ԾՆՈՒՆԴՔ 15:18 - Գրաբար Աստվածաշունչ (1895)

¹⁸ Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ,

ԾՆՈՒՆԴՔ 15:18 ပူးပေါင်းရင်းမြစ်များ

ԾՆՈՒՆԴՔ 12:7

Եւ երեւեցաւ Տէր Աբրամու, եւ ասէ ցնա. Զաւակի քում տաց զերկիրս զայս։ Եւ շինեաց անդ Աբրամ սեղան Տեառն որ երեւեցաւ նմա։

ԾՆՈՒՆԴՔ 13:15

Զի զամենայն երկիրդ զոր դու տեսանես՝ քեզ տաց զդա եւ զաւակի քում մինչեւ յաւիտեան։

ԾՆՈՒՆԴՔ 2:14

Եւ գետն երրորդ՝ Տիգրիս, նա է որ երթայ յանդիման Ասորեստանի։ Եւ գետն չորրորդ Եփրատէս։

ԾՆՈՒՆԴՔ 24:7

Տէր Աստուած երկնից եւ Աստուած երկրի՝՝, որ առ զիս ի տանէ հօր իմոյ եւ յերկրէն ուստի ծնեալ էի, որ խօսեցաւն ընդ իս եւ երդուաւ ինձ եւ ասէ. Զաւակի քում տաց զերկիրդ զայդ, նա առաքեսցէ զհրեշտակ իւր առաջի քո, եւ առցես անտի կին որդւոյ իմում Իսահակայ։

ԾՆՈՒՆԴՔ 26:4

Եւ բազմացուցից զզաւակ քո իբրեւ զաստեղս երկնից, եւ տաց զաւակի քում զամենայն զերկիրս զայս, եւ օրհնեսցին ի զաւակի քում ամենայն ազգք երկրի։

ԾՆՈՒՆԴՔ 28:4

Եւ տացէ քեզ զօրհնութիւնն Աբրահամու հօր իմոյ՝՝, քեզ եւ զաւակի քում յետ քո, ժառանգել քեզ զերկիր պանդխտութեան քո՝ զոր ետ Աստուած Աբրահամու։

ԾՆՈՒՆԴՔ 35:12

Եւ զերկիրդ զոր ետու Աբրահամու եւ Իսահակայ՝ քեզ տաց զդա, քեզ եղիցի, եւ զաւակի քում յետ քո տաց զերկիրդ զայդ։

ԾՆՈՒՆԴՔ 50:24

Եւ խօսեցաւ Յովսէփ ընդ եղբարս իւր եւ ասէ. Ես աւասիկ մեռանիմ. այցելութեամբ այց արասցէ ձեզ Աստուած, եւ հանցէ զձեզ յերկրէս յայսմանէ յերկիրն զոր երդուաւ Աստուած տալ հարցն մերոց Աբրահամու, Իսահակայ եւ Յակոբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:5

Զի ոչ եթէ այս տուն իմ է ընդ հզօրին Աստուծոյ.՝՝ ուխտ յաւիտենական եդ ինձ, պատրաստական յամենայն ժամանակի պահել, զի ամենայն փրկութիւն իմ եւ ամենայն կամք իմ Տէր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:3

Եւ եհար Դաւիթ զԱդրաազար զորդի Ռովամայ՝ զարքայ Սուբայ, յերթալ նորա արկանել զձեռն իւր ի վերայ գետոյն Եփրատայ։

ԹԱԳԱՒՈՐՈՒԹԵԱՆՑ ԵՐՐՈՐԴ 4:21

Եւ Սողոմոն իշխան էր թագաւորութեանց՝ ի գետոյ երկրին այլազգեաց՝՝ մինչեւ ի սահմանս Եգիպտոսի. բերէին պատարագս եւ ծառայէին Սողոմոնի զամենայն աւուրս կենաց նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 5:1

Եւ առաքեաց Քիրամ արքայ Տիւրոսի զծառայս իւր առ Սողոմոն. քանզի լուաւ թէ զնա օծին ի թագաւոր փոխանակ Դաւթի հօր իւրոյ. զի սիրէր Քիրամ զԴաւիթ զամենայն աւուրս։

ՄՆԱՑՈՐԴԱՑ ԱՌԱՋԻՆ 16:16

զուխտն զոր եդ ընդ Աբրահամու եւ զերդումն իւր ընդ Իսահակայ.

