ԾՆՈՒՆԴՔ 16:8 - Գրաբար Աստվածաշունչ (1895)

⁸ Եւ ասէ ցնա հրեշտակ Տեառն՝՝. Ագար, աղախին Սարայի, ուստի՞ գաս կամ յո՞ երթաս։ Եւ ասէ. Յերեսաց Սարայի տիկնոջ իմոյ փախուցեալ եմ ես։

ԾՆՈՒՆԴՔ 16:8 ပူးပေါင်းရင်းမြစ်များ

ԾՆՈՒՆԴՔ 16:1

Եւ Սարա, կին Աբրամու, ոչ ծնանէր նմա. եւ էր նորա աղջիկ մի Եգիպտացի որոյ անուն էր Ագար։

ԾՆՈՒՆԴՔ 16:4

Եւ եմուտ առ Ագար, եւ յղացաւ. իբրեւ ետես թէ յղի է, արհամարհեցաւ տիկինն իւր յաչս նորա։

ԾՆՈՒՆԴՔ 16:9

Ասէ ցնա հրեշտակն Տեառն. Դարձիր առ տիկին քո եւ հնազանդ լեր ընդ ձեռամբ նորա։

ԾՆՈՒՆԴՔ 21:17

Եւ լուաւ Աստուած ձայնի մանկանն ի տեղւոջէն ուր էր՝՝, եւ կոչեաց Աստուած զԱգար յերկնից եւ ասէ ցնա. Զի՞նչ է այդ, Ագար, մի՛ երկնչիր, զի լուաւ Աստուած ձայնի որդւոյ քո ի տեղւոջէ այտի ուր է։

ԾՆՈՒՆԴՔ 3:9

Եւ կոչեաց Տէր Աստուած զԱդամ, եւ ասէ ցնա. Ո՞ւր ես։

ԾՆՈՒՆԴՔ 4:10

Եւ ասէ Աստուած. Զի՞նչ գործեցեր զայդ. գոչումն արեան եղբօր քո բողոքէ առ իս յերկրէ։

ԹԱԳԱՒՈՐՈՒԹԵԱՆՑ ԵՐՐՈՐԴ 19:13

Եւ եղեւ իբրեւ լուաւ Եղիա, ծածկեաց զերեսս իւր մաշկեկաւն, եւ ել եւ եկաց ի ներքոյ այրին. եւ ահա բարբառ առ նա եւ ասէ. Զի՞ ես դու աստ, Եղիա։

ԹԱԳԱՒՈՐՈՒԹԵԱՆՑ ԵՐՐՈՐԴ 19:9

Եւ եմուտ անդ յայրն եւ դադարեաց. եւ ահա բան Տեառն եղեւ առ նա եւ ասէ. Զի՞ ես դու աստ, Եղիա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:25

եւ ինքն եմուտ եւ կայր առաջի տեառն իւրոյ. եւ ասէ ցնա Եղիսէ. Ուստի՞ գաս Գէեզի։ Եւ ասէ Գէեզի. Չիք երթեալ ծառայի քո ոչ յայսկոյս եւ ոչ յայնկոյս։

ԺՈՂՈՎՕՂ 10:4

Եթէ հոգի իշխանին ելցէ ի վերայ քո՝ մի՛ թողուր զտեղի քո. զի ողոքումն դարձուցանէ զմեղս մեծամեծս։

ԴԱՏԱՒՈՐՔ 19:17

Եւ ամբարձեալ զաչս իւր ետես զայրն ուղեւոր ի մէջ հրապարակի քաղաքին. եւ ասէ այրն ծեր. Յո՞վ երթաս եւ ուստի՞ գաս։

ԹԱԳԱՒՈՐՈՒԹԵԱՆՑ ԱՌԱՋԻՆ 26:19

Եւ արդ լուիցէ տէր իմ արքայ զբանս ծառայի իւրոյ. եթէ Աստուծոյ շարժեալ է զքեզ ի վերայ իմ, ճենճերեսցի զոհ քո. եւ եթէ որդւոց մարդկան, անիծեալ լիցին դոքա առաջի Տեառն. զի մերժեցին զիս այսօր չհաստատել ինձ ի ժառանգութեան Տեառն. ասեն. Երթ ծառայեա աստուածոց օտարաց։