ԾՆՈՒՆԴՔ 25:23 - Գրաբար Աստվածաշունչ (1895)

²³ Եւ ասէ ցնա Տէր. Երկու ազգ են յարգանդի քում, եւ երկու ժողովուրդք յորովայնէ քումմէ զատցին. եւ ժողովուրդ զժողովրդեամբ ելեւել առնիցէ, եւ երէցն կրտսերոյն ծառայեսցէ։

ԾՆՈՒՆԴՔ 25:23 ပူးပေါင်းရင်းမြစ်များ

ԾՆՈՒՆԴՔ 17:16

Եւ օրհնեցից զնա, եւ տաց քեզ ի նմանէ որդի. եւ օրհնեցից զնա, եւ եղիցի յազգս, եւ թագաւորք ազգաց ի նմանէ եղիցին։

ԾՆՈՒՆԴՔ 17:4

Եւ իմ ահաւադիկ ուխտ ընդ քեզ. եւ եղիցես հայր բազմութեան ազգաց։

ԾՆՈՒՆԴՔ 24:60

Եւ օրհնեցին զՌեբեկա եւ ասեն ցնա. Քոյր մեր ես. իցես ի հազարս եւ ի բեւրս, եւ ժառանգեսցէ զաւակ քո զքաղաքս թշնամեաց քոց։

ԾՆՈՒՆԴՔ 25:24

Եւ իբրեւ լցան նորա աւուրք ծնանելոյ, եւ էին երկու որդիք յորովայնի նորա։

ԾՆՈՒՆԴՔ 25:27

Եւ աճեցին մանկունքն. եւ էր Եսաւ այր հմուտ որսոյ՝ վայրագ, եւ Յակոբ՝ այր առանց պաճուճանաց՝՝ ընտասուն։

ԾՆՈՒՆԴՔ 27:29

Եւ ծառայեսցեն քեզ ազգք, եւ երկիր պագցեն քեզ իշխանք. եւ եղիցես տէր եղբօր քում, եւ երկիր պագցեն քեզ որդիք հօր քո. որ անիծանիցէ զքեզ՝ անիծեալ լիցի, եւ որ օրհնեսցէ զքեզ՝ օրհնեալ։

ԾՆՈՒՆԴՔ 27:33

Եւ զարմացաւ Իսահակ զարմացումն՝՝ մեծ յոյժ, եւ ասէ. Իսկ այն ո՞վ էր որ որսացաւ ինձ որս, եւ եբեր մատոյց, եւ կերայ յամենայնէ մինչչեւ քո եկեալ էր, եւ օրհնեցի զնա, եւ եղիցի օրհնեալ։

ԾՆՈՒՆԴՔ 27:37

Պատասխանի ետ Իսահակ եւ ասէ ցԵսաւ. Որովհետեւ տէր արարի զնա քեզ, եւ զամենայն եղբարս նորա արարի նմա ծառայս, ցորենով եւ գինւով հաստատեցի զնա, քեզ զի՞նչ արարից, որդեակ։

ԾՆՈՒՆԴՔ 27:40

եւ սրով քով կեցցես. եւ եղբօր քում ծառայեսցես. եւ եղիցի յորժամ քակեսցես, եւ լուծցես զլուծ նորա ի պարանոցէ քումմէ։

ԾՆՈՒՆԴՔ 32:6

Եւ դարձեալ հրեշտակացն առ Յակոբ՝ ասեն. Չոգաք առ Եսաւ եղբայր քո, եւ գայ ընդ առաջ քո, եւ չորեք հարեւր այր ընդ նմա։

ԾՆՈՒՆԴՔ 33:3

Եւ ինքն անց յառաջ քան զնոսա, եւ երկիր եպագ եւթն անգամ ի վերայ երկրի՝ մինչեւ մերձենալ առ եղբայրն իւր։

ԾՆՈՒՆԴՔ 36:31

Եւ այս թագաւորք են որ թագաւորեցին յերկրին Եդովմայեցւոց, մինչչեւ թագաւորեալ էր թագաւոր յԻսրայելի։

ԾՆՈՒՆԴՔ 48:19

Եւ ոչ կամեցաւ հայրն նորա, այլ ասէ. Գիտեմ որդեակ, գիտեմ. եւ դա եղիցի ի ժողովուրդ, եւ դա բարձրասցի. այլ եղբայրս դորա կրտսեր՝ եղիցի մեծ քան զդա, եւ զաւակ սորա եղիցի ի բազմութիւն ազգաց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:14

Եւ եդ յԵդոմ պահակապանս՝ յամենայն Եդովմայեցիս, եւ եղեն ամենայն Եդովմայեցիք ծառայք արքայի. եւ փրկեաց Տէր զԴաւիթ ամենայն ուրեք ուր եւ երթայր։

ԹԱԳԱՒՈՐՈՒԹԵԱՆՑ ԵՐՐՈՐԴ 22:47

Եւ զաւելորդս նուիրելոցն՝՝ որ մնացին յաւուրս հօր նորա՝ քաղեաց յերկրէն։

ՄՆԱՑՈՐԴԱՑ ԱՌԱՋԻՆ 18:13

Եւ եդ ի հովտին ամրոց. եւ էին՝՝ Եդովմայեցիք ծառայք Դաւթի. եւ փրկեաց Տէր զԴաւիթ յամենայն տեղիս ուր եւ երթայր։

ՄԱՐԳԱՐԷՈՒԹԻՒՆ ԱԲԴԻՈՒ 1:21

Եւ ելցեն ապրեալք ի լեռնէ Սիոնի առնուլ վրէժ ի լեռնէն Եսաւայ, եւ եղիցի Տեառն արքայութիւն՝՝։

ԹԻՒՔ 20:14

Եւ առաքեաց Մովսէս հրեշտակս ի Կադեսայ առ արքայն Եդովմայ եւ ասէ. Այսպէս ասէ եղբայր քո Իսրայէլ. Դու ինքնին գիտես զամենայն աշխատութիւնս որ գտին զմեզ.

ԵՐԿՐՈՐԴՈՒՄՆ ՕՐԻՆԱՑ 2:4

Եւ ժողովրդեանդ պատուէր տուր եւ ասասցես. Դուք աւադիկ անցանէք առ սահմանօք եղբարց ձերոց՝ որդւոց Եսաւայ, որ բնակեալ են ի Սէիր. եւ երկնչիցին ի ձէնջ, եւ զգուշանայցէք յոյժ.

ԵՐԿՐՈՐԴՈՒՄՆ ՕՐԻՆԱՑ 2:8

Եւ անցաք առ եղբարբք մերովք որդւովքն Եսաւայ բնակելովքն ի Սէիր, առ ճանապարհաւն Արաբացւոց յԵդովմայ՝՝, եւ ի Գասիոնգաբերայ. եւ դարձեալ անցաք ընդ ճանապարհ անապատին Մովաբու։

ԹԱԳԱՒՈՐՈՒԹԵԱՆՑ ԱՌԱՋԻՆ 17:14

եւ Դաւիթ էր կրտսեր, եւ երեքին մեծագոյնքն երթեալ էին զհետ Սաւուղայ։