ԾՆՈՒՆԴՔ 15:2 - Գրաբար Աստվածաշունչ (1895)

² Եւ ասէ Աբրամ. Տէր, Տէր, զի՞նչ արասցես ինձ, զի ես կորնչիմ անորդի, եւ որդի Մասեկայ ընդոծնի իմոյ, այն՝՝ է Եղիազար Դամասկացի։

ԾՆՈՒՆԴՔ 15:2 ပူးပေါင်းရင်းမြစ်များ

ԾՆՈՒՆԴՔ 14:15

Եւ պնդեցաւ զկնի նոցա գիշերի, ինքն եւ ծառայք իւր, եւ եհար զնոսա մինչեւ ցՔոբաղ, որ է ի ձախմէ Դամասկոսի։

ԾՆՈՒՆԴՔ 15:1

Յետ բանիցս այսոցիկ եղեւ բան Տեառն առ Աբրամ ի տեսլեան, եւ ասէ. Մի՛ երկնչիր, Աբրամ, ես վերակացու եղէց քեզ, եւ վարձք քո բազում եղիցին յոյժ։

ԾՆՈՒՆԴՔ 15:3

Եւ ասէ Աբրամ. Որովհետեւ ինձ ոչ ետուր զաւակ, ընդոծինն իմ ժառանգեսցէ զիս։

ԾՆՈՒՆԴՔ 24:10

Եւ առ ծառայն տասն ուղտ յուղտուց տեառն իւրոյ եւ գնաց, եւ յամենայն բարութեանց տեառն իւրոյ ընդ իւր. եւ յարեաւ գնաց ի Միջագետս ի քաղաքն Նաքովրայ։

ԾՆՈՒՆԴՔ 24:2

Եւ ասէ Աբրահամ ցծառայն իւր ցերէց տան իւրոյ, ցիշխան ամենայն ընչից նորա. Դիր զձեռն քո ընդ երանօք իմովք,

ԾՆՈՒՆԴՔ 25:21

Եւ աղաչէր Իսահակ զՏէր վասն Ռեբեկայ կնոջ իւրոյ զի ամուլ էր։ Եւ լուաւ նմա Աստուած, եւ յղացաւ Ռեբեկա կին նորա։

ԾՆՈՒՆԴՔ 39:9

եւ չիք ինչ ի տան աստ որ մեծ է քան զիս. եւ չիք ինչ զատեալ յինէն բայց ի քէն՝ զի կին նորա ես. եւ զիա՞րդ առնիցեմ զբանդ զայդ զչար եւ զմեծ, եւ մեղանչիցեմ առաջի Աստուծոյ։

ԾՆՈՒՆԴՔ 43:19

Մատուցեալ առ այրն, վերակացու տանն Յովսեփայ, խօսեցան առ դրանն,

ԾՆՈՒՆԴՔ 44:1

Եւ հրաման ետ Յովսէփ հազարապետին իւրում եւ ասէ. Լցէք զամանս արանցն կերակրով որչափ եւ կարիցեն բառնալ, եւ դիք զարծաթն իւրաքանչիւր ի բերան ամանոյ իւրոյ։

ԳԻՐՔ ՍԱՂՄՈՍԱՑ 127:3

Կին քո որպէս այգի վայելուչ՝՝ յանկիւնս տան քո, որդիք քո որպէս նորատունկ ձիթենւոյ շուրջ զսեղանով քով։

ԱՌԱԿՔ ՍՈՂՈՄՈՆԻ 13:12

Լաւ է ի սկզբան օգնել սրտիւ, քան որ վաղվաղիցէ խոստանալ՝ եւ կախեալ կայցէ զյուսոյ։ Արդար ողորմի եւ տայ փոխ. ծառ կենաց է ցանկութիւն բարեաց։

ԱՌԱԿՔ ՍՈՂՈՄՈՆԻ 17:2

Ծառայ իմաստուն տիրեսցէ տերանց անմտաց՝՝, եւ ընդ եղբարս բաժանեսցի մասն։

ՄԱՐԳԱՐԷՈՒԹԻՒՆ ԵՍԱՅԵԱՅ 17:1

Պատգամ ի վերայ Դամասկոսի։ Ահաւասիկ Դամասկոս բարձցի ի քաղաքաց, եւ եղիցի ի կործանումն.

ՄԱՐԳԱՐԷՈՒԹԻՒՆ ԵՍԱՅԵԱՅ 56:5

տաց նոցա ի տան իմում, եւ ընդ պարսպաւ իմով տեղի անուանի, առաւել քան զուստերաց եւ զդստերաց, եւ անուն յաւիտենական տաց նոցա՝ եւ մի՛ պակասեսցէ։

ՄԱՐԳԱՐԷՈՒԹԻՒՆ ԵՐԵՄԵԱՅ 49:23

Ի վերայ Դամասկոսի։ Յամօթ եղեւ Եմաթ եւ Արփաթ, զի լուր չարեաց լուան, յիմարեցան. ի ծովուն զայրացան՝ եւ հանգչել ոչ կարասցեն՝՝։

ԳՈՐԾՔ ԱՌԱՔԵԼՈՑ 7:5

Եւ ոչ ետ նմա ժառանգութիւն ի սմա եւ ոչ քայլ մի ոտին. եւ խոստացաւ տալ նմա զսա ի բնակութիւն, եւ զաւակի նորա յետ նորա, մինչ ոչ գոյր նորա որդի.

ՀՌՈՒԹ 2:6

Պատասխանի ետ պատանին որ կայր ի վերայ հնձողացն եւ ասէ. Մովաբացի աղջիկն է որ դարձաւ ընդ Նոոմինայ յագարակէն Մովաբայ։

ԹԱԳԱՒՈՐՈՒԹԵԱՆՑ ԱՌԱՋԻՆ 1:11

Ադոնայ Տէր՝՝, Ելովէ Սաբաւովթ, եթէ հայելով հայեսցիս ի տառապանս աղախնոյ քո, եւ յիշեսցես զիս, եւ տացես աղախնոյ քում զաւակ առն, տաց զնա նուէր առաջի քո մինչեւ ցօր մահուան իւրոյ. եւ գինի եւ արբեցութիւն մի՛ արբցէ, եւ՝՝ երկաթ մի՛ ելցէ ի գլուխ նորա։