ԾՆՈՒՆԴՔ 31:35 - Գրաբար Աստվածաշունչ (1895)

³⁵ Եւ նա ասէ ցհայր իւր. Մի՛ ինչ ծանր թուեսցի քեզ, տէր. ոչ կարեմ յոտն յառնել առաջի քո, քանզի ի կանանց օրէնս եմ։ Եւ յուզեաց Լաբան զամենայն զտունն՝՝ եւ ոչ եգիտ զկուռսն։

ԾՆՈՒՆԴՔ 31:35 ပူးပေါင်းရင်းမြစ်များ

ՂԵՒՏԱԿԱՆ 19:32

Առաջի ալեաց յառնիցես, եւ պատուեսցես զերեսս ծերոյն, եւ երկնչիցիս յԱստուծոյ քումմէ. ես եմ Տէր Աստուած քո՝՝։

ԵԼՔ 20:12

Պատուեա զհայր քո եւ զմայր քո զի քեզ բարի լիցի, եւ՝՝ զի երկայնակեաց լինիցիս ի վերայ երկրին բարութեան զոր Տէր Աստուած քո տացէ քեզ։

ՊԵՏՐՈՍԻ ԱՌԱՋԻՆ՝՝ 3:6

Որպէս եւ Սառա զի հնազանդ էր Աբրահամու, եւ տէր իւր կոչէր զնա, որոյ եղերուքն դուք որդիք, բարեգործք էին եւ ոչ կասկածէին՝՝ եւ ոչ ի միոջէ ինչ երկիւղէ։

ՊԵՏՐՈՍԻ ԱՌԱՋԻՆ՝՝ 2:18

Ծառայք հնազանդ լինել յամենայնի երկիւղիւ տերանց, ոչ միայն բարերարացն եւ հեզոցն, այլ եւ կամակորացն։

ԱՌ ԵՓԵՍԱՑԻՍ ԹՈՒՂԹ 6:1

Որդիք, հնազանդ լերուք ծնողաց ձերոց ի Տէր, զի այն է արժանն։

ԹԱԳԱՒՈՐՈՒԹԵԱՆՑ ԵՐՐՈՐԴ 2:19

Եւ եմուտ Բերսաբէէ առ արքայ Սողոմոն խօսել ընդ նմա վասն Ադոնիայ. եւ յոտն եկաց արքայ ընդ առաջ նորա, եւ համբուրեաց զնա՝՝. եւ նստաւ յաթոռ իւրում, եւ եդաւ աթոռ մօրն արքայի, եւ նստաւ ընդ աջմէ նորա.

ՂԵՒՏԱԿԱՆ 19:3

Իւրաքանչիւր ի հօրէ եւ ի մօրէ՝՝ իւրմէ երկնչիջիք. եւ զշաբաթս իմ պահեսջիք. զի ես եմ Տէր Աստուած ձեր։

ՂԵՒՏԱԿԱՆ 15:19

Եւ կին որոյ բղխիցէ արիւն, եւ լինիցի բղխումն արեան՝՝ նորա ի մարմնի իւրում, զեւթն օր եղիցի ի դաշտանի իւրում. ամենայն որ հարկանիցի ընդ նա, պիղծ լիցի մինչեւ ցերեկոյ։

ԾՆՈՒՆԴՔ 31:19

Եւ Լաբան երթեալ էր ի կտուրս խաշանց իւրոց. եւ գողացաւ Ռաքէլ զկուռս հօր իւրոյ։

ԾՆՈՒՆԴՔ 31:34

Իսկ Ռաքելի առեալ զկուռսն եդ ընդ ուղտու պատատաւ, եւ նստաւ ի վերայ նոցա. եւ յուզեաց Լաբան զամենայն տաղաւարն եւ ոչ եգիտ։

ԾՆՈՒՆԴՔ 31:36

Բարկացաւ Յակոբ եւ կագէր ընդ Լաբանու. պատասխանի ետ Յակոբ եւ ասէ ցԼաբան. Զի՞նչ վնաս է իմ, կամ զի՞նչ յանցանք են իմ, զի պնդեցար զհետ իմ։