ՄՆԱՑՈՐԴԱՑ ԱՌԱՋԻՆ 5:9

եւ յարեւելս բնակեաց, մինչեւ ի գալ յանապատն ի գետոյն Եփրատայ. վասն զի անասուն բազում էր նոցա ի Գաղաադ։

ՄՆԱՑՈՐԴԱՑ ԵՐԿՐՈՐԴ 7:8

Եւ արար Սողոմոն զտօնն ի ժամանակին յայնմ աւուրս եւթն, եւ ամենայն Իսրայէլ ընդ նմա, եկեղեցի մեծ յոյժ, ի մտիցն Եմաթայ մինչեւ ի հեղեղատն Եգիպտոսի։

ՄՆԱՑՈՐԴԱՑ ԵՐԿՐՈՐԴ 8:7

Ամենայն ժողովուրդ որ մնացեալ էր ի Քետացւոցն եւ յԱմովրհացւոցն եւ ի Փերեզացւոցն եւ ի Խեւացւոցն եւ ի Յեբուսացւոցն, որք ոչ էին յորդւոցն Իսրայելի,

ՄՆԱՑՈՐԴԱՑ ԵՐԿՐՈՐԴ 9:26

Եւ էր իշխան ամենայն թագաւորացն ի գետոյն Եփրատայ մինչեւ յերկիրն այլազգեաց, եւ մինչեւ ի սահմանս Եգիպտոսի։

ԵԶՐ 4:20

Եւ թագաւորք հզօրք եւ բռնաւորք կացեալ են յԵրուսաղէմ, բռնացեալ կալեալ զայն կողմն արեւմտից՝ յայն կողմն Եփրատ գետոյ։ Արդ դիք ի վերայ դոցա հարկս եւ հասս, զի մի՛ եւ այլ կամակարեալ բռնասցին։

ԳԻՐՔ ՆԷԵՄԵԱՅ 9:8

եւ գտեր զսիրտ նորա հաւատացեալ առաջի քո. եւ եդիր դու նմա ուխտ տալ նմա զերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Յեբուսացւոց եւ Գերգեսացւոց եւ զաւակի նորա մինչեւ յաւիտեան՝՝. եւ հաստատեցեր զբանս քո, վասն զի արդար ես։

ԳԻՐՔ ՍԱՂՄՈՍԱՑ 105:11

Ծածկեաց ծով զնեղիչս նոցա, եւ մի ի նոցանէ ոչ ապրեցաւ։

ԵԼՔ 13:11

Եւ եղիցի յորժամ տանիցի զքեզ Տէր Աստուած քո՝՝ յերկիրն Քանանացւոց, որպէս երդուաւ քեզ եւ հարցն քոց, եւ տացէ զնա քեզ,

ԵԼՔ 2:24

Եւ լուաւ Աստուած հեծութեան նոցա, եւ յիշեաց Աստուած զուխտ իւր որ ընդ Աբրահամու եւ Իսահակայ եւ Յակոբայ։

ԵԼՔ 23:23

Զի երթիցէ հրեշտակ իմ առաջնորդ քեզ, եւ տարցի զքեզ առ Ամովրհացին եւ Քետացի եւ Փերեզացի եւ Քանանացի եւ Գերգեսացի եւ՝՝ Խեւացի եւ Յեբուսացի, եւ սատակեցից զնոսա։

ԵԼՔ 3:8

եւ իջի փրկել զնոսա ի ձեռաց Եգիպտացւոցն, եւ հանել զնոսա յերկրէն յայնմանէ, եւ տանել զնոսա յերկիր բարի եւ յընդարձակ, յերկիր՝ որ բղխէ զկաթն եւ զմեղր. յերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Խեւացւոց եւ Գերգեսացւոց՝՝ եւ Յեբուսացւոց։

