ԾՆՈՒՆԴՔ 27:41 - Գրաբար Աստվածաշունչ (1895)

⁴¹ Եւ պահէր Եսաւ ոխս Յակոբայ վասն օրհնութեանն զոր օրհնեաց զնա հայր իւր. եւ ասէր Եսաւ ի մտի իւրում. Մերձեսցին աւուրք կարեաց հօր իմոյ, զի սպանից զՅակոբ զեղբայր իմ։

ԾՆՈՒՆԴՔ 27:41 ပူးပေါင်းရင်းမြစ်များ

ԾՆՈՒՆԴՔ 27:42

Ազդ եղեւ Ռեբեկայ բանքն Եսաւայ որդւոյ իւրոյ երիցու. եւ յղեաց կոչեաց զորդի իւր զկրտսեր զՅակոբ եւ ասէ ցնա. Ահա Եսաւ եղբայր քո սպառնայ սպանանել զքեզ։

ԾՆՈՒՆԴՔ 32:11

Եւ ապրեցո զիս ի ձեռաց եղբօր իմոյ Եսաւայ. զի զահի հարեալ եմ ես ի նմանէ, գուցէ եկեալ հարկանիցէ զիս, մայր առ մանկան։

ԾՆՈՒՆԴՔ 32:3

Եւ առաքեաց Յակոբ հրեշտակս յառաջ քան զինքն առ Եսաւ եղբայր իւր յերկիրն ի Սէիր, յաշխարհն Եդովմայ։

ԾՆՈՒՆԴՔ 32:6

Եւ դարձեալ հրեշտակացն առ Յակոբ՝ ասեն. Չոգաք առ Եսաւ եղբայր քո, եւ գայ ընդ առաջ քո, եւ չորեք հարեւր այր ընդ նմա։

ԾՆՈՒՆԴՔ 35:29

Եւ պակասեալ Իսահակայ մեռաւ, եւ յաւելաւ յազգ իւր, ծերացեալ եւ լի աւուրբք. եւ թաղեցին զնա Եսաւ եւ Յակոբ որդիք իւր։

ԾՆՈՒՆԴՔ 37:18

Տեսին զնա եղբարքն յառաջագոյն՝՝ ի հեռաստանէ՝ մինչչեւ մօտ եկեալ էր առ նոսա, խորհուրդ վատ ի մէջ առին սպանանել զնա։

ԾՆՈՒՆԴՔ 37:4

Իբրեւ տեսին եղբարքն նորա թէ սիրէ զնա հայրն քան զամենայն որդիս իւր, ատեցին զնա, եւ ոչ կարէին խօսել ինչ ընդ նմա խաղաղութեամբ։

ԾՆՈՒՆԴՔ 37:8

Եւ ասեն ցնա եղբարքն իւր. Միթէ թագաւորելո՞վ թագաւորեսցես ի վերայ մեր, կամ տիրելո՞վ տիրեսցես մեզ։ Եւ յաւելին եւս ատել զնա վասն երազոցն նորա եւ վասն բանիցն նորա։

ԾՆՈՒՆԴՔ 50:15

Իբրեւ տեսին եղբարքն Յովսեփայ եթէ մեռաւ հայրն նոցա, ասեն. Գուցէ ոխս ունիցի ընդ մեզ Յովսէփ, եւ հատուցանիցէ մեզ հատուցումն զամենայն չարեացն զոր անցուցաք ընդ նա։

ԾՆՈՒՆԴՔ 50:2

Եւ հրաման ետ Յովսէփ ծառայից իւրոց դիազարդաց պատել զհայրն իւր. եւ պատեցին դիապատիկքն զԻսրայէլ։

ՄՆԱՑՈՐԴԱՑ ԵՐԿՐՈՐԴ 35:24

Եւ հանին զնա ծառայքն նորա ի կառացն իւրոց, եւ եդին զնա ի կառսն յերկրորդս՝ որ էր նորա, եւ տարան զնա յԵրուսաղէմ. եւ մեռաւ եւ թաղեցաւ ընդ հարս իւր. եւ ամենայն Յուդաս եւ Երուսաղէմ սուգ առին ի վերայ Յովսեայ։

ԳԻՐՔ ՍԱՂՄՈՍԱՑ 142:3

Հալածեաց թշնամին զանձն իմ, խոնարհ արար յերկիր զկեանս իմ. եւ նստոյց զիս ի խաւարի որպէս մեռեալ յաւիտենից։

ԳԻՐՔ ՍԱՂՄՈՍԱՑ 37:16

Ես ի քեզ, Տէր, յուսացայ, եւ դու լուիցես ինձ, Տէր Աստուած իմ։

ԱՌԱԿՔ ՍՈՂՈՄՈՆԻ 1:16

Զի ոտք նոցա ի չարիս ընթանան, եւ երագունք են ի հեղուլ զարիւն։

ԱՌԱԿՔ ՍՈՂՈՄՈՆԻ 18:19

Եղբայր յեղբօրէ օգնեալ՝ իբրեւ զքաղաք ամուր, եւ զօրացեալ բարձրացեալ իբրեւ զթագաւորութիւն հաստատեալ։՝՝

ԱՌԱԿՔ ՍՈՂՈՄՈՆԻ 6:14

Սիրտ խոտորեալ նիւթէ զչարիս. յամենայն ժամանակի այնպիսին խռովութիւնս առնէ քաղաքի՝՝։

ԺՈՂՈՎՕՂ 7:9

Բարի է կատարած բանից՝ քան զսկիզբն իւրեանց. բարի է երկայնամիտ՝ քան զհպարտացեալն ոգւով։

ՄԱՐԳԱՐԷՈՒԹԻՒՆ ԵԶԵԿԻԵԼԻ 35:5

Փոխանակ զի եղեր ի թշնամութիւն յաւիտենից, եւ դարանակալ նստէիր նենգութեամբ տանն Իսրայելի, ի ձեռն թշնամեաց սրոյ ի ժամանակի նեղութեան՝՝, ի ժամանակի անիրաւութեան յետին վախճանի,

ԵՐԿՐՈՐԴՈՒՄՆ ՕՐԻՆԱՑ 34:8

Եւ լացին որդիքն Իսրայելի զՄովսէս յՌաբովթ Մովաբու առ Յորդանանու յանդիման Երիքովի՝՝ աւուրս երեսուն. եւ կատարեցան աւուրք սգոյ լալեացն Մովսիսի։

ԱՌ ՏԻՏՈՍ ԹՈՒՂԹ 3:3

Զի էաք երբեմն եւ մեք անմիտք, անհաւանք, մոլորեալք, ծառայէաք ցանկութեանց եւ պէսպէս անառակութեանց. չարութեամբ եւ նախանձու շրջէաք, ատեցեալք՝ եւ զմիմեանս ատէաք։