ԾՆՈՒՆԴՔ 37:25 - Գրաբար Աստվածաշունչ (1895)

²⁵ Եւ նստան ուտել հաց. զաչս ի վեր բարձեալ տեսին, եւ ահա ճանապարհորդք Իսմայելացիք գային ի Գաղաադէ, եւ ուղտք նոցա լի էին խնկովք, ստաշխամբ եւ ռետնիւ, եւ երթային իջուցանել յԵգիպտոս։

ԾՆՈՒՆԴՔ 37:25 ပူးပေါင်းရင်းမြစ်များ

ԾՆՈՒՆԴՔ 31:21

Եւ գնաց ինքն եւ ամենայն որ ինչ իւր էր, եւ յարուցեալ անց ընդ Գետ եւ դիմեաց ի լեառն Գաղաադու։

ԾՆՈՒՆԴՔ 31:23

Եւ առեալ զեղբարս իւր ընդ իւր, պնդեցաւ զկնի նորա ճանապարհ զեւթն աւուր, եւ եհաս նմա ի լերինն Գաղաադու։

ԾՆՈՒՆԴՔ 37:24

Եւ առին ընկեցին զնա ի գուբն. եւ գուբն ունայն էր, եւ ջուր ոչ գոյր ի նմա։

ԾՆՈՒՆԴՔ 37:28

Եւ անցանէին արք Մադիանացիք, վաճառականք, եւ ձգեցին հանին զՅովսէփ ի գբոյ անտի, եւ վաճառեցին զՅովսէփ Իսմայելացւոցն քսան դահեկանի. եւ իջուցին զՅովսէփ յԵգիպտոս։

ԾՆՈՒՆԴՔ 37:36

Իսկ Միադիանացիքն վաճառեցին զՅովսէփ յԵգիպտոս Պետափրեայ ներքինւոյ դահճապետի փարաւոնի։

ԾՆՈՒՆԴՔ 39:1

Եւ զՅովսէփ իջուցին յԵգիպտոս, եւ գնեաց զնա Պետափրէս ներքինի փարաւոնի, դահճապետ, այր Եգիպտացի, ի ձեռաց Իսմայելացւոցն որք իջուցին զնա անդր։

ԾՆՈՒՆԴՔ 43:11

Ասէ ցնոսա Իսրայէլ հայրն իւրեանց. Այդպէս իցէ, արարէք զայդ. առէք ի պտղոյ երկրիս յամանս ձեր, եւ տարայք առնն պատարագս, ռետին եւ մեղր եւ խունկս եւ ստաշխն եւ բեւեկն եւ ընկոյզ։

ԳԻՐՔ ՍԱՂՄՈՍԱՑ 14:4

Արհամարհեալ է առաջի նորա չարագործն, զերկիւղածս Տեառն փառաւոր առնէ, երդնու ընկերի իւրում՝՝ եւ ոչ ստէ։

ԳԻՐՔ ՍԱՂՄՈՍԱՑ 83:6

Երանեալ է այր որոյ օգնութիւն իւր ի քէն է, ելս եդ ի մտի իւրում.

ԱՌԱԿՔ ՍՈՂՈՄՈՆԻ 30:20

նոյնպիսի է եւ ճանապարհ կնոջ շնացողի. զի յորժամ գործէ ինչ՝ լուանայ եւ ասէ. Իմ չիք ինչ գործեալ՝՝։

Երգ Երգոց 5:1

Մտի ի պարտէզ իմ, քոյր իմ հարսն, կթեցի զմուռս իմ հանդերձ խնկովք իմովք. կերայ զհաց իմ մեղու իմով, արբի զգինի իմ կաթամբ իմով։ Կերայք, մերձաւորք իմ, եւ արբէք, եւ արբեցարուք, եղբօրորդիք իմ՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 22:6

Զի այսպէս ասէ Տէր ի վերայ տան թագաւորիդ Յուդայ. Գաղաադ դու ես ինձ, գլուխ Լիբանանու. եթէ ոչ եդից զքեզ յաւերակ եւ ի քաղաքս չբնակեալս։

ՄԱՐԳԱՐԷՈՒԹԻՒՆ ԵՐԵՄԵԱՅ 46:11

Ել ի Գաղաադ, եւ առ դեղ ռետին՝ կուսի դստերն՝՝ Եգիպտացւոց. ի զուր յաճախեցեր զբժշկութիւնս քո, եւ օգուտ չիք ուստեք քեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 8:22

Միթէ դեղ ո՞չ գուցէ ի Գաղաադ, կամ բժիշկ ո՞չ կայցէ անդ. ընդէ՞ր ոչ եղեւ բժշկութիւն դստեր ժողովրդեան իմոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:18

դէմ յանդիման՝՝ արեւելից ի մէջ Աւրանացւոյն եւ ի մէջ Դամասկոսի, ի մէջ Գաղաադացւոյն եւ ի մէջ երկրին Իսրայելի, Յորդանան մեկնէ ընդ ծովակողմ արեւելից ընդ արմաւաստանն՝՝. այս ընդ արեւելս։

ՄԱՐԳԱՐԷՈՒԹԻՒՆ ԱՄՈՎՍԱՅ 6:4

որ ննջէքդ ի գահոյս փղոսկրեայս, եւ փափկանայք յանկողինս ձեր, եւ ուտէք ուլս ի հօտից եւ որթս դիեցիկս յանդւոց.

ՄԱՐԳԱՐԷՈՒԹԻՒՆ ԱՄՈՎՍԱՅ 6:6

եւ ըմպէք պարզեալ՝՝ գինի, եւ անոյշ իւղով օծանիք. եւ ոչ ցաւէ ձեզ վասն բեկմանն Յովսեփու։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:11

եւ զԳաղաադայինն եւ զսահմանս Գեսուրայ եւ զՄաքաթեայ, եւ զամենայն լեառնն Հերմոն, եւ զամենայն Բասանաստան մինչեւ ցՍելքա.