ԾՆՈՒՆԴՔ 38:9 - Գրաբար Աստվածաշունչ (1895)

⁹ Իբրեւ գիտաց Աւնան թէ ոչ լինի նմա զաւակն, լինէր յորժամ մտանէր առ կին եղբօր իւրոյ, հեղոյր զսերմն յերկիր, չտալ զաւակ եղբօր իւրում։

ԾՆՈՒՆԴՔ 38:9 ပူးပေါင်းရင်းမြစ်များ

ԾՆՈՒՆԴՔ 38:10

Եւ չար թուեցաւ առաջի Աստուծոյ գործն զոր արար, եւ սպան եւ զնա եւս։

ԳԻՐՔ ՅՈԲԱՅ 5:2

Քանզի եւ զանզգամ սպանանէ բարկութիւն, եւ զմոլորեալն մեռուցանէ նախանձ։

ԱՌԱԿՔ ՍՈՂՈՄՈՆԻ 27:4

Անողորմ է սրտմտութիւն, եւ սաստիկ է բարկութիւն, այլ նախանձ եւ ոչ իմիք ժուժկալէ՝՝։

ԵՐԿՐՈՐԴՈՒՄՆ ՕՐԻՆԱՑ 25:5

Եւ եթէ բնակեսցեն եղբարք ի միասին, եւ մեռանիցի մի ոք ի նոցանէ, եւ զաւակ ոչ իցէ նորա, մի՛ լինիցի կին մեռելոյն արտաքոյ առն ումեք որ մերձաւոր չիցէ նորա՝՝. այլ եղբայր առն իւրոյ մտցէ առ նա, եւ առցէ զնա իւր կնութեան, եւ բնակեսցէ ընդ նմա՝՝.

ԵՐԿՐՈՐԴՈՒՄՆ ՕՐԻՆԱՑ 25:6

եւ եղիցի մանուկն որ ծնանիցի՝ հաստատեալ յանուն վախճանելոյն. եւ մի՛ ջնջեսցի անուն նորա յԻսրայելէ։

ԱՌ ՏԻՏՈՍ ԹՈՒՂԹ 3:3

Զի էաք երբեմն եւ մեք անմիտք, անհաւանք, մոլորեալք, ծառայէաք ցանկութեանց եւ պէսպէս անառակութեանց. չարութեամբ եւ նախանձու շրջէաք, ատեցեալք՝ եւ զմիմեանս ատէաք։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:14

Ապա եթէ նախանձ եւ դառնութիւն եւ հակառակութիւն ունիցիք ի սիրտս ձեր, մի՛ պարծիք սուտ առնել զճշմարտութիւնն։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:16

Զի ուր հեռ եւ նախանձ, անդ է անկարգութիւն եւ ամենայն իրք չարք։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:5

Կամ թէ վայրապա՞ր համարիցիք զոր ասէ Գիրն. Առ նախանձ ինչ որում փափաքէ հոգին՝՝ որ բնակեաց ի մեզ.

ՀՌՈՒԹ 1:11

Եւ ասէ Նոոմին. Դարձարուք, դստերք իմ. ընդէ՞ր գայցէք ընդ իս. միթէ դարձեալ որդի՞ք իցեն յորովայնի իմում, եւ լինիցին ձեզ յա՞րս։

ՀՌՈՒԹ 4:10

Նա եւ զՀռութ Մովաբացի զկին Մաալոնայ ստացայ ինձ կնութեան, կանգնել զանուն մեռելոյն ի ժառանգութեան իւրում. եւ մի՛ ջնջեսցի անուն մեռելոյն յեղբարց իւրոց եւ ի ցեղէ տեղւոյ իւրոյ. եւ վկայք դուք էք այսօր։