ԾՆՈՒՆԴՔ 30:20 - Գրաբար Աստվածաշունչ (1895)

²⁰ Եւ ասէ Լիա. Պարգեւեաց ինձ Աստուած պարգեւ բարի. յայսմ հետէ սիրեսցէ զիս՝՝ այր իմ, զի ծնայ նմա որդիս վեց։ Եւ կոչեաց զանուն նորա Զաբողոն։

ԾՆՈՒՆԴՔ 30:20 ပူးပေါင်းရင်းမြစ်များ

ԾՆՈՒՆԴՔ 29:34

Եւ յղացաւ եւ ծնաւ որդի, եւ ասէ. Արդ առ իս եղիցի այր իմ, զի ծնայ նմա երիս որդիս. վասն այսորիկ կոչեաց զանուն նորա Ղեւի։

ԾՆՈՒՆԴՔ 30:15

Եւ ասէ Լիա. Ո՞չ իցէ քեզ շատ զի առեր զայրն իմ, միթէ եւ զմանրագո՞րս որդւոյ իմոյ առնուցուս։ Եւ ասէ Ռաքէլ. Ոչ այդպէս է՝՝ ննջեսցէ ընդ քեզ զայս գիշեր փոխանակ մանրագորաց որդւոյ քո։

ԾՆՈՒՆԴՔ 30:19

Եւ յղացաւ միւսանգամ Լիա, եւ ծնաւ որդի վեցերորդ՝ Յակոբայ։

ԾՆՈՒՆԴՔ 30:21

Եւ յետ այնորիկ ծնաւ դուստր, եւ կոչեաց զանուն նորա Դինա։

ԾՆՈՒՆԴՔ 34:12

Յաճախեցէք յոյժ զվարձանս եւ զօժիտս, եւ տաց՝ որչափ եւ ասիցէք. եւ տուք ինձ զաղջիկն զայն կնութեան։

ԾՆՈՒՆԴՔ 35:23

Որդիք Լիայ, անդրանիկ Յակոբայ՝ Ռուբէն, Շմաւոն, Ղեւի, Յուդա, Իսաքար, Զաբուղոն։

ԾՆՈՒՆԴՔ 46:14

Եւ որդիք Զաբուղոնի՝ Սերեդ եւ Ալլոն եւ Էէլ։

ԾՆՈՒՆԴՔ 49:13

Զաբուղոն յեզերս ծովու բնակեսցէ, եւ ինքն նաւահանգիստ նաւաց, եւ ձգեսցի մինչեւ ի Սիդոն։

ԳԻՐՔ ՍԱՂՄՈՍԱՑ 68:27

Զի զոր դուն հարեր՝ հալածեցին, եւ ի վէրս ցաւոց իմոց յաւելին։

ԵԼՔ 22:17

Եւ եթէ ոչ առնուցու յանձն հայր նորա տալ զնա նմա կնութեան, տուժեսցի արծաթ հօր նորա՝՝ որպէս իցեն վարձանք կուսից։

Մատթեոսի Աւետարան 4:13

եւ թողեալ զՆազարէթ՝ եկն բնակեցաւ ի Կափառնայում ի ծովեզերին, ի սահմանս Զաբուղոնի եւ Նեփթաղիմայ.

ԵՐԿՐՈՐԴՈՒՄՆ ՕՐԻՆԱՑ 27:13

եւ սոքա կացցեն ի վերայ անիծիցն ի լերինն Գեբաղ. Ռուբէն, Գադ, Ասեր, Զաբուղոն, Դան եւ Նեփթաղին։

ԴԱՏԱՒՈՐՔ 4:10

Եւ պատուէր ետ Բարակ Զաբուղոնի եւ Նեփթաղիմի՝՝ ի Կադէս. եւ ելին զհետ նորա տասն հազար արանց. ել ընդ նմա եւ Դեբովրա։

ԴԱՏԱՒՈՐՔ 5:14

Ժողովուրդ Եփրեմայ պատժեաց զնոսա ի հովիտսն. եղբայր քո Բենիամին՝ քոյին ժողովուրդ. յինէն ի Մաքիր իջին խուզարկուք, եւ ի Զաբուղոնէ զօրացուցիչք՝ գաւազանաւ պատմութեան դպրի։

ԹԱԳԱՒՈՐՈՒԹԵԱՆՑ ԱՌԱՋԻՆ 18:25

Եւ ասէ Սաւուղ. Այսպէս ասասջիք ցԴաւիթ, եթէ՝ Ոչ կամի արքայ վարձանս, այլ հարեւր անթլփատութիւն այլազգեաց, առնուլ վրէժ ի թշնամեաց արքայի։ Եւ Սաւուղ խորհէր արկանել զնա ի ձեռս այլազգեացն։