ԾՆՈՒՆԴՔ 15:15 - Գրաբար Աստվածաշունչ (1895)

¹⁵ Եւ դու երթիցես առ հարս քո խաղաղութեամբ՝ սնեալ ի բարւոք ծերութեան։

ԾՆՈՒՆԴՔ 15:15 ပူးပေါင်းရင်းမြစ်များ

ԾՆՈՒՆԴՔ 23:19

Եւ յետ այնորիկ թաղեաց Աբրահամ զՍառա զկին իւր ի կրկնում այրի ագարակին, որ է՝՝ յանդիման Մամբրէի, այն է Քեբրոն՝ յերկրին Քանանացւոց։

ԾՆՈՒՆԴՔ 23:4

Պանդուխտ եւ նժդեհ եմ ես ի միջի ձերում. արդ տուք ինձ ստացուած գերեզմանի ընդ ձեզ եւ թաղեցից զմեռեալս իմ։

ԾՆՈՒՆԴՔ 35:29

Եւ պակասեալ Իսահակայ մեռաւ, եւ յաւելաւ յազգ իւր, ծերացեալ եւ լի աւուրբք. եւ թաղեցին զնա Եսաւ եւ Յակոբ որդիք իւր։

ԾՆՈՒՆԴՔ 47:30

Այլ ննջեցից ընդ հարսն իմ, եւ բարձցեն զիս յԵգիպտոսէ, եւ թաղեսցեն զիս ի գերեզմանի նոցա։ Եւ նա ասէ. Ես արարից ըստ բանի քում։

ԾՆՈՒՆԴՔ 49:29

Եւ պատուիրեաց նոցա եւ ասէ ցնոսա. Ես յաւելում առ ժողովուրդ իմ. թաղեցէք զիս ընդ հարս իմ յայրի անդ որ է յագարակին Եփրոնի Քետացւոյ.

ԾՆՈՒՆԴՔ 49:31

Անդ թաղեցին զԱբրահամ եւ զՍառա զկին նորա. անդ թաղեցին զԻսահակ եւ զՌեբեկա կին նորա. անդ թաղեցին զԼիա։ Ի ստացուածի ագարակին եւ այրին որ է ի նմա առ ի յորդւոցն Քետայ։

ԾՆՈՒՆԴՔ 50:13

Բարձին զնա եւ թաղեցին զնա անդ.՝՝ եւ տարան զնա որդիքն իւր յերկիրն Քանանացւոց, եւ թաղեցին յայրին կրկնում, զոր ստացաւ Աբրահամ ի ստացուածս շիրմի յԵփրոնէ Քետացւոյ յանդիման Մամբրէի։

ՄՆԱՑՈՐԴԱՑ ԱՌԱՋԻՆ 23:1

Եւ Դաւիթ էր ծեր եւ լի աւուրբք. եւ թագաւորեաց Սողոմոն որդի նորա փոխանակ նորա՝՝ ի վերայ Իսրայելի։

ՄՆԱՑՈՐԴԱՑ ԱՌԱՋԻՆ 29:28

Եւ վախճանեցաւ բարի ծերութեամբ, լի աւուրբք, մեծութեամբ եւ փառօք. եւ թագաւորեաց Սողոմոն որդի նորա փոխանակ նորա։

ՄՆԱՑՈՐԴԱՑ ԵՐԿՐՈՐԴ 34:28

Ահա յաւելից զքեզ առ հարս քո, եւ դիցեն զքեզ ի շիրմին քում խաղաղութեամբ, եւ ոչ տեսցեն աչք քո զամենայն չարիսն զոր ես ածից ի վերայ տեղւոյդ այդորիկ եւ ի վերայ բնակչաց դորա։ Եւ ետուն թագաւորին զբանսս զայսոսիկ։