ԵԼՔ 32:13

Յիշեա դու զԱբրահամ եւ զԻսահակ եւ զՅակոբ զծառայս քո, որոց երդուար յանձն քո, խօսեցար ընդ նոսա եւ ասես. Առաւել բազմացուցից զզաւակ ձեր իբրեւ զաստեղս երկնից բազմութեամբ. եւ զամենայն զերկիրն զայն զոր ասացեր տալ զաւակի նոցա՝ կալցին զնա յաւիտեան։

ԵԼՔ 34:11

Զգոյշ լեր դու ամենայնի զոր միանգամ ես պատուիրեմ քեզ այսօր. ահաւասիկ ես մերժեմ յերեսաց ձերոց զԱմովրհացին եւ զՔանանացին եւ զՔետացին եւ զՓերեզացին եւ զԽեւացին եւ զԳերգեսացին՝՝ եւ զՅեբուսացին։

ԵԼՔ 34:24

Քանզի մերժեցից զազգսն յերեսաց քոց. եւ ընդարձակեցից զսահմանս քո, եւ ոչ ոք իցէ որ ակն դնիցէ երկրին քում, յորժամ ելանիցես երեւել առաջի Տեառն Աստուծոյ քո երիս ժամանակս ի տարւոջ։

ԵԼՔ 6:4

Եւ հաստատեցի զուխտ իմ առ նոսա, տալ նոցա զերկիրն Քանանացւոց, ուր պանդխտեցանն։

ԵԼՔ 6:8

Եւ տարայց զձեզ յերկիրն յոր ձգեցի զձեռն իմ տալ զնա Աբրահամու, Իսահակայ եւ Յակոբայ, եւ տաց զնա ձեզ վիճակաւ. զի ես եմ Տէր։

ՄԱՐԳԱՐԷՈՒԹԻՒՆ ԵՍԱՅԵԱՅ 27:12

Եւ եղիցի յաւուր յայնմիկ, արգել արկցէ՝՝ Տէր ի փոսոյ Գետոյն մինչեւ ի կողմանս Ռինոկորուրայ. բայց դուք մի մի ժողովեցէք զորդիսն՝՝ Իսրայելի։

ՄԱՐԳԱՐԷՈՒԹԻՒՆ ԵՍԱՅԵԱՅ 55:3

Ունկնդիր լերուք լսելեօք ձերովք, զհետ եկայք ճանապարհաց իմոց՝՝. լուարուք ինձ, եւ կեցցեն ի բարութեան անձինք ձեր. եւ եդից ընդ ձեզ ուխտ յաւիտենական զսրբութիւնսն Դաւթի զհաւատարիմս։

ՄԱՐԳԱՐԷՈՒԹԻՒՆ ԵՐԵՄԵԱՅ 32:22

Եւ ետուր նոցա զերկիրս զայս զոր երդուար հարցն նոցա՝ տալ նոցա զերկիր որ բղխէ զկաթն եւ զմեղր.

ՄԱՐԳԱՐԷՈՒԹԻՒՆ ԵՐԵՄԵԱՅ 32:40

Եւ ուխտեցից նոցա ուխտ յաւիտենական, զոր ոչ դարձուցից յետս, առնել նոցա բարի. եւ զերկեւղ իմ տաց ի սիրտս նոցա առ ի չապստամբելոյ նոցա յինէն։

ՂԵՒՏԱԿԱՆ 26:42

եւ յիշեցից զուխտն Յակոբայ եւ զուխտն Իսահակայ, եւ զուխտն Աբրահամու յիշեցից, եւ զերկիրն յիշեցից։

ՂԵՒՏԱԿԱՆ 26:45

եւ յիշեցից զառաջին ուխտն նոցա, յորժամ հանի զնոսա յերկրէն Եգիպտացւոց ի տանէ ծառայութեան՝՝, առաջի ամենայն ազգաց՝ լինել նոցա Աստուած. զի ես եմ Տէր։

ԹԻՒՔ 34:5

Եւ պատիցին սահմանքն յԱսեմոնայ ձորոյն Եգիպտացւոց, եւ եղիցին ելք նորա ընդ ծովն։

ԳՈՐԾՔ ԱՌԱՔԵԼՈՑ 7:5

Եւ ոչ ետ նմա ժառանգութիւն ի սմա եւ ոչ քայլ մի ոտին. եւ խոստացաւ տալ նմա զսա ի բնակութիւն, եւ զաւակի նորա յետ նորա, մինչ ոչ գոյր նորա որդի.

