ԾՆՈՒՆԴՔ 26:7 - Գրաբար Աստվածաշունչ (1895)

⁷ Եւ հարցին արք տեղւոյն զՌեբեկայ կնոջէ նորա. եւ ասէ. Քոյր իմ է, քանզի երկեաւ ասել թէ Կին իմ է, թէ գուցէ սպանանիցեն զնա արք տեղւոյն վասն Ռեբեկայ, զի գեղեցիկ էր երեսօք։

ԾՆՈՒՆԴՔ 26:7 ပူးပေါင်းရင်းမြစ်များ

ԾՆՈՒՆԴՔ 12:11

Եւ եղեւ իբրեւ մերձեցաւ Աբրամ մտանել յԵգիպտոս, եւ ասէ ցՍարա ցկին իւր. Գիտեմ զի կին գեղեցիկ ես դու։

ԾՆՈՒՆԴՔ 12:13

Ասասցես թէ Քոյր նորա եմ. զի բարի լիցի ինձ վասն քո, եւ կեցցէ անձն իմ յաղագս քո։

ԾՆՈՒՆԴՔ 12:15

Տեսին զնա եւ իշխանքն փարաւոնի, եւ գովեցին զնա առաջի փարաւոնի, եւ տարան զնա ի տուն փարաւոնի։

ԾՆՈՒՆԴՔ 20:11

Եւ ասէ Աբրահամ. Զի ասացի թէ գուցէ ոչ գուցէ աստուածպաշտութիւն ի տեղւոջս յայսմիկ, եւ զիս սպանանիցեն վասն կնոջդ իմոյ։

ԾՆՈՒՆԴՔ 20:2

Եւ ասաց Աբրահամ վասն Սառայի կնոջն իւրոյ թէ Քոյր իմ է. եւ առաքեաց Աբիմելէք արքայ Գերարացւոց, եւ առ զՍառա։

ԾՆՈՒՆԴՔ 20:5

Ո՞չ ապաքէն նա ասաց ցիս, Քոյր իմ է, եւ սա ասաց ցիս, Եղբայր իմ է. եւ ես սրբութեամբ սրտի եւ արդարութեամբ ձեռաց արարի զայս։

ԾՆՈՒՆԴՔ 24:16

Եւ էր կոյսն գեղեցիկ երեսօք յոյժ, կոյս՝ զոր այր ոչ գիտէր. էջ յաղբեւրն եւ ելից զսափորն իւր եւ ել։

ԾՆՈՒՆԴՔ 26:6

Եւ բնակեցաւ Իսահակ ի մէջ Գերարացւոց։

ԾՆՈՒՆԴՔ 26:8

Եւ եղեւ անդ բազում ժամանակս. եւ կարկառաւ Աբեմելէք արքայ Փղշտացւոց ընդ պատուհան, եւ ետես զԻսահակ զի խաղայր ընդ Ռեբեկայ կնոջ իւրում։

ԾՆՈՒՆԴՔ 29:17

Եւ աչք Լիայ գիջագոյնք, բայց Ռաքէլ բարի էր տեսլեամբ եւ գեղեցիկ երեսօք։

ԱՌԱԿՔ ՍՈՂՈՄՈՆԻ 29:25

եւ առ երկիւղի եւ ամօթոյ մարդկան յայտնիցեն եւ կործանեսցին. իսկ որ յուսացեալ է ի Տէր՝ ուրախ լիցի։ Ամպարշտութիւն առն՝ ածէ գայթակղութիւն, եւ որ յուսա ի Տէր՝ ապրեսցի։՝՝

Մատթեոսի Աւետարան 10:28

Եւ մի՛ երկնչիք յայնցանէ որ սպանանեն զմարմին եւ զոգի ոչ կարեն սպանանել. այլ երկերուք դուք առաւել յայնմանէ որ կարողն է զոգի եւ զմարմին կորուսանել ի գեհենի։

ԱՌ ԵՓԵՍԱՑԻՍ ԹՈՒՂԹ 5:25

Արք, սիրեցէք զկանայս ձեր, որպէս եւ Քրիստոս սիրեաց զեկեղեցի, եւ զանձն իւր մատնեաց վասն նորա.

ԱՌ ԿՈՂՈՍԱՑԻՍ ԹՈՒՂԹ 3:9

Մի՛ ստէք միմեանց. մերկացարուք զհին մարդն գործովքն իւրովք.