ԾՆՈՒՆԴՔ 35:26 - Գրաբար Աստվածաշունչ (1895)

²⁶ Եւ որդիք Զելփայ նաժշտին Լիայ՝ Գադ եւ Ասեր։ Այս են որդիք Յակոբայ, որ եղեն նմա ի Միջագետս Ասորւոց։

ԾՆՈՒՆԴՔ 35:26 ပူးပေါင်းရင်းမြစ်များ

ԾՆՈՒՆԴՔ 25:20

Եւ էր Իսահակ ամաց քառասնից յորժամ առ զՌեբեկա զդուստր Բաթուելի Ասորւոյ, որ էր ի Միջագետաց Ասորւոց, զքոյր Լաբանու Ասորւոյ իւր ի կնութեան։

ԾՆՈՒՆԴՔ 28:2

Այլ արի գնա ի Միջագետս Ասորւոց, ի տուն Բաթուելի հօր մօր քոյ, եւ առ անտի քեզ կին ի դստերաց Լաբանու եղբօր մօր քո։

ԾՆՈՒՆԴՔ 29:24

Եւ ետ Լաբան զԶելփա զաղախին իւր նաժիշտ դստեր իւրում Լիայ։

ԾՆՈՒՆԴՔ 31:18

Եւ խաղացոյց զամենայն ինչս իւր եւ զամենայն ստացուածս իւր զոր արար ի Միջագետս Ասորւոց, երթալ առ Իսահակ հայր իւր յերկիրն Քանանացւոց։

ԾՆՈՒՆԴՔ 35:18

Եւ եղեւ ընդ հանել ոգւոցն, քանզի մեռաւ, կոչեաց զանուն նորա Որդի վշտաց իմոց. եւ հայրն կոչեաց զնա Բենիամին։

ԾՆՈՒՆԴՔ 37:2

Եւ այս են ծնունդք Յակոբայ. Յովսէփ եւթնեւտասնամեայ էր մինչ արածէր եղբարբքն հանդերձ խաշինս. եւ էր կրտսեր ընդ որդիսն Բալլայ եւ ընդ որդիսն Զելփայ կանանց հօր իւրոյ. եւ բերէին համբաւ չար զՅովսեփայ առ Իսրայէլ հայրն իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:24

Եւ ետ Մովսէս որդւոցն Գադայ ըստ տոհմից իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:24

Եւ ել վիճակն հինգերորդ ցեղի որդւոցն Ասերայ ըստ տոհմից իւրեանց։