ԵՐԿՐՈՐԴՈՒՄՆ ՕՐԻՆԱՑ 11:24

Ամենայն տեղի ուր կոխիցեն գնացք ոտից ձերոց՝ ձեզ լիցի. յանապատէ անտի մինչեւ ցԱներն Լիբանանու, եւ ի գետոյն մեծէ, գետոյն՝՝ Եփրատայ մինչեւ ցծովն արեւմտից եղիցին սահմանք ձեր։

ԵՐԿՐՈՐԴՈՒՄՆ ՕՐԻՆԱՑ 12:20

Եւ եթէ ընդարձակեսցէ Տէր Աստուած քո զսահմանս քո որպէս եւ խոստացաւ քեզ, եւ ասիցես թէ՝ Կերայց միս, եթէ ցանկանայցէ անձն քո ուտել միս, ըստ ամենայն ցանկութեան անձին քո կերիցես միս։

ԵՐԿՐՈՐԴՈՒՄՆ ՕՐԻՆԱՑ 19:8

Եւ եթէ ընդարձակեսցէ քեզ Տէր Աստուած քո զսահմանս քո որպէս եւ երդուաւ Տէր հարցն քոց, եւ տացէ քեզ Տէր զամենայն երկիրն զոր խոստացաւ տալ հարցն քոց,

ԵՐԿՐՈՐԴՈՒՄՆ ՕՐԻՆԱՑ 34:4

Եւ ասէ Տէր ցՄովսէս. Այս է երկիրն զոր երդուայ Աբրահամու եւ Իսահակայ եւ Յակոբայ եւ ասեմ. Զաւակի քում տաց զդա. ցուցի աչաց քոց, եւ անդր մի՛ մտանիցես։

ԵՐԿՐՈՐԴՈՒՄՆ ՕՐԻՆԱՑ 7:1

Եւ եթէ տարցի զքեզ Տէր Աստուած քո յերկիրն յոր դու մտանիցես ժառանգել, եւ բարձցէ զազգսն մեծամեծս եւ զբազումս՝՝ յերեսաց քոց, զՔետացին եւ զԳերգեսացին եւ զԱմովրհացին եւ զՔանանացին եւ զՓերեզացին եւ զԽեւացին եւ զՅեբուսացին, եւթն ազգս մեծամեծս եւ զօրագոյնս քան զձեզ,

ԱՌ ԵԲՐԱՅԵՑԻՍ ԹՈՒՂԹ 13:20

Եւ Աստուած խաղաղութեան որ եհան ի մեռելոց զՀովիւն հօտից, զմեծն արեամբ յաւիտենական ուխտին, զՏէր մեր Յիսուս,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:3

Գեսուրի եւ Քանանացին, Յանշինէ՝՝ անտի ընդդէմ Եգիպտոսի՝ մինչեւ ի սահմանս Ակկարոնի, ընդ աջմէ՝՝ Քանանացւոյն համարի, հնգից թագաւորացն Փղշտացւոց, Գազացւոյն եւ Ազովտացւոյն եւ Ասկաղոնացւոյն եւ Գեթացւոյն եւ Ակկարոնացւոյն, եւ Խեւացւոյն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:4

եւ երթան ցԱսեմոնա, եւ հանեն մինչեւ ցձորն Եգիպտացւոց. եւ եղիցին նոքա ելք սահմանացն ընդ ծովակողմն. այս են նոցա՝՝ սահմանք ի հարաւոյ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 9:14

զի ասէր ցհրեշտակն վեցերորդ որ ունէր զփողն. Լոյծ զչորս հրեշտակսն զկապեալս ի վերայ գետոյն մեծի Եփրատայ։