ԾՆՈՒՆԴՔ 25:11 - Գրաբար Աստվածաշունչ (1895)

¹¹ Եւ եղեւ յետ մահուանն Աբրահամու օրհնեաց Աստուած զԻսահակ զորդի նորա. եւ բնակեցաւ Իսահակ առ Ջրհորի տեսլեանն։

ԾՆՈՒՆԴՔ 25:11 ပူးပေါင်းရင်းမြစ်များ

ԾՆՈՒՆԴՔ 12:2

Եւ արարից զքեզ յազգ մեծ, եւ օրհնեցից զքեզ, եւ մեծացուցից զանուն քո. եւ եղիցես օրհնեալ։

ԾՆՈՒՆԴՔ 12:3

Եւ օրհնեցից զօրհնիչս քո, եւ զանիծիչս քո անիծից. եւ օրհնեսցին ի քեզ ամենայն ազգք երկրի։

ԾՆՈՒՆԴՔ 16:14

Վասն այնորիկ կոչեաց զջրհորն՝ Ջրհոր այնորիկ զոր յանդիմանն տեսի. եւ ահա է այն ընդ Կադէս եւ ընդ Բարադ։

ԾՆՈՒՆԴՔ 17:19

Եւ ասէ Աստուած ցԱբրահամ. Այո, ահա Սառա կին քո ծնցի քեզ որդի. եւ հաստատեցից զուխտ իմ ընդ նմա յուխտ յաւիտենական, եւ ընդ զաւակի նորա յետ նորա։

ԾՆՈՒՆԴՔ 22:17

Այո, օրհնելով օրհնեցից զքեզ, եւ բազմացուցանելով բազմացուցից զզաւակ քո իբրեւ զաստեղս երկնից բազմութեամբ, եւ իբրեւ զաւազ առ ափն ծովու. եւ ժառանգեսցէ զաւակ քո զքաղաքս հակառակորդաց իւրոց։

ԾՆՈՒՆԴՔ 24:35

եւ Տէր օրհնեաց զտէր իմ յոյժ, եւ բարձրացաւ. եւ ետ նմա արջառ եւ ոչխար եւ արծաթ եւ ոսկի, ծառայս եւ աղախնայս, ուղտս եւ էշս։

ԾՆՈՒՆԴՔ 24:62

Եւ Իսահակ յանապատի անդ առ Ջրհորով տեսլեանն՝՝ բնակէր յերկրին ի կողմն հարաւոյ։

ԾՆՈՒՆԴՔ 26:12

Եւ սերմանեաց սերմն Իսահակ յերկրին յայնմիկ, եւ եգիտ ի տարւոջն յայնմիկ հարիւրաւոր զգարին։ Եւ օրհնեաց զնա Տէր։

ԾՆՈՒՆԴՔ 26:3

Պանդխտեաց յերկրիս յայսմիկ, եւ եղէց ընդ քեզ եւ օրհնեցից զքեզ. զի քեզ եւ զաւակի քում տաց զամենայն զերկիրս զայս, եւ հաստատեցից զերդումն իմ զոր երդուայ Աբրահամու հօր քում։

ԾՆՈՒՆԴՔ 50:24

Եւ խօսեցաւ Յովսէփ ընդ եղբարս իւր եւ ասէ. Ես աւասիկ մեռանիմ. այցելութեամբ այց արասցէ ձեզ Աստուած, եւ հանցէ զձեզ յերկրէս յայսմանէ յերկիրն զոր երդուաւ Աստուած տալ հարցն մերոց Աբրահամու, Իսահակայ եւ Յակոբայ։

ԳԻՐՔ ՍԱՂՄՈՍԱՑ 112:2

Եղիցի անուն Տեառն օրհնեալ, յայսմ հետէ մինչեւ յաւիտեան։