ԾՆՈՒՆԴՔ 21:6 - Գրաբար Աստվածաշունչ (1895)

⁶ Եւ ասէ Սառա. Ծաղր արար զիս Աստուած. զի որ եւ լսիցէ՝ ուրախ լինիցի ընդ իս։

ԾՆՈՒՆԴՔ 21:6 ပူးပေါင်းရင်းမြစ်များ

ԾՆՈՒՆԴՔ 17:17

Անկաւ Աբրահամ ի վերայ երեսաց իւրոց եւ ծիծաղեցաւ. եւ խօսեցաւ ի սրտի իւրում եւ ասէ, թէ՝ Հարիւրամենի՝ որդի՞ լինիցի, եւ Սառա՝ իննըսնամեայ ծնանիցի՞։

ԳԻՐՔ ՍԱՂՄՈՍԱՑ 113:9

Մի՛ մեզ, Տէր, մի՛ մեզ, այլ անուան քում տուր զփառս վասն ողորմութեան եւ ճշմարտութեան քո։

ԳԻՐՔ ՍԱՂՄՈՍԱՑ 126:2

Ի նանիր է ձեզ յառնելն կանխաւ. արդ արիք՝ մինչչեւ էք ննջեցեալ, եւ ոյք ուտէք զհաց ցաւոց, ի ժամանակի որպէս տացի՝՝ քուն սիրելեաց իւրոց։

ՄԱՐԳԱՐԷՈՒԹԻՒՆ ԵՍԱՅԵԱՅ 49:15

Միթէ մոռանայցէ՞ կին զմանուկ իւր, կամ թէ ո՞չ գթասցի ի ծնունդս որովայնի իւրոյ. եւ եթէ մոռանայցէ զայն կին՝ սակայն ես ոչ մոռացայց զքեզ, ասէ Տէր։

ՄԱՐԳԱՐԷՈՒԹԻՒՆ ԵՍԱՅԵԱՅ 49:21

Եւ ասասցես ի սրտի քում. Ո՞ ծնաւ ինձ զսոսա. զի ես անզաւակ եւ այրի էի, պանդուխտ եւ արգելական. եւ զսոսա ինձ ո՞ սնոյց, զի ես միայն մնացեալ էի, եւ սոքա ո՞ւր էին։

ՄԱՐԳԱՐԷՈՒԹԻՒՆ ԵՍԱՅԵԱՅ 54:1

Ուրախ լեր, ամուլ, որ ոչ ծնանէիր, գոչեա եւ աղաղակեա որ ոչդ երկնէիր. զի բազում են որդիք սկնդկիդ՝ առաւել քան զարամբւոյն. քանզի ասաց՝՝ Տէր.

ՄԱՐԳԱՐԷՈՒԹԻՒՆ ԵՐԵՄԵԱՅ 20:15

Անիծեալ լիցի մարդն որ ետ աւետիս հօր իմոյ, եւ ասէ թէ՝ Ծնաւ քեզ արու մանուկ, եւ ուրախութեամբ ուրախ առնէր զնա։

ԱՒԵՏԱՐԱՆ ԸՍՏ ՂՈՒԿԱՍՈՒ 1:14

Եւ եղիցի քեզ ուրախութիւն եւ ցնծութիւն, եւ բազումք ի ծննդեան նորա խնդասցեն.

ԱՒԵՏԱՐԱՆ ԸՍՏ ՂՈՒԿԱՍՈՒ 1:58

Եւ լուան որ շուրջ զնովաւ էին եւ ազգատոհմ նորա, զի մեծ արար Տէր զողորմութիւն իւր ընդ նմա. եւ խնդային ընդ նմա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:15

խնդալ ընդ խնդացողս, լալ ընդ լացողս.

ԱՌ ԵԲՐԱՅԵՑԻՍ ԹՈՒՂԹ 11:11

Հաւատովք եւ ինքն Սառա որ ամուլն էր՝՝, զօրութիւն առնլոյ զսերմն որդեծնութեան՝ ընդունէր, եւ ի տարաժամ հասակի ծնանէր. քանզի հաւատարիմ համարեցաւ զայն որ խոստացաւն։

ԹԱԳԱՒՈՐՈՒԹԵԱՆՑ ԱՌԱՋԻՆ 1:26

Եւ ասէ. Յիս տէր իմ, կենդանի է անձն քո, ես այն կին եմ՝ որ կացի առաջի քո ընդ քեզ՝ կալ յաղօթս առ Տէր