ԾՆՈՒՆԴՔ 29:18 - Գրաբար Աստվածաշունչ (1895)

¹⁸ Եւ սիրեաց Յակոբ զՌաքէլ. եւ ասէ. Ծառայեցից քեզ եւթն ամ վասն Ռաքելայ դստեր քո կրտսերոյ։

ԾՆՈՒՆԴՔ 29:18 ပူးပေါင်းရင်းမြစ်များ

ԾՆՈՒՆԴՔ 24:67

Եւ եմուտ Իսահակ ի տուն Սառայի մօր իւրոյ, եւ առ զՌեբեկա եւ եղեւ նորա կին. եւ սիրեաց զնա, եւ մխիթարեցաւ Իսահակ վասն Սառայի մօր իւրոյ։

ԾՆՈՒՆԴՔ 29:19

Եւ ասէ ցնա Լաբան. Լաւ իցէ՝ քեզ տալ զնա քան տալ զնա առն օտարի. բնակեա դու ընդ իս։

ԾՆՈՒՆԴՔ 29:20

Եւ ծառայեաց Յակոբ վասն Ռաքելայ ամս եւթն. եւ էին յաչս նորա իբրեւ աւուրք սակաւք, քանզի սիրէր զնա։

ԾՆՈՒՆԴՔ 29:30

Եւ եմուտ առ Ռաքէլ, եւ սիրեաց զՌաքէլ քան զԼիա. եւ ծառայեաց նմա այլ եւս եւթն ամ։

ԾՆՈՒՆԴՔ 30:26

Եւ տուր զկանայս եւ զմանկունս իմ, վասն որոց ծառայեցի քեզ, զի գնացից. զի դու ինքնին իսկ գիտես զծառայութիւնն զոր ծառայեցի քեզ։

ԾՆՈՒՆԴՔ 31:41

Այս քսան ամ է ի տան քում էի. զչորեքտասան ամ փոխանակ դստերաց քոց վաստակեցի, եւ զվեց ամ ի խաշինս քո, եւ խաբեցեր զիս ի վարձս տասն բծացս՝՝։

ԾՆՈՒՆԴՔ 34:12

Յաճախեցէք յոյժ զվարձանս եւ զօժիտս, եւ տաց՝ որչափ եւ ասիցէք. եւ տուք ինձ զաղջիկն զայն կնութեան։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:14

Եւ առաքեաց Դաւիթ առ Յեբուսթէ որդի Սաւուղայ հրեշտակս եւ ասէ. Տուր ցիս զկին իմ զՄեղքող, զոր առի ես ընդ հարեւր անթլփատութեանց այլազգեացն։

ՄԱՐԳԱՐԷՈՒԹԻՒՆ ՈՎՍԵԱՅ 12:12

Եւ գնաց Յակոբ ի դաշտն Ասորւոց եւ ծառայեաց Իսրայէլ վասն կնոջ, եւ ի ձեռն կնոջ զգուշացաւ՝՝։

ՄԱՐԳԱՐԷՈՒԹԻՒՆ ՈՎՍԵԱՅ 3:2

Եւ վարձեցայ ես ինձ հնգետասան արծաթոյ եւ քոռի միոջ գարւոյ եւ մարու միոջ գինւոյ՝՝.