ԾՆՈՒՆԴՔ 25:2 - Գրաբար Աստվածաշունչ (1895)

² Եւ ծնաւ նմա զԶեմրան եւ զՅեկսան, եւ զՄադան եւ զՄադիան եւ զՅեսբոկ եւ զՍովիւէ։

ԾՆՈՒՆԴՔ 25:2 ပူးပေါင်းရင်းမြစ်များ

ԾՆՈՒՆԴՔ 25:1

Եւ յաւել Աբրահամ առնուլ կին որում անուն էր Քետուրա։

ԾՆՈՒՆԴՔ 25:3

Եւ Յեկսան ծնաւ զՍաբա եւ զԹեման՝՝ եւ զԴադան. եւ եղեն որդիք Դադանայ՝ Ռագուէլ եւ Նաբդեէլ եւ՝՝ Ասուրիիմ եւ Լատուսիիմ եւ Լովովմիմ։

ԾՆՈՒՆԴՔ 36:35

Եւ մեռաւ Ասոմ, եւ թագաւորեաց ընդ նորա Ադադ որդի Բադադայ, որ կոտորեաց զՄադիամ ի դաշտին Մովաբացւոց. եւ անուն քաղաքի նորա Գեթէմ։

ԾՆՈՒՆԴՔ 37:28

Եւ անցանէին արք Մադիանացիք, վաճառականք, եւ ձգեցին հանին զՅովսէփ ի գբոյ անտի, եւ վաճառեցին զՅովսէփ Իսմայելացւոցն քսան դահեկանի. եւ իջուցին զՅովսէփ յԵգիպտոս։

ԾՆՈՒՆԴՔ 37:36

Իսկ Միադիանացիքն վաճառեցին զՅովսէփ յԵգիպտոս Պետափրեայ ներքինւոյ դահճապետի փարաւոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 11:18

Եւ յարեան արքն ի քաղաքէ անտի Մադիամու՝՝ եւ եկին ի Փարան, եւ առին ընդ իւրեանս արս ի Փարանէ եւ եկին յԵգիպտոս առ փարաւոն արքայ Եգիպտացւոց, եւ եմուտ Ադեր առ փարաւոն.՝՝ եւ ետ նմա տուն եւ կարգեաց նմա հաց, եւ ետ նմա գետին։

ԳԻՐՔ ՅՈԲԱՅ 2:11

Եւ լուեալ երից բարեկամացն զչարիսն ամենայն որ հասին ի վերայ նորա, եկին յիւրաքանչիւր աշխարհէ առ նա, Եղիփազ արքայ Թեմնացւոց, Բաղդատ բռնաւոր Սաւքեցւոց, Սովփար արքայ Մինեցւոց՝՝. եւ եկին առ նա միաբան մխիթարել եւ սփոփել զնա։

ՄԱՐԳԱՐԷՈՒԹԻՒՆ ԵՐԵՄԵԱՅ 25:25

եւ ամենայն թագաւորացն Զամբրեայ, եւ ամենայն թագաւորացն Եղամայ, եւ ամենայն թագաւորացն Պարսից.

ԹԻՒՔ 22:4

Եւ ասէ Մովաբ ցծերակոյտն Մադիամու. Արդ լիզանէ ժողովուրդս այս զամենայն որ շուրջ զմեւք են, որպէս լիզանիցէ արջառ զդեղ դալար ի դաշտի։ Եւ Բաղակ որդի Սեպփովրայ էր արքայ Մովաբու ի ժամանակին յայնմիկ։

ԹԻՒՔ 31:2

Ա՛ռ զվրէժ որդւոցդ Իսրայելի ի Մադիանացւոց անտի. եւ ապա յաւելցիս ի ժողովուրդ քո։

ԹԻՒՔ 31:8

եւ զթագաւորսն Մադիանացւոց կոտորեցին հանդերձ վիրաւորօք նոցա, եւ զԵւին եւ զՍուր եւ զՐոկոմ եւ զՈւր եւ զՌոբոք, զհինգ թագաւորս Մադիամու. եւ զԲաղաամ որդի Բէովրայ սպանին սրով, հանդերձ վիրաւորօք նոցա՝՝։