ԾՆՈՒՆԴՔ 17:1 - Գրաբար Աստվածաշունչ (1895)

¹ Եւ եղեւ Աբրամ ամաց իննսուն եւ ինունց. եւ երեւեցաւ Տէր Աստուած Աբրամու եւ ասէ ցնա. Ես եմ Աստուած քո. հաճոյ լեր՝՝ առաջի իմ, եւ լեր անարատ։

ԾՆՈՒՆԴՔ 17:1 ပူးပေါင်းရင်းမြစ်များ

ԾՆՈՒՆԴՔ 12:1

Եւ ասէ Աստուած ցԱբրամ. Ել դու յերկրէ քումմէ եւ յազգէ քումմէ եւ ի տանէ հօր քո՝ յերկիր զոր ցուցից քեզ։

ԾՆՈՒՆԴՔ 12:7

Եւ երեւեցաւ Տէր Աբրամու, եւ ասէ ցնա. Զաւակի քում տաց զերկիրս զայս։ Եւ շինեաց անդ Աբրամ սեղան Տեառն որ երեւեցաւ նմա։

ԾՆՈՒՆԴՔ 16:16

Եւ Աբրամ էր ամաց ութսուն եւ վեցից յորժամ ծնաւ նմա Ագար զԻսմայէլ։

ԾՆՈՒՆԴՔ 18:1

Եւ երեւեցաւ նմա Աստուած առ կաղնեաւն Մամբրէի, մինչդեռ նստէր առ դուրս խորանի իւրոյ ի միջօրէի։

ԾՆՈՒՆԴՔ 18:14

Միթէ տկարանայցէ՞ առ ի յԱստուծոյ բան. ի ժամանակի յայսմիկ դարձայց առ քեզ ի սոյն աւուրս՝՝, եւ եղիցի Սառայի որդի։

ԾՆՈՒՆԴՔ 24:40

Եւ ասէ ցիս. Տէր Աստուած իմ որում հաճոյ եղէ՝՝ առաջի նորա, նա առաքեսցէ զհրեշտակ իւր ընդ քեզ, եւ յաջողեսցէ զճանապարհ քո, եւ առցես կին որդւոյ իմում յազգէ իմմէ եւ ի տանէ հօր իմոյ։

ԾՆՈՒՆԴՔ 26:2

Եւ երեւեցաւ նմա Տէր եւ ասէ. Մի՛ իջաներ յԵգիպտոս, այլ բնակեա դու յերկրիդ յորում ասացից քեզ.

ԾՆՈՒՆԴՔ 28:3

Եւ Աստուած իմ օրհնեսցէ զքեզ, եւ աճեցուսցէ զքեզ եւ բազմացուսցէ զքեզ, եւ եղիցես ի ժողովս ազգաց։

ԾՆՈՒՆԴՔ 35:11

Եւ ասէ ցնա Աստուած. Ես եմ Աստուած քո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։

ԾՆՈՒՆԴՔ 43:14

Եւ Աստուած իմ տացէ ձեզ շնորհս առաջի առնն, եւ արձակեսցէ ընդ ձեզ զեղբայրն ձեր զմեւս եւ զԲենիամին. բայց ես որպէս անզաւակեցայ, անզաւակեցայ։

ԾՆՈՒՆԴՔ 46:3

Ասէ. Ես եմ Աստուած հարցն քոց՝՝. մի՛ երկնչիր իջանել յԵգիպտոս, զի յազգ մեծ արարից զքեզ անդ։

ԾՆՈՒՆԴՔ 48:15

Եւ օրհնեաց զնոսա եւ ասէ. Աստուած, որում հաճոյ եղեն հարքն իմ առաջի նորա, Աբրահամ եւ Իսահակ, Աստուած՝ որ կերակրէ զիս ի մանկութենէ իմմէ մինչեւ ցայսօր,

ԾՆՈՒՆԴՔ 48:3

Եւ ասէ Յակոբ ցՅովսէփ. Աստուած իմ երեւեցաւ ինձ ի Լուզ, յերկրին Քանանացւոց. օրհնեաց զիս.

