ԾՆՈՒՆԴՔ 19:37 - Գրաբար Աստվածաշունչ (1895)

³⁷ Եւ ծնաւ երէցն որդի, եւ կոչեաց զանուն նորա Մովաբ. ասէ. Ի հօրէ իմմէ։՝՝ Նա է հայր Մովաբացւոց մինչեւ ցայսօր ժամանակի։

ԾՆՈՒՆԴՔ 19:37 ပူးပေါင်းရင်းမြစ်များ

ԾՆՈՒՆԴՔ 19:36

Եւ յղացան երկոքին դստերքն Ղովտայ ի հօրէն իւրեանց։

ԳԻՐՔ ՍԱՂՄՈՍԱՑ 83:9

Տէր Աստուած զօրութեանց, լուր աղօթից իմոց, ունկն դիր, Աստուած Յակոբայ։

ՄԱՐԳԱՐԷՈՒԹԻՒՆ ՍՈՓՈՆԻԱՅ 2:8

Լուայ զնախատինս Մովաբու եւ զկռփանս որդւոցն Ամոնայ, որովք նախատէին զժողովուրդ իմ, եւ մեծաբանէին ի վերայ սահմանաց իմոց։

ԹԻՒՔ 21:29

Վա՜յ քեզ, Մովաբ, կորեար. ժողովուրդ Քամովսայ, մատնեցան ուստերք նոցա ի փախուստ, եւ դստերք նոցա ի գերութիւն թագաւորին Ամովրհացւոց.

ԵՐԿՐՈՐԴՈՒՄՆ ՕՐԻՆԱՑ 2:19

եւ մօտ հասանիցէք յորդիսն Ամոնայ, մի՛ թշնամանայցիք ընդ նոսա, եւ մի՛ գրգռիցէք ընդ նոսա պատերազմ. զի ոչ տաց ձեզ զերկիր որդւոցն Ամոնայ ի վիճակ, քանզի որդւոցն Ղովտայ ետու զնա վիճակաւ։

ԵՐԿՐՈՐԴՈՒՄՆ ՕՐԻՆԱՑ 2:9

Եւ ասէ ցիս Տէր. Մի՛ թշնամանայցիք ընդ Մովաբացիսն եւ մի՛ գրգռիցէք ընդ նոսա պատերազմ. զի ոչ տաց ձեզ յերկրէն նոցա ի վիճակ. քանզի որդւոցն Ղովտայ ետու զՍէիր ի ժառանգութիւն։

ԵՐԿՐՈՐԴՈՒՄՆ ՕՐԻՆԱՑ 23:3

Մի՛ մտցէ Ամոնացի եւ Մովաբացի յեկեղեցի Տեառն. մինչեւ ցտասն ազգ մի՛ մտցեն յեկեղեցի Տեառն եւ մինչեւ ցյաւիտեան.

ՀՌՈՒԹ 4:10

Նա եւ զՀռութ Մովաբացի զկին Մաալոնայ ստացայ ինձ կնութեան, կանգնել զանուն մեռելոյն ի ժառանգութեան իւրում. եւ մի՛ ջնջեսցի անուն մեռելոյն յեղբարց իւրոց եւ ի ցեղէ տեղւոյ իւրոյ. եւ վկայք դուք էք այսօր։

ԹԱԳԱՒՈՐՈՒԹԵԱՆՑ ԱՌԱՋԻՆ 14:47

Եւ եհաս Սաւուղայ թագաւորել, եւ վիճակեցաւ՝՝ ի վերայ Իսրայելի. եւ տայր պատերազմ շուրջ ընդ ամենայն թշնամիս իւր, ընդ Մովաբայ եւ ընդ որդիսն Ամոնայ եւ ընդ որդիսն Եդովմայ եւ ընդ Բեթովրայ՝՝ եւ ընդ թագաւորին Սուբայ եւ ընդ այլազգիսն. եւ ուր շրջէր՝ փրկէր։