ԾՆՈՒՆԴՔ 34:2 - Գրաբար Աստվածաշունչ (1895)

² Եւ ետես զնա Սիւքեմ որդի Եմովրայ Քոռեցի, որ իշխանն էր երկրին, եւ առ զնա, եւ ննջեաց ընդ նմա, եւ տառապեցոյց զնա։

ԾՆՈՒՆԴՔ 34:2 ပူးပေါင်းရင်းမြစ်များ

ԾՆՈՒՆԴՔ 10:17

Եւ զԽեւացին եւ զԱրուակացին եւ զԱմինացին

ԾՆՈՒՆԴՔ 20:2

Եւ ասաց Աբրահամ վասն Սառայի կնոջն իւրոյ թէ Քոյր իմ է. եւ առաքեաց Աբիմելէք արքայ Գերարացւոց, եւ առ զՍառա։

ԾՆՈՒՆԴՔ 33:19

Եւ ստացաւ զվիճակ անդին ուր եհար զխորան իւր՝ յԵմովրայ հօրէ Սիւքեմայ հարեւր ոչխարի։

ԾՆՈՒՆԴՔ 34:27

Եւ որդիքն Յակոբայ մտին ի վերայ վիրաւորացն, եւ առին աւար զքաղաքն, յորում պղծեցին զԴինա զքոյրն նոցա։

ԾՆՈՒՆԴՔ 34:3

Եւ ուշ եդեալ Դինայի դստերն Յակոբայ՝ սիրեաց զկոյսն, եւ խօսեցաւ ըստ մտաց կուսին։

ԾՆՈՒՆԴՔ 34:30

Եւ ասէ Յակոբ ցՇմաւոն եւ ցՂեւի. Ատելի արարէք զիս, երեւել անզգամ ամենայն՝՝ բնակչաց երկրիս ի մէջ Քանանացւոց եւ Փերեզացւոց. եւ ես սակաւաւոր եմ թուով, արդ եթէ ժողովիցին ի վերայ իմ եւ հարկանիցեն զիս, սատակելով սատակիցիմ ե՛ւ ես ե՛ւ տուն իմ։

ԾՆՈՒՆԴՔ 6:2

Տեսեալ որդւոցն Աստուծոյ զդստերս մարդկան զի գեղեցիկ էին, առին իւրեանց կանայս յամենեցունց զոր ընտրեցին։

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:2

Եւ եղեւ ընդ երեկս եւ յարեաւ Դաւիթ յանկողնէ իւրմէ, եւ զգնայր ի վերայ տանեաց տան թագաւորին. եւ ետես ի տանեացն կին մի լուացեալ, եւ կինն գեղեցիկ տեսլեամբ յոյժ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:4

Եւ առաքեաց Դաւիթ հրեշտակս եւ առ զնա, եւ եմուտ առ նա եւ ննջեաց ընդ նմա. եւ նա էր սրբեալ ի դաշտանէ իւրմէ. եւ դարձաւ ի տուն իւր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:14

Եւ ոչ կամեցաւ Ամոն լսել ձայնի նորա. եւ բռնահարեաց եւ բռնադատեաց զնա, եւ տառապեցոյց զնա եւ ննջեաց ընդ նմա։

ԳԻՐՔ ՅՈԲԱՅ 31:1

Ուխտ եդի ընդ աչս իմ եւ ոչ հայեցաւ ի կոյս։

ԳԻՐՔ ՅՈԲԱՅ 31:9

Եթէ գնաց սիրտ իմ զհետ կնոջ առն այլոյ, եթէ դարանակալ եղէ առ դրունս տան նորա,

ԱՌԱԿՔ ՍՈՂՈՄՈՆԻ 13:20

Որ գնայ ընդ իմաստունս՝ իմաստուն եղիցի, եւ որ թարթափի ընդ անզգամս՝ յայտնի եղիցի՝՝։

Մատթեոսի Աւետարան 5:28

Բայց ես ասեմ ձեզ թէ՝ Ամենայն որ հայի ի կին մարդ առ ի ցանկանալոյ նմա՝ անդէն շնացաւ ընդ նմա ի սրտի իւրում։

ԵՐԿՐՈՐԴՈՒՄՆ ՕՐԻՆԱՑ 21:14

Եւ եղիցի եթէ ոչ հաճեսցիս ընդ նա, արձակեսցես զնա ազատ. եւ վաճառելով մի՛ վաճառեսցես զնա արծաթոյ, եւ մի՛ անարգեսցես զնա, քանզի լլկեցեր զնա։

ԵՐԿՐՈՐԴՈՒՄՆ ՕՐԻՆԱՑ 22:24

հանջիք զերկոսին ի դուռն քաղաքին իւրեանց, եւ քարկոծեսցեն զնոսա քարամբք եւ մեռցին. զաղջիկն՝ զի ոչ բողոքեաց ի քաղաքին, եւ զայրն որ լլկեաց զկին ընկերի իւրոյ. եւ բարձջիք զչարն ի միջոյ ձերմէ։

ԵՐԿՐՈՐԴՈՒՄՆ ՕՐԻՆԱՑ 22:29

տացէ այրն որ ննջեաց ընդ նմա՝ հօր աղջկանն յիսուն երկդրամեան արծաթոյ, եւ նորա լիցի կին. եւ մի՛ իշխեսցէ արձակել զնա զամենայն ժամանակս իւր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:7

Եւ ասեն որդիքն Իսրայելի ցՔոռացին. Տես՝ գուցէ՝՝ առ իս բնակեալ իցես, եւ զիա՞րդ դնեմք ընդ քեզ ուխտ։

ԴԱՏԱՒՈՐՔ 14:1

Եւ էջ Սամփսոն ի Թամնաթա, եւ ետես կին մի ի Թամնաթա ի դստերացն այլազգեաց, եւ հաճոյ թուեցաւ առաջի նորա.՝՝

ԴԱՏԱՒՈՐՔ 9:28

Եւ ասէ Գաաղ որդի Աբեդդայ. Ո՞ է Աբիմելէք, եւ ո՞ է որդին Սիքեմայ՝՝ զի ծառայեմք նմա. ո՞չ նա է որդի Յերոբաաղայ, եւ Զեբուղ ծառայ իւր՝՝ ոստիկան նորա, հանդերձ արամբք՝՝ Եմովրայ հօր Սիքեմայ. եւ զի՞ է զի ծառայիցեմք նմա։