ԾՆՈՒՆԴՔ 18:8 - Գրաբար Աստվածաշունչ (1895)

⁸ Եւ առ կոգի եւ կաթն եւ զորթն զոր հասոյց, եւ եդ առաջի նոցա եւ կերան. եւ նա կայր առաջի նոցա ընդ ծառովն։

ԾՆՈՒՆԴՔ 18:8 ပူးပေါင်းရင်းမြစ်များ

ԾՆՈՒՆԴՔ 18:7

Եւ յանդեայ ընթացաւ Աբրահամ, եւ առ որթ մի մատաղ եւ բարի եւ ետ ցպատանին, եւ փութացոյց վաղվաղակի հասուցանել։

ԾՆՈՒՆԴՔ 18:9

Եւ ասեն ցնա. Ո՞ւր է Սառա կին քո։ Նա պատասխանի ետ եւ ասէ. Ահաւանիկ ի խորանի անդ է։

ԾՆՈՒՆԴՔ 19:3

Եւ բռնադատեաց զնա յոյժ, եւ խոտորեցան առ նա եւ մտին ի տուն նորա. եւ արար նոցա ընթրիս, եւ բաղարջ եփեաց նոցա եւ կերան։

ԳԻՐՔ ՆԷԵՄԵԱՅ 12:44

Եւ կացուցին յաւուր յայնմիկ ի վերայ գանձանակի գանձուցն եւ զառաջաւորացն եւ տասանորդացն, եւ որ միանգամ ժողովեալ էր անդր յիշխանաց քաղաքին, որպէս հրամայեալ էր յօրէնսն Մովսիսի քահանայիցն եւ Ղեւտացւոց. քանզի ուրախութիւն մեծ էր ի Յուդա եւ ի քահանայս եւ յՂեւտացիս. եւ զգուշացան սրբութեանցն Աստուծոյ եւ պահեցին զսրբութիւնն՝ որ էին երգեցիկք սաղմոսասացք եւ դռնապանքն, որպէս կարգեալ էր Դաւթի եւ որդւոյ նորա Սողոմոնի։

ՄԱՐԳԱՐԷՈՒԹԻՒՆ ԵՍԱՅԵԱՅ 7:15

Եւղ եւ մեղր կերիցէ. մինչչեւ ինչ իցէ ծանուցեալ նորա կամ ախորժեալ յառաջագոյն զչարութիւն, ընտրեսցէ զբարին։

ՄԱՐԳԱՐԷՈՒԹԻՒՆ ԵՍԱՅԵԱՅ 7:22

եւ եղիցի ի բազմութենէ կաթինն՝ կերիցէ եւղ. զի եւղ եւ մեղր կերիցէ ամենայն որ մնացեալ իցէ յերկրին։

ԱՒԵՏԱՐԱՆ ԸՍՏ ՂՈՒԿԱՍՈՒ 12:37

Երանի իցէ ծառայիցն այնոցիկ զորս եկեալ տէրն գտցէ արթունս. ամէն ասեմ ձեզ, զի գօտի ընդ մէջ ածցէ եւ բազմեցուսցէ զնոսա, եւ անցեալ պաշտիցէ զնոսա։

ԱՒԵՏԱՐԱՆ ԸՍՏ ՂՈՒԿԱՍՈՒ 17:8

այլ ո՞չ ասիցէ ցնա թէ՝ Պատրաստեա զինչ ընթրելոց իցեմ, եւ գօտի ածեալ պաշտեա զիս, մինչեւ կերայց եւ արբից, եւ ապա կերիցես եւ արբցես դու։

ԱՒԵՏԱՐԱՆ ԸՍՏ ՂՈՒԿԱՍՈՒ 24:30

Եւ եղեւ ի բազմելն նորա ընդ նոսա, առեալ զհացն՝ օրհնեաց, եբեկ եւ ետ նոցա։

ԱՒԵՏԱՐԱՆ ԸՍՏ ՂՈՒԿԱՍՈՒ 24:43

Եւ առ եկեր առաջի նոցա, եւ զմնացորդսն ետ նոցա։՝՝

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:2

Եւ արարին անդ նմա ընթրիս, եւ ի սպասու կայր Մարթա, եւ Ղազար մի էր ի բազմելոց ընդ նմա։

ԳՈՐԾՔ ԱՌԱՔԵԼՈՑ 10:41

ոչ ամենայն ժողովրդեանն, այլ մեզ վկայիցս յառաջագոյն ընտրելոցս յԱստուծոյ, որք եւ կերաք եւ արբաք ընդ նմա յետ յարութեան նորա ի մեռելոց։

ԱՌ ԳԱՂԱՏԱՑԻՍ ԹՈՒՂԹ 5:13

Զի դուք յազատութիւն կոչեցեալ էք, եղբարք. միայն զի ազատութիւն ձեր ոչ լինիցի ի պատճառս մարմնոյ, այլ սիրով ծառայեցէք միմեանց։

ԵՐԿՐՈՐԴՈՒՄՆ ՕՐԻՆԱՑ 32:14

կոգի կովուց եւ կաթն մաքեաց, հանդերձ ճարպով գառանց եւ խոյոց, որդւոց ցլուց եւ նոխազաց՝ ընդ ճարպոյ երիկամանց ցորենոյ. եւ զարիւն խաղողոյ ըմպէին գինի։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 3:20

Ահաւասիկ կամ ես առ դուրս եւ բախեմ. եթէ ոք լուիցէ ձայնի իմում եւ բանայցէ զդրունսն, մտից առ նա եւ ընթրիս արարից առ նա, եւ նա ընդ իս։

ԴԱՏԱՒՈՐՔ 13:15

Եւ ասէ Մանովէ ցհրեշտակն. Թող բռնադատեսցուք զքեզ, եւ արասցուք առաջի քո ուլ մի յայծեաց։

ԴԱՏԱՒՈՐՔ 5:25

Ջուր խնդրեաց, եւ ետ կաթն, դաշխուրանաւ զօրաւորաց մատոյց կոգի։