովիւ խաշանց, եւ Կային գործէր զերկիր։

ԾՆՈՒՆԴՔ 4:25

Եմուտ Ադամ առ Եւայ կին իւր, եւ յղացաւ եւ ծնաւ որդի, եւ անուանեաց զանուն նորա Սէթ. ասէ. Զի յարոյց ինձ Աստուած զաւակ այլ՝ փոխանակ Հաբելի զոր սպանն Կային։

ԾՆՈՒՆԴՔ 5:29

Եւ անուանեաց զանուն նորա Նոյ. ասէ. Սա հանգուսցէ զմեզ ի գործոց մերոց եւ ի տրտմութեանց ձեռաց մերոց, եւ յերկրէ զոր անէծ Տէր Աստուած։

ԳԻՐՔ ՍԱՂՄՈՍԱՑ 127:3

Կին քո որպէս այգի վայելուչ՝՝ յանկիւնս տան քո, որդիք քո որպէս նորատունկ ձիթենւոյ շուրջ զսեղանով քով։

ԹԻՒՔ 31:17

Եւ արդ կոտորեցէք զամենայն արու յամենայն աղխիդ, եւ զամենայն կին որոյ գիտացեալ է զարութիւն արուի՝ կոտորեցէք։

ՅՈՎՀԱՆՆՈՒ ԱՌԱՋԻՆ՝՝ 3:12

Ոչ որպէս Կայէնն ի չարէ անտի էր եւ սպան զեղբայրն իւր. եւ յո՞ր սակս սպան զնա. զի իւր գործքն չար էին, եւ եղբօրն՝ բարի։