ԾՆՈՒՆԴՔ 22:1 - Գրաբար Աստվածաշունչ (1895)

¹ Եւ եղեւ յետ բանիցս այսոցիկ փորձեաց Աստուած զԱբրահամ եւ ասէ ցնա. Աբրահամ, Աբրահամ։ Եւ նա ասէ. Աւասիկ եմ։

ԾՆՈՒՆԴՔ 22:1 ပူးပေါင်းရင်းမြစ်များ

ԾՆՈՒՆԴՔ 15:1

Յետ բանիցս այսոցիկ եղեւ բան Տեառն առ Աբրամ ի տեսլեան, եւ ասէ. Մի՛ երկնչիր, Աբրամ, ես վերակացու եղէց քեզ, եւ վարձք քո բազում եղիցին յոյժ։

ԾՆՈՒՆԴՔ 21:11

Եւ խիստ թուեցաւ բանն առաջի Աբրահամու վասն որդւոյ նորա։

ԾՆՈՒՆԴՔ 22:11

Եւ կոչեաց զնա հրեշտակ Տեառն յերկնից եւ ասէ. Աբրահամ, Աբրահամ։ Եւ նա ասէ ցնա. Աւասիկ եմ։

ԾՆՈՒՆԴՔ 22:7

Եւ ասէ Իսահակ ցԱբրահամ հայր իւր. Հայր։ Եւ նա ասէ. Զի՞ է, որդեակ։ Եւ նա ասէ. Ահա հուր եւ ահա փայտ, ո՞ւր է ոչխար յողջակէզ։

ԾՆՈՒՆԴՔ 37:13

Եւ ասէ Իսրայէլ ցՅովսէփ. Ո՞չ աւանիկ եղբարք քո արածեն զխաշինսն ի Սիւքեմ. եկ առաքեցից զքեզ առ նոսա։ Եւ ասէ ցնա. Ահաւասիկ ես։

ԾՆՈՒՆԴՔ 46:2

Խօսեցաւ Աստուած ընդ Իսրայելի ի տեսլեան գիշերոյ, եւ ասէ. Յակոբ, Յակոբ։ Եւ նա ասէ. Ո՞վ ես՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:1

Եւ յաւել սրտմտութիւն Տեառն բորբոքել ի վերայ Իսրայելի, եւ գրգռեաց զԴաւիթ ի նոսա եւ ասէ. Երթ թուեա զԻսրայէլ եւ զՅուդա։

ՄՆԱՑՈՐԴԱՑ ԵՐԿՐՈՐԴ 32:31

Եւ այսպէս արար հրեշտակաց իշխանաց որք ի Բաբելոնէ առաքեցան առ նա հարցանել վասն նորա եւ՝՝ նշանաց որ եղեն ի վերայ երկրի. եւ եթող զնա Տէր փորձել զնա եւ գիտել թէ զի՞նչ է ի սրտի նորա։

ԳԻՐՔ ՍԱՂՄՈՍԱՑ 11:5

ոյք ասացին. Զլեզուս մեր մեծս արասցուք, շրթունք մեր առ մեզ են, եւ արդ մեր ո՞վ է տէր։

ԵԼՔ 16:4

Եւ ասէ Տէր ցՄովսէս. Ահա ես տեղացից ձեզ հաց յերկնից, եւ ելցէ ժողովուրդ իմ եւ ժողովեսցեն զօրըստօրէն, զի փորձեցից զնոսա եթէ գնայցե՞ն յօրէնս իմ եթէ ոչ։

ԵԼՔ 3:4

Իբրեւ ետես Տէր եթէ մերձենայ տեսանել, կոչեաց զնա Տէր ի միջոյ մորենւոյն, ասէ. Մովսէ՛ս, Մովսէ՛ս։ Եւ նա ասէ. Զի՞ է՝՝։

ԱՌԱԿՔ ՍՈՂՈՄՈՆԻ 17:3

Որպէս փորձի ի բովս արծաթ եւ ոսկի, նոյնպէս ընտրէ զսիրտս Աստուած։

ՄԱՐԳԱՐԷՈՒԹԻՒՆ ԵՍԱՅԵԱՅ 6:8

Եւ լուայ զբարբառ Տեառն որ ասէր. Զո՞ առաքեցից եւ կամ ո՞վ երթիցէ առ այն ժողովուրդ՝՝։ Եւ ասեմ. Ահաւասիկ ես, առաքեա զիս։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:13

Փորձութիւն ի ձեր վերայ ոչ է եկեալ բաց ի մարդկանէ. այլ հաւատարիմ է Աստուած որ ոչ արկցէ զձեզ ի փորձութիւն առաւել քան զկար ձեր, այլ արասցէ ընդ փորձութեանն եւ զելսն, զի համբերել կարասջիք։

ԵՐԿՐՈՐԴՈՒՄՆ ՕՐԻՆԱՑ 13:3

մի՛ լսիցէք բանից մարգարէին այնորիկ, կամ երազահանին երազոց. զի փորձէ զձեզ Տէր Աստուած ճանաչել՝՝, թէ սիրիցէ՞ք զՏէր Աստուած մեր յամենայն սրտէ ձերմէ եւ յամենայն անձնէ ձերմէ։

ԵՐԿՐՈՐԴՈՒՄՆ ՕՐԻՆԱՑ 8:16

որ կերակրեաց զքեզ մանանայիւն յանապատին, զոր ոչ գիտէին հարքն քո, զի չարչարեսցէ զքեզ եւ փորձեսցէ զքեզ, եւ բարի արասցէ քեզ ի վախճանի քում.

ԵՐԿՐՈՐԴՈՒՄՆ ՕՐԻՆԱՑ 8:2

Եւ յիշեսցես զամենայն ճանապարհն զոր ած զքեզ Տէր ընդ անապատն, զի լլկիցէ զքեզ եւ փորձիցէ զքեզ, եւ ճանաչիցէ թէ զի՛նչ կայցէ ի սրտի քում, եթէ պահեսցես զպատուիրանս նորա եւ թէ ոչ։

ԱՌ ԵԲՐԱՅԵՑԻՍ ԹՈՒՂԹ 11:17

Հաւատովք մատոյց Աբրահամ ի փորձութեան իւրում զԻսահակ պատարագ. եւ զմիամօրն մատուցանէր, որոյ զաւետիսն ընկալեալ էր։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:21

Աբրահամ հայր մեր ո՞չ ապաքէն ի գործոց արդարացաւ՝ հանեալ ի սեղան զորդին իւր զԻսահակ պատարագ։

ՊԵՏՐՈՍԻ ԱՌԱՋԻՆ՝՝ 1:7

զի հանդէս ձերոց հաւատոցն առաւել քան զոսկի կորստական պատուական է, որ հրով փորձեալ գտաւ՝՝ ի գովութիւն եւ ի փառս եւ ի պատիւ ի յայտնութեանն Յիսուսի Քրիստոսի,

ԴԱՏԱՒՈՐՔ 2:22

եւ եթող փորձել նովաւ՝՝ զԻսրայէլ, եթէ զգուշանայցե՞ն ճանապարհին Տեառն գնալ ընդ նա, զոր օրինակ զգուշացան հարքն նոցա, եւ եթէ ոչ։

ԹԱԳԱՒՈՐՈՒԹԵԱՆՑ ԱՌԱՋԻՆ 3:4

Եւ կոչեաց Տէր եւ ասէ. Սամուէլ, Սամուէլ։ Եւ ասէ՝՝. Աւասիկ եմ։