ԳԻՐՔ ՅՈԲԱՅ 42:17

Եւ վախճանեցաւ Յոբ ծերացեալ եւ լցեալ աւուրբք։ Եւ գրեալ է նմա յառնել ընդ որս Տէր յարուցանէ։ Սա թարգմանի յԱսորի գրոց. բնակէր յերկրին Աւստայ, ի սահմանս Եդովմայեցւոց եւ Արաբացւոց. յառաջ՝ էր անուն նորա Յոբաբ. եւ առեալ կին Արաբացի, ծնաւ որդի՝ որում անուն էր Եննով։ Եւ էր հայր նորա Զարեհ, որդի որդւոյն Եսաւայ. եւ մայր նորա Բոսորացի. որպէս զի լինել նմա հինգերորդ յԱբրահամէ։ Եւ այս են թագաւորք որ թագաւորեցին յԵդոմ. առաջին Բաղակ Բէովրայ. եւ անուն քաղաքի նորա Դենաբայ։ Յետ Բաղակայ Յոբաբ՝ որ կոչեցաւ Յոբ։ Յետ նորա Ասովմ, որ էր զօրավար յերկրին Թեմնացւոց։ Յետ նորա Ադադ որդի Բարադայ, որ կոտորեաց զՄադիամ ի դաշտին Մովաբայ. եւ անուն քաղաքի նորա Գեթեմ։ Եւ որ եկին առ նա բարեկամքն, Եղիփազ՝ յորդւոցն Եսաւայ՝ արքայ Թեմնացւոց, Բաղդատ բռնաւոր Սաւքեցւոց, Սովփար արքայ Մինեցւոց։՝՝

ԳԻՐՔ ՅՈԲԱՅ 5:26

Եւ երթիցես ի գերեզման իբրեւ զցորեան հասեալ՝ ի ժամանակի հնձեալ, կամ՝՝ իբրեւ զշեղջ կալոյ ի ժամանակի ամփոփեալ։

ԳԻՐՔ ՍԱՂՄՈՍԱՑ 49:19

Բերան քո յաճախէր զչարութիւն, եւ լեզու քո նիւթէր զնենգութիւն։

ԺՈՂՈՎՕՂ 12:7

Եւ դարձցի հողն յերկիր որպէս եւ էրն, եւ հոգին դարձցի առ Աստուած որ ետ զնա։

ԺՈՂՈՎՕՂ 6:3

Եթէ ծնցի այր հարեւր, եւ ամս բազումս կեցցէ, եւ եւս բազում եղիցին աւուրք ամաց նորա, եւ անձն նորա ոչ յագեսցի ի բարեաց անտի, եւ գերեզման եւս ոչ գտցի նմա, ես ասացի թէ լաւ է քան զնա վիժածն.

ԹԻՒՔ 20:24

Յաւելցի Ահարոն առ ժողովուրդ իւր, զի մի՛ մտցէ յերկիրն զոր ետու որդւոցն Իսրայելի. քանզի բարկացուցէք զիս ի վերայ Ջուրցն բամբասանաց՝՝։

ԹԻՒՔ 27:13

տեսցես զնա եւ յաւելցիս առ ժողովուրդ քո եւ դու, որպէս յաւելաւ Ահարոն եղբայր քո ի Հովր լերինն՝՝։

Մատթեոսի Աւետարան 22:32

Ես եմ Աստուած Աբրահամու, Աստուած Իսահակայ եւ Աստուած Յակովբայ. եւ չէ Աստուած Աստուած մեռելոց, այլ կենդանեաց։

ԳՈՐԾՔ ԱՌԱՔԵԼՈՑ 13:36

Այլ Դաւիթ յազգի անդ իւրում պաշտեաց եւ ի կամս Աստուծոյ ննջեաց, եւ յաւելաւ առ հարս իւր եւ ետես զապականութիւն։

ԵՐԿՐՈՐԴՈՒՄՆ ՕՐԻՆԱՑ 31:16

Եւ ասէ Տէր ցՄովսէս. Ահաւասիկ դու ննջեսցես ընդ հարս քո, եւ յարուցեալ ժողովուրդդ այդ պոռնկեսցի զհետ աստուածոց օտարաց երկրին յոր մտանիցէ դա ի նոսա, եւ թողուցուն զիս եւ ցրիցեն զուխտն իմ զոր ուխտեցի ընդ դոսա։

ԴԱՏԱՒՈՐՔ 2:10

Եւ ամենայն ազգն այն յաւելան առ հարս իւրեանց. յարեաւ այլ ազգ յետ նոցա որ ոչ ճանաչէին զՏէր եւ ոչ զգործսն զոր արար ի մէջ Իսրայելի։