ԾՆՈՒՆԴՔ 5:22

Եւ հաճոյ եղեւ Ենովք՝՝ Աստուծոյ յետ ծնանելոյ նորա զՄաթուսաղա՝ ամս երկերիւր. եւ ծնաւ ուստերս եւ դստերս։

ԾՆՈՒՆԴՔ 5:24

Եւ հաճոյ եղեւ Ենովք՝՝ Աստուծոյ. եւ ոչ ուրեք գտանէր, զի փոխեաց զնա Աստուած։

ԾՆՈՒՆԴՔ 6:9

Եւ այս են ծնունդք Նոյի. Նոյ այր արդար կատարեալ էր յազգի անդ իւրում. եւ հաճոյ եղեւ Նոյ՝՝ Աստուծոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:4

Զի հաստատեսցէ Տէր զբան իւր զոր խօսեցաւ վասն իմ եւ ասէ. Եթէ պահեսցեն որդիք քո զճանապարհս իւրեանց գնալ առաջի իմ ճշմարտութեամբ յամենայն սրտէ իւրեանց եւ յամենայն անձնէ իւրեանց, ասէ. Մի՛ սատակեսցի այր յաթոռոյ Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 3:6

Եւ ասէ Սողոմոն. Դու արարեր ողորմութիւն մեծ ընդ Դաւթի հօր իմոյ, որպէս եւ շրջեցաւ առաջի քո ճշմարտութեամբ եւ արդարութեամբ եւ ուղղութեամբ սրտի ընդ քեզ. եւ պահեցեր նմա զողորմութիւնս զայս մեծ՝ տալ որդւոյ նորա նստել յաթոռ նորա որպէս եւ յաւուր յայսմիկ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:25

Եւ արդ, Տէր, Աստուած Իսրայելի, պահեա ծառայի քում Դաւթի հօր իմոյ զոր խօսեցար նմա եւ ասացեր. Ոչ բարձցի քո այր յերեսաց իմոց որ նստիցի յաթոռ Իսրայելի, միայն թէ զգուշասցին որդիք քո ճանապարհաց իւրեանց գնալ առաջի իմ, որպէս եւ գնացեր առաջի իմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:3

Ո՛վ Տէր, յիշեա որպէս գնացի առաջի քո ճշմարտութեամբ եւ կատարեալ սրտիւ, եւ զբարին առաջի քո արարի։ Եւ ելաց Եզեկիա լալիւն մեծ։

ԳԻՐՔ ՅՈԲԱՅ 1:1

Այր ոմն էր յԱւսիդ աշխարհի՝՝ որում անուն էր Յոբ. եւ էր այրն այն ճշմարիտ, անարատ,՝՝ արդար, աստուածապաշտ, մեկնեալ յամենայն իրաց չարութենէ մեղաց՝՝։

ԳԻՐՔ ՅՈԲԱՅ 11:7

Եթէ զհետս Տեառն գտանիցե՞ս, կամ ի վերջինսն հասանիցե՞ս զոր արար Ամենակալն։

ԳԻՐՔ ՍԱՂՄՈՍԱՑ 115:3

Զի՞նչ տաց տրիտուր Տեառն, ընդ ամենայնի զոր եւ ետ ինձ։

ԵԼՔ 6:3

եւ երեւեցայ Աբրահամու եւ Իսահակայ եւ Յակոբայ. Աստուած նոցա եմ, եւ անուն իմ՝ Տէր, եւ ոչ յայտնեցի նոցա։՝՝

ԱՌԱԿՔ ՍՈՂՈՄՈՆԻ 10:9

Որ գնայ միամտութեամբ՝ գնայ յուսով, իսկ որ թիւրէ զճանապարհս իւր՝ յայտնի լիցի։

ՄԱՐԳԱՐԷՈՒԹԻՒՆ ԵՍԱՅԵԱՅ 38:3

եւ ասէ. Ո՜ Տէր, յիշեա զիս, Տէր,՝՝ զի գնացի առաջի քո արդարութեամբ եւ ճշմարտութեամբ սրտիւ, եւ զհաճոյս առաջի քո արարի։ Եւ ելաց Եզեկիա լալիւն մեծ։

ՄԱՐԳԱՐԷՈՒԹԻՒՆ ԵՐԵՄԵԱՅ 32:17

Որ եսդ Տէր Տէր, դու արարեր զերկինս եւ զերկիր զօրութեամբ քո մեծաւ եւ բազկաւ քով բարձու. զի ոչինչ է բան որ ծածկիցի ի քէն.

