ԾՆՈՒՆԴՔ 28:19 - Գրաբար Աստվածաշունչ (1895)

¹⁹ Եւ կոչեաց Յակոբ զանուն տեղւոյն այնորիկ Տուն Աստուծոյ՝՝. եւ յառաջ անուն էր քաղաքին այնորիկ Լուզա։

ԾՆՈՒՆԴՔ 28:19 ပူးပေါင်းရင်းမြစ်များ

ԾՆՈՒՆԴՔ 12:8

Եւ մեկնեցաւ անտի ի լեառնն ընդ արեւելս ի Բեթէլ. եւ եհար անդ զխորան իւր ի Բեթէլ, յանդիման ծովուն եւ Անգէի ընդ արեւելս՝՝. եւ շինեաց անդ սեղան Տեառն, եւ կոչեաց յանուն Տեառն։

ԾՆՈՒՆԴՔ 28:11

Եւ եհաս ի տեղի մի եւ ննջեաց անդ, քանզի արեւն ի մուտս էր. եւ առ ի քարանց տեղւոյն եւ եդ ընդ սնարս իւր, եւ ննջեաց ի տեղւոջն յայնմ։

ԾՆՈՒՆԴՔ 31:13

Ես եմ Աստուած որ երեւեցայ քեզ ի տեղւոջն Աստուծոյ՝՝. ուր օծեր ինձ զարձանն, եւ եդիր ուխտս. եւ արդ արի ել յերկրէս յայսմանէ, եւ երթ յերկիր ծննդեան քո, եւ եղէց ընդ քեզ։

ԾՆՈՒՆԴՔ 35:1

Եւ ասէ Աստուած ցՅակոբ. Արի ել ի տեղին ի Բեթէլ, եւ անդ բնակեսցես, եւ արասցես անդ սեղան Աստուծոյ որ երեւեցաւն քեզ ի փախչելն քո յերեսաց Եսաւայ եղբօր քո։

ԾՆՈՒՆԴՔ 35:14

Եւ կանգնեաց Յակոբ արձան ի տեղւոջն ուր խօսեցաւ ընդ նմա, արձան քարեղէն, եւ նուիրեաց ի նմա նուէրս, եւ արկ ի վերայ նորա եւղ։

ԾՆՈՒՆԴՔ 35:15

Եւ կոչեաց զանուն տեղւոյն ուր խօսեցաւ ընդ նմա Աստուած՝ Բեթէլ։

ԾՆՈՒՆԴՔ 35:6

Եւ եկն Յակոբ ի Լուզ, որ է յերկրին Քանանացւոց, այն ինքն է Բեթէլ, ինքն եւ ամենայն ժողովուրդն որ ընդ նմա։

ԾՆՈՒՆԴՔ 35:7

Եւ շինեաց անդ սեղան, եւ կոչեաց զանուն տեղւոյն Բեթէլ. զի անդ երեւեցաւ նմա Աստուած ի փախչել նորա յերեսաց Եսաւայ եղբօր իւրոյ։

ԾՆՈՒՆԴՔ 48:3

Եւ ասէ Յակոբ ցՅովսէփ. Աստուած իմ երեւեցաւ ինձ ի Լուզ, յերկրին Քանանացւոց. օրհնեաց զիս.

ԹԱԳԱՒՈՐՈՒԹԵԱՆՑ ԵՐՐՈՐԴ 12:29

Եւ եդ զմին ի Բեթէլ եւ զմեւսն ի Դան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 2:2

Եւ ասէ Եղիա ցԵղիսէ. Նիստ դու աստ, զի Տէր առաքեաց զիս ի Բեթէլ։ Եւ ասէ Եղիսէ. Կենդանի է Տէր եւ կենդանի է անձն քո՝ եթէ թողից զքեզ։ Եւ եկին ի Բեթէլ։

ՄՆԱՑՈՐԴԱՑ ԵՐԿՐՈՐԴ 13:19

Եւ հալածեաց Աբիա զՅերոբովամ, եւ ա՛ռ ի նմանէ քաղաքս, զԲեթէլ եւ զգեղս նորա, եւ զԱնա եւ զգեղս նորա, եւ զԵփրոն եւ զդստերս նորա, եւ զԲեա եւ զգեղս նորա՝՝։

ՄԱՐԳԱՐԷՈՒԹԻՒՆ ՈՎՍԵԱՅ 4:15

Բայց դու, Իսրայէլ, մի՛ տգէտ լինիր, եւ Յուդա,՝՝ մի՛ մտանէք ի Գաղգաղա, եւ մի՛ ելանէք ի տուն Ովնայ, եւ մի՛ երդնուցուք ի Տէր կենդանի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:2

եւ ելանեն ի Բեթէղղուզայ եւ անցանեն առ սահմանօքն Արքիատարովթայ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:13

եւ անցցեն անտի սահմանքն Լուզայ, ի թիկանց Լուզայ ի հարաւոյ կողմանէ, այն է Բեթէլ. եւ իջցեն սահմանքն ցԱտարովթ Ադարայ ի լեռնակողմն, որ է ի հարաւոյ Բեթորոնայ ներքնոյ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:12

Եւ ա՛ռ հինգ հազար արանց եւ եմոյծ զնոսա ի դարան ընդ Բեթաւն եւ ընդ ծովն Գայեայ՝՝։

ԴԱՏԱՒՈՐՔ 20:26

Եւ ելին ամենայն որդիքն Իսրայելի եւ ամենայն ժողովուրդն եւ եկին ի Բեթէլ. եւ նստան լացին առաջի Տեառն, եւ պահեցին յաւուր յայնմիկ, եւ մատուցին ողջակէզս փրկութեան առաջի Տեառն.

ԹԱԳԱՒՈՐՈՒԹԵԱՆՑ ԱՌԱՋԻՆ 10:3

Եւ երթիցես անտի եւս անդր, եւ հասցես մինչեւ ի կաղնին Դեբովրայ, եւ գտցես անդ երիս արս որ ելանիցեն առ Աստուած ի Բեթէլ. միոյն բարձեալ ուլս երիս, եւ միոյն բարձեալ երիս ամանս հացի, եւ միոյն բարձեալ տիկ մի գինւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 7:16

Երթայր ամ յամէ, եւ պատէր զԲեթէլ եւ զԳաղաադ եւ զՄասփա, եւ դատէր զԻսրայէլ յամենայն սրբեալսն յայնոսիկ։