ԾՆՈՒՆԴՔ 19:8 - Գրաբար Աստվածաշունչ (1895)

⁸ Են իմ երկու դստերք որ զայր ոչ գիտեն, հանից զնոսա առ ձեզ, եւ արարէք ընդ նոսա որպէս հաճոյ իցէ ձեզ. բայց միայն արանցդ այդոցիկ մի՛ ինչ մեղ առնիցէք. որովհետեւ մտին ընդ յարկաւ գերանաց իմոց։

ԾՆՈՒՆԴՔ 19:8 ပူးပေါင်းရင်းမြစ်များ

ԾՆՈՒՆԴՔ 18:5

Եւ առից հաց եւ կերիջիք, եւ ապա երթիջիք զճանապարհ ձեր. փոխանակ զի դարձարուք առ ծառայ ձեր։ Եւ ասեն. Այդպէս արա, որպէս ասացերդ։

ԾՆՈՒՆԴՔ 19:7

Եւ ասէ ցնոսա. Քաւ լիցի ձեզ, եղբարք, մի՛ գործէք զայդ չարիս։

ԾՆՈՒՆԴՔ 42:37

Խօսեցաւ Ռուբէն ընդ հօր իւրում եւ ասէ. Զերկոսին զորդիսն իմ սպանջիր, եթէ ոչ ածից զդա առ քեզ. տուր զդա յիմ ձեռս, եւ ես ածից զդա առ քեզ։

ԵԼՔ 32:22

Եւ ասէ Ահարոն ցՄովսէս. Մի՛ բարկանար սրտմտութեամբ, տէր իմ, զի դու ինքնին գիտես զյանդգնութիւն ժողովրդեանդ։

ԱՌԱԿՔ ՍՈՂՈՄՈՆԻ 9:7

Որ խրատէ զչարս՝ առցէ անձին իւրում անարգանս, եւ որ յանդիմանէ զամպարիշտս՝ ատեայ զանձն՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 58:7

Բրդեա քաղցելոց զհաց քո, եւ զաղքատս անյարկս տար ի տուն քո. եթէ տեսանիցես զմերկն՝ զգեցուցանիջիր, եւ յընտանեաց զաւակի քո զակն մի՛ արկանիցես՝՝։

ԱՒԵՏԱՐԱՆ ԸՍՏ ՄԱՐԿՈՍԻ 9:6

Եւ եղեւ ամպ մի հովանի ի վերայ նոցա, ձայն եղեւ յամպոյ անտի եւ ասէ. Դա է Որդի իմ սիրելի, դմա լուարուք։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 3:8

Եւ կամ թէ որպէս հայհոյիմքն, եւ որպէս ասեն ոմանք զմէնջ ասել թէ՝ Արասցուք զչար զի եկեսցէ բարի. որոց դատաստանքն յիրաւի են։

ԴԱՏԱՒՈՐՔ 19:23

Եւ ել առ նոսա այրն տէր տանն, եւ ասէ ցնոսա. Քաւ լիցի ձեզ, եղբարք, մի՛ ինչ անզգամէք յետ մտանելոյ առնդ այդորիկ ի տուն իմ. մի՛ առնէք զանզգամութիւնդ զայդ։

ԴԱՏԱՒՈՐՔ 19:24

Ահաւասիկ դուստր իմ կոյս, եւ հարճ նորա, հանից զնոսա արտաքս, եւ լլկեցէք զնոսա, եւ արարէք ընդ նոսա զինչ հաճոյ է յաչս ձեր. եւ առնս այսմիկ մի՛ առնէք ըստ անզգամութեան բանիդ այդորիկ։

ԴԱՏԱՒՈՐՔ 9:15

Եւ ասէ դժնիկ ցծառս. Թէ արդարեւ օծանիցէք զիս թագաւորել ի վերայ ձեր, եկայք ծածկեցարուք ընդ հովանեաւ իմով, եթէ ոչ, ելանիցէ հուր ի դժնկէ աստի, եւ կերիցէ զեղեւնափայտս Լիբանանու։