ՄԱՐԳԱՐԷՈՒԹԻՒՆ ՄԻՔԻԱՅ 6:8

Պատմեցաւ քեզ, ո՛վ մարդ, զի՛նչ է բարի. կամ զի՞նչ խնդրէ ի քէն Տէր, բայց առնել զիրաւունս, եւ սիրել զողորմութիւն, եւ պատրաստ լինել երթալոյ զկնի Տեառն Աստուծոյ քո՝՝։

ԹԻՒՔ 11:23

Եւ ասէ Տէր ցՄովսէս. Միթէ ձեռն Տեառն չիցէ՞ բաւական. այժմ գիտասցես եթէ հասանիցէ ի վերայ քո բանս իմ, եթէ ոչ։

ԹԻՒՔ 24:16

որ լուաւ զպատգամս Աստուծոյ, եւ հմուտ է գիտութեան Բարձրելոյ, եւ զտեսիլ Աստուծոյ ետես ի քուն աչօք իւրովք բացօք.

Մատթեոսի Աւետարան 19:26

Հայեցաւ ի նոսա Յիսուս եւ ասէ. Առ ի մարդկանէ այդ անկար է, այլ առ յԱստուծոյ՝ ամենայն ինչ զօրաւոր։

Մատթեոսի Աւետարան 5:48

Արդ եղերուք դուք կատարեալք, որպէս եւ Հայրն ձեր երկնաւոր կատարեալ է։

ԱՒԵՏԱՐԱՆ ԸՍՏ ՂՈՒԿԱՍՈՒ 1:6

Եւ էին արդարք երկոքին առաջի Աստուծոյ, գնային յամենայն պատուիրանս եւ յիրաւունս Տեառն անարատք։

ԳՈՐԾՔ ԱՌԱՔԵԼՈՑ 23:1

Եւ հայեցեալ Պաւղոսի յատեանն՝ ասէ. Արք եղբարք, ես ամենայն ուղիղ մտօք գնացեալ եմ առաջի Աստուծոյ մինչեւ ցայսօր։

ԳՈՐԾՔ ԱՌԱՔԵԼՈՑ 24:16

Յորում եւ ես իսկ ճգնիմ, անխիղճ միտս ունել առ Աստուած եւ առ մարդիկ յամենայն ժամ։

ԱՌ ԵՓԵՍԱՑԻՍ ԹՈՒՂԹ 3:20

Այլ այնմ որ կարողն է առաւել քան զամենայն ինչ առնել յաճախութեամբ քան զոր խնդրեմքն եւ իմանամք, ըստ զօրութեանն որ յաջողեալն է ի մեզ,

ԵՐԿՐՈՐԴՈՒՄՆ ՕՐԻՆԱՑ 10:17

զի Տէր Աստուած մեր, նա է Աստուած աստուծոց եւ Տէր տերանց, Աստուած մեծ եւ հզօր եւ ահաւոր, որ ոչ աչառի երեսաց, եւ ոչ առնու կաշառ.

ԵՐԿՐՈՐԴՈՒՄՆ ՕՐԻՆԱՑ 18:13

Կատարեալ լինիցիս առաջի Տեառն Աստուծոյ քո.

ԵՐԿՐՈՐԴՈՒՄՆ ՕՐԻՆԱՑ 30:20

սիրել զՏէր Աստուած քո եւ լսել ձայնի նորա եւ ունել զնմանէ, զի այն են կեանք քո եւ երկայնութիւն աւուրց քոց, բնակել յերկրին զոր երդուաւ Տէր հարցն քոց Աբրահամու եւ Իսահակայ եւ Յակոբա՝ տալ նոցա։

ԱՌ ՓԻԼԻՊԵՑԻՍ ԹՈՒՂԹ 4:13

Յամենայնի կարօղ եմ այնու որ զօրացոյցն զիս։

ԱՌ ԵԲՐԱՅԵՑԻՍ ԹՈՒՂԹ 12:28

Վասն որոյ թագաւորութիւն անշարժ ընկալեալ՝ պինդ կալցուք զշնորհսն, որով պաշտեմք զԱստուած հաճութեամբ՝ ահիւ եւ դողութեամբ.

ԱՌ ԵԲՐԱՅԵՑԻՍ ԹՈՒՂԹ 7:25

ուստի եւ կենդանի առնել համօրէն կարող է զմատուցեալսն նովաւ առ Աստուած. քանզի միշտ կենդանի է լինել բարեխօս վասն